九巴92 減班減出事？

琴晚(27/5) 搭21:50黃石開出嘅94出西貢，到西貢啱啱趕到22:15開出嘅92出彩虹，咁見到總站條排隊人龍已經超過50人。
上到上層，總站開車後其實已經接近完全坐滿，下層情況相信差唔多。
咁啱個車長又碌車，最後23:00先到彩虹，落到下層都爆爆哋。


雖然琴日撞正西貢天后誕加上long weekend第二日，但始終唔係公眾假期亦就快中小學考試季節，所以人流上一定未去到頂峰。
上年7月某星期日夜晚10點幾，印象中92出市區係15分鐘一班，不過上咗頭兩個站已經頂閘。


咁最好笑由今年2月開始，星期六日假期21:45後出市區已減到30分鐘一班。
減班嗰時係冬天，冬天嘅話問題唔大，試過星期六同復活節長假夜晚10點幾坐過幾次，都係得小貓三幾隻。
不過而家開始入夏，多人入西貢玩水遊船河開船P，又有啲夜釣墨魚。
玩到黃昏時段返到西貢，但未必係即刻出市區，而係可能食埋飯先走。
夜晚10點依個時間，無論係喺西貢食飯食海鮮，定係夜釣墨魚嗰班遊客都齊齊散水返市區。
不過以琴晚咁個情況，如果到暑假星期日晚出市區都成30分鐘一班，到時爆鑊都似

先不計月票客,92到達
彩虹邨轉九巴路線,BBI
後實收幾多錢呢……

一係就搵啲「夏季有條件」
減班嘅路線令佢尾班車前都
恢復20分鐘一班,總站都還可
倒客俾綠Van甚至的士,難為喺
中途站嘅等候者選擇更少。

再者,以北區及大埔計
都有唔低嘅比例係經彩虹
轉都唔會經299X離開西貢

有咩鑊可以爆，咪又係執1A跌出黎果班客。真係好爆咪又係果一個半個長假周末。

92好多碌神，慢到頂唔順

kitarolo 發表於 2023-5-28 06:19
先不計月票客,92到達
彩虹邨轉九巴路線,BBI
後實收幾多錢呢……

點解咁得意，住大埔/北區反而經彩虹轉，貪有BBI定乜？

九巴情願92R加班多賺你錢

12Lane 發表於 2023-5-28 06:27
有咩鑊可以爆，咪又係執1A跌出黎果班客。真係好爆咪又係果一個半個長假周末。 ...

琴日夾喺兩個紅假中間，不過係星期六咁解。
本身返五天，放開星期六日嘅打工仔就放三日假，多咗人趁機去旅行，尤其年頭通返關，依三年留喺香港玩仲留唔夠咩。
本身返五天半/六天，只放星期日嘅打工仔，就係放一日返一日再放一日，琴日正常係要如常返工，好難抽到時間入西貢玩，當然有部分會選擇晏晝甚至傍晚放工後入去，但估計為數唔多。
西貢正常星期日/紅假一定係爆過星期六，始終自己未必係放星期六，身邊朋友亦未必都放星期六，長假就一時時，如果連續幾日紅假反而少人。

TA7343@N241 發表於 2023-5-28 09:12
點解咁得意，住大埔/北區反而經彩虹轉，貪有BBI定乜？

就是貪有BBI，況且今日仍有不少市民只懂在彩虹轉車入西貢。

事實上，去年底開九巴74R時，就有99、299X轉乘74R的優惠，是否因為這個BBI欠缺宣傳？

FBI2 發表於 2023-5-28 06:50
92好多碌神，慢到頂唔順

唔知好彩定唔好彩，作為成日搭92出彩虹嘅我好少撞到碌神。
去到車手級別，20分鐘左右出到彩虹，只比1A慢少少就遇過好多次。
唔知係咪多客先比較碌，琴晚開車過20分鐘，差唔多22:40先過南圍上鄭植之，用成10分鐘上到壁屋，起初以為多客跟住上斜又唔夠力，點知到井欄樹一段平路都慢先知真係碌。

如果夏季同冬季咁有分別
92應該分兩種時間表