九巴冷氣係咪要熱到中暑甚至死過人先可以唔set 24.5度？

williamau 發表於 2023-6-22 15:24
大荔定青衣廠車?
我搭開青衣廠既車都幾乎冇試過唔夠冷氣, 前排先搭完架41A紅蛋凍到我要閂左個風口..
...

蛋普遍都係算涼，但唔少MMC都係熱，有啲高風量但熱，有啲直程低風量

12Lane 發表於 2023-6-18 19:29
就算疫情其間，一入隧道好多人都拿拿聲刪窗，以前熱狗年代更加唔駛講。一落雨，刪窗；入隧道，刪窗；好似 ...

我相信香港人把「開冷氣」與「開窗」兩者必須相亙排斥、必須「水火不容」嘅舊思維，絕對係COVID-19在香港如此嚴謹地規定要戴口罩但仍然失守搞咗近3年嘅重要元凶。

涼冷氣，係要持續有戶外空氣供應，並且持續排走少量&定量冷氣，咁先至能夠減低室內空氣嘅微生物、病毒、病菌嘅含量。

涼冷氣文化隨時會搞到laymen 好似奉咗旨咁忘記晒香港啲ventilation 法例，如果要認真執行，唔知有幾多部車會違反法例?

又或者，香港啲通風法規又未必有跟隨「涼冷氣文化」而更新，呢個亦都係問題。

順便講埋，冷氣系統其實相當容易成為微生物/病毒病菌嘅溫床，我假設啲巴士有裝戶外鮮風風口並開到盡之後派戶外鮮風/生風俾冷氣系統......就算有呢個設備，積存了微生物/病毒/病菌嘅冷氣系統都隨時會污染咗所謂嘅鮮風/生風/新風。

所以，坐車時想呼吸一啖無菌無病毒嘅安全空氣，其實一係就自己揸私家車自己為部車嘅清潔負責，如果搭公共交通嘅唯一有希望達至0微生物嘅模式係因應戶外空曠程度判斷atmospheric dilution嘅能耐，開窗直接呼吸車外空氣(車外空氣只須飄到breathing level嘅位置就已足夠，絕對唔係話要戶外空氣充斥晒12.8m x 2.55m x 大約 4m 嘅整個volume)，但如果冇得開一啲窗，因indoor air 欠缺dilution「機制」就會隨時吸入咗人哋啖「口水尾」然後可能生病。
坐私人交通工具亦能無需開窗就都「安全」能減少交叉感染，但如果香港所有人都以私家車出行，路面好可能會jam 實晒唔郁得都似...

GK3258 發表於 2023-6-22 19:48
蛋普遍都係算涼，但唔少MMC都係熱，有啲高風量但熱，有啲直程低風量

唔知道車內 air temperature sensor (如果有裝) 嘅位置是否有不同?

如果air temperature sensor 擺在樓上車頭近「大銀幕」位置，咁就應該能夠避免cooling 不足嘅問題。(陰天/雨天亦有可能做到reduce cooling through-put)

cz9328 發表於 2023-6-24 02:42
我相信香港人把「開冷氣」與「開窗」兩者必須相亙排斥、必須「水火不容」嘅舊思維，絕對係COVID-19在香港 ...

首先都好多謝你咁長篇大論
第我自己就唔係專家，冇能力判斷COVID-19係咪因為冷氣系統造成大規模感染，但我唔否認一點就係冷氣係細菌/病毒溫床，巴士我就唔識，屋宇條例室內就一直有規定幾多ACH，疫情亦有提升措施。都重申自己唔係冷氣專家，無謂拋書包。但當你要質疑巴士係咪不符合某些通風法例，係咪冇鮮風/唔夠鮮風，咁麻煩閣下都比少少證據。

開冷氣又有細窗開我持開放態度，但都唔好影響舒適嘅乘車環境，相信大家都一樣想追求呢樣野。問題係要裝幾多m2先得？或者要開多幾多隻窗先達到？夏天三十幾度、有時濕度又好高，樓主仲要講緊冷氣已經唔夠凍，點樣先可以又開窗又maintain到室內舒適乘車環境？塞車就唔駛講，一定唔會開；座位窗呢樣野本身就好睇乘客行為同習慣，坐隻窗隔離果班乘客唔開窗，你幾想開都冇用；就算行公路你揀開窗，往往吹到頭都甩係後面果班客，咁你又會路會屈服去堅持你嘅通風原則呢？

不過我諗你關心嘅野應該就唔同，要通風/換氣/減低細菌感染，鬼唔知natural vent係最好，但都要顧及實際乘客舒適度。要空氣安全又舒適，不如直接從改善冷氣系統入手。

cz9328 發表於 2023-6-24 02:42
我相信香港人把「開冷氣」與「開窗」兩者必須相亙排斥、必須「水火不容」嘅舊思維，絕對係COVID-19在香港 ...

其實搞咁多嘢不如將個別路線轉返做冇冷氣算啦等啲乘客有得揀

厹除咗 全天候 唔開夠冷氣、夏天只出涼風，冬天最涷果幾日直頭乜柒都唔開。
厹嘅 冷氣槽送風口 及車箱週圍 都係特別污糟，大家得閒向上望一望，黑蚊蚊的，似係微碳粒；有抹過的 但都係抹唔甩。上層下層都係咁。

兼夾：酸宿臭味、瓜子味 老人除，總是在厹車箱出現。
厹應該沒有對 巴士車箱的室內空氣潔淨 投放資源，理得班客吸廢氣吸死。
老實講，新巴城巴的 未曾見過呢d情況、 冷氣槽周圍都係碳粒。

真心講句：唔理你係邊一邊嘅fans屎。有相你睇，自行判斷。

https://www.facebook.com/100000174386562/posts/pfbid0Qty72Thy3qwQGxDGzc5U4QfoyzjAZqAR7VMCXCsQYk5a5fhXYvsyA9yQ437uFZyJl/?mibextid=Nif5oz 某天水圍社區主任回覆，九巴空調永遠24. 5度