建議城巴260、973交換港島區內走線

建議背景：
1. 973是目前赤柱唯一全日過海巴士線，但是走南區及薄扶林道車程冗長，對過海乘客缺乏吸引力。（此定線原意是為了跟970競爭，但隨著新城合併，似乎已失去意義）
2. 除了過海，973也肩負赤柱直達薄扶林道沿線（瑪麗醫院及港大）和西營盤的獨市服務，相關走線需要有所保留。
3. 260往返中環和赤柱，與6系大幅重疊，卻收取較高車費（原定位為“豪華巴士旅遊線”，但是隨著車型更替，與6系的差距逐漸收窄）

因此提出標題所述建議，兩線交換港島區走線。詳情：
1. 973西隧過海後，改經干諾道天橋直達金鐘，接260原線，經金鐘、灣仔（告士打道）、鵝頸橋、香港仔隧道、香島道等前往赤柱。
可考慮的細節改動：
  - 直走夏慤道前往告士打道，不再繞經金鐘道。
  - 加停上環（港澳碼頭）。
  - 改以赤柱廣場為總站，服務馬坑邨居民（260原線不經馬坑邨）
  - 維持逢週六日及假期指定時段，雙向繞經海洋公園（正門）。
全程收費 $16.9
上環/中環/金鐘往赤柱 $13.4【過海後首站開始】
過香港仔隧道後往赤柱 $8.4
淺水灣海灘往尖沙咀（麼地道） $13.8
舊灣仔警署往尖沙咀（麼地道）$11.5
過西隧後往尖沙咀（麼地道）$7.2

2. 260從中環出發，改經干諾道天橋直達西營盤，接973原線經薄扶林道等前往赤柱。
  - 赤柱監獄一段，繼續由260服務（973原線不入赤柱監獄）
  - 所有班次不經海洋公園。
全程收費 $13.4
高樂花園往赤柱 $7.6
鄉村俱樂部（黃竹坑道）往赤柱 $6.0赤柱區內循環（赤柱村—赤柱監獄）$3.5
淺水灣海灘往中環 $8.4
鄉村俱樂部往中環 $7.4
瑪麗醫院往中環 $6.3

兩線維持現有班次不變。


建議好處：
1. 973過海走線變得更直觀，可進一步吸引遊客乘搭。
2. 260避開跟其他中環赤柱線的直接競爭；西區往返赤柱平均票價可以降低，同時順利銜接原973往赤柱方向的“超低價分段”。
敬請指教！

幾好建議，既可將973 提速，又可將260與6號系列分隔，直得支持，我讚賞你

唯一受影響是灣仔北人境處站乘客要行去大道東坐車，但可以用70，70p轉乘方法解決，影響輕微。

QMH成條過海線被消失換條多如繁星既中環線
即ban得

北行可以改鴻興道入紅隧，尖沙咀循環點，西隧南行返赤柱

但QMH瑪麗醫院 有970 n 970x,  只是去不到M+等， 影響應不太大，最多在西隧口加免費轉乘

SHchu 發表於 2023-6-24 13:01
但QMH瑪麗醫院 有970 n 970x,  只是去不到M+等， 影響應不太大，最多在西隧口加免費轉乘 ...

瑪麗醫院轉車站直接少一條線（兼相當於零補償
想問點免費轉乘？

仲未講格硬對調兩邊路線根本粗糙無比
973調走遊客需求高既馬坑
當你放赤柱廣場總站，平日一條雙坑有66（遲下仲打算重新全日）車位緊張
返出去無可能入每分鐘爆棚既赤柱市集調頭要兜到監獄，對馬坑乘客亦唔公平
由香隧入赤柱中途去海洋公園亦唔順路
赤柱去灣仔北係收到$16.90，但夜晚60分鐘即係擺明倒米俾平線70

香港仔/薄扶林去中環選擇多到唔差260一條（甚至有更快既30X）
260除左做區內無乜意思（然後假日260會停雙向分段）
但，行到咁幾乎肯定6號/6X/66都快過佢，咁條線仲好意思收$12.80？

香港仔 華富一帶來往尖沙咀同高鐵站 點算？

出香隧但唔入紅隧仲要經灣金中上咪一樣兜，咪一樣缺乏吸引力，灣金中上有天星/有鐵你想執下尖咀客都難...
香港仔華富瑪麗無鐵無天星無競爭就反而唔做？不如先研究下本身赤柱有幾高特快過海需求先啦...
260遊客價竟然唔做金鐘中環遊客區反而去做南區區內咁得意？如果出灣中人地坐番直接既6系算，南區區內坐番小巴/73唔好？

路線重疊唔等於目標客源一樣，6系係做灣南、爬山/香隧馬坑，260做灣北、赤柱最快出灣中既香隧貴價車，都唔同；
970系做長深旺佐，973做尖咀，睇唔出有乜競爭

香港仔隧道成日塞車，或可考慮跟A17經黃泥涌峽道往返南區？