點解城巴叫深旺道/海達總站做「長沙灣西」？

12Lane 發表於 2023-7-4 22:27
唔好分散重點先
你講到 長沙灣西 轉頁 海達
同埋長沙灣（海達）

城巴的「長沙灣西」其實包含兩個總站：深旺道同海達，深旺道仲有118，未完成被海達取代，明顯係一個唔確定位置嘅名稱。雖然呢度有人話我執著同搵嘢拗，但呢個站頭應該跟九巴算數。

ricky 發表於 2023-7-4 22:42
城巴的「長沙灣西」其實包含兩個總站：深旺道同海達，深旺道仲有118，未完成被海達取代，明顯係一個唔確 ...

拿, 你用呢點講我反而覺得勉強講得通。下次就唔好自己EDIT左個POST頭咁鬼祟，個POST開左四個鐘，前面講完晒啦你而家先跳出黎，明明你一開始根本就唔係講緊雙總站呢個POINT。

從來唔覺得一名多站或一站多名係問題
終點站永遠係咁多個站其中一個
最緊要係夠人性化
地點牌最緊要表達到兩個主要方向嘅邊一個、終點或終點附近地區就可以，唔一定要有一個unique同exact去表達個終點站

例如長沙灣甘泉街，地點牌用長沙灣表達已經足夠，根本總站或總站前一兩個站一樣可以到嘅地方，乳豬紙就可以寫返全寫，同樣地安泰同彩雲都已經足夠

轉頁唔係萬能
個人認為要轉頁先睇得曬足夠資訊係反智，唔係幾時都可以足夠時間睇曬你個轉頁，就算睇得曬都阻止唔到人淨係拎其中一頁去解讀
轉頁最緊要係區名可以有一定程度代表同interchangeable
例如小西灣同藍灣半島轉頁夠interchangeable，最多藍灣半島知名度低少少
但屯門 龍門居轉頁轉頁就唔係好interchangeable

同埋區名引起嘅誤會
個人認為區名要條線經過該區大部份地方或主要人流旺嘅市中心或鐵路站先叫合理地展示
否則會容易引起誤會，類似深水埗大坑東例子
將來嘅長沙灣海達邨118一樣，遠離長沙灣市中心既唔經長沙灣商貿區又唔經長沙灣站，就算轉頁都明顯唔係interchangeable
正如104用咗咁多年白田一樣，其實無必要一定要加個深水埗區名
又例如海濱花園238X遠離荃灣市中心，但30X/234X比較接近/經過一般人認知嘅荃灣市，前者無區名後者有實屬合理

ccchhhuuunnn 發表於 2023-7-4 23:31
從來唔覺得一名多站或一站多名係問題
終點站永遠係咁多個站其中一個
最緊要係夠人性化

「小西灣」一直都係指小西灣總站喎…

好多線既牌都係寫左個好大既區名，然後下一頁寫返細d

以前海麗四小龍個頭叫「荔枝角填海區」，依家發展埋隔離既海達，又真係難再叫做荔枝角，用長沙灣西更符合地理位置

ccchhhuuunnn 發表於 2023-7-4 23:31
從來唔覺得一名多站或一站多名係問題
終點站永遠係咁多個站其中一個
最緊要係夠人性化

轉頁唔係萬能，但塞晒所有字入去都唔見得係好事，正如你所講發生過嘅深水埗白田，自己就覺得都幾矯枉過正。不過調番轉我又唔覺得屯門轉頁龍門居問題係咁大，而家條962X真係勉強掃過屯門市中心，唔可以話佢錯，咁當然962都可能有問題，係咪show屯門我就唔知啦，續個case睇晒就點講都講唔完。
長沙灣西、天水圍北 加轉頁我覺得表達得冇咩問題，未過海我知佢去邊，過左海都一樣cater到區內客，最重要係字體更大更易睇，同埋至少一望就至少知道同長沙灣/天水圍有分別，提高生客戒心，上車前都好問清楚，但樓主就覺得點都要學九巴果套，要將所有字塞晒入個頭牌到睇都睇唔到先叫正野。269c 296c呢D六個字上錯車嘅咪時有發生。

不過點都好，呢類問題拗得耐就會鑽晒牛角尖，下下講求標準化，都係另一種矯枉過正。

shakugan2005 發表於 2023-7-4 20:06
果度有城巴?

以前有171做總站 當時城巴都係寫長沙灣

Quanta 發表於 2023-7-5 00:32
以前有171做總站 當時城巴都係寫長沙灣

果度係長沙灣，依家講緊深旺道好似得罪左城巴咁將長沙灣深旺道寫成長沙灣西，以前既深水埗東京街都唔會變左做深水埗西

lrv1092 發表於 2023-7-5 00:02
好多線既牌都係寫左個好大既區名，然後下一頁寫返細d

以前海麗四小龍個頭叫「荔枝角填海區」，依家發展埋 ...

或者咁講啦，以前淨係塊布年代連轉頁都冇，大家都識得搭車。
唔知點解而家科技好左，加埋轉頁，有埋app，會好似講到個問題好大咁樣。
個人感覺，城記顯示方式算係簡單得黎有sense，不過要撩嘅，就點都有問題。
最好以後就兩巴一齊長沙灣西海達邨（or equipvalent 南昌北、深水埗西、昂船州東blablabla嘈幾十頁）咁樣密質質就最好啦，一陣又比人話唔知長沙灣西喺邊；一時又話九巴寫長沙灣（海達）比人誤以為經麗閣邨。

ccchhhuuunnn 發表於 2023-7-4 15:31
從來唔覺得一名多站或一站多名係問題
終點站永遠係咁多個站其中一個
最緊要係夠人性化

呢板supposed係口味近似同對巴士總站較熟悉嘅巴迷，
都可以對路線牌顯示嘅地方名有唔同嘅聯想及解讀時，
對地方認知程度差距更大嘅公眾人士，
睇見地方名嘅聯想可以更五花八門，更加你估佢唔到。
所以揀顯示D乜，出街前可以大戰N回。

一般黎講，呢D指示牌寫乜資料，力求準確之餘，
通常都係揀最難解錯，同埋萬一理解錯嘅後果最細果個。
所以有時未必用最準確果個名。

例如“長沙灣西”，唔知西响邊嘅，
應該會意識到同最多人認知嘅“長沙灣”有分別。
就算想去“長沙灣”嘅上錯架“長沙灣西”嘅，
轉番架啱嘅車，甚至行番去都唔會太費時失事。

引用呢個原則，
104用“深水埗”固然同一般人認知嘅“深水埗”有D距離
但係就算去佐白田邨，要落番去唔算難。