交通投訴組公布2022年第四季度報告

https://www.tcu.gov.hk/chi/qr/images/%E5%AD%A3%E5%A0%B1_10_12_2022%20(%E7%B9%81).pdf

生意好呀。

樓主，上面條link點唔到入去噃…
點我睇季報

就咁成份野又字又數可能唔太吸引普通人睇，但如果細心睇返數字，會發現不久之前雖然有人話新巴光榮告別、同感謝佢哋嘅服務；但事實由日常表現睇，根本唔清楚佢哋嘅「光榮」係指邊度，或者係邊度應該感謝佢哋。

睇過附件 F(viii) 後，可以發現每一百萬個乘客人次計的投訴及建議數字方面，九巴有8.69次，而新巴就比九巴高的129%，而城巴專二比九巴高73%，城巴專一都比九巴高8%。

其實在2019年，新巴同城巴每一百萬個乘客人次計的投訴及建議數字都低過九巴。但係到咗2021年，城巴專一、專二同新巴嘅數字已經超過九巴，而城巴專一、專二、新巴嘅數字比九巴分別高65%、76%同183%。新巴每一百萬個乘客人次計的投訴及建議數字高達16.68。如果比較2021年同2019年，城巴專一、專二同新巴嘅增長率分別為152%、60%同254%，而同期九巴嘅投訴及建議數字增長率只有20%。雖然2022年嘅年報仲未出，但四個季度平均黎講，城巴專一、專二同新巴嘅數字仲係比九巴高56%至160%。

雖然投訴未必立即有成果，但至少有個紀錄。正如一個員工做得唔好唔代表即刻會被炒，但等到有時機，有數字做後盾就可以即炒，大條道理地炒。

管理層日日做大外宣都不能掩蓋日常運作方面嘅表現。