和田菁田居民不滿城巴服務不足

12Lane 發表於 2023-7-13 09:28
好心啦睇清楚個討論重點先啦。次次一個招標講月票就跳晒掣衝入黎….

咁我咪客觀話俾你聽，走線有問題之餘，票價都出哂事啦

who_r_u 發表於 2023-7-13 10:01
咁既班次
咁既價錢
咁既定線

上面有啲人唔會理呢幾樣嘢，只係話你唔搭屎水就係啲客大細超

其實初期想多人搭，平少少，非繁一個鐘一班真係避免唔到（走線理順都要，不過我知唔係一時三刻改到），提升知名度，一程過唔係賣點咩？

who_r_u 發表於 2023-7-13 10:07
想問吓非繁無50 55 56 950 955搭係咪乘客既錯

代部分人答：係

brianso198 發表於 2023-7-13 11:30
咁死得啦

要靠西隧先執一大堆客出黎

糖水道盞燈太短，真係好影響觀感嘅，我絕對支持改番轉頭

樂仔〞 發表於 2023-7-13 11:55
大搞 56A 無錯 , 但用錯藉口去阻止人做野囉
A44 去機場本來就唔關屎水事 , 最多咪出聲要求上水分段唔好咁 ...

呢點我係一知道屎水加班失敗已經覺得係笑話一則嚟

又一短視嘅表表者

kwn1029 發表於 2023-7-13 11:59
都唔知50M呢條線定位係想點
作為區內線，駁鐵冇優惠都唔係主要問題
但有冇必要兜哂屯門醫院、良景田景同 ...

平心而論，如果冇K54同67A, 駁鐵冇優惠又冇得講

但而家有哂兩條線喺度，駁鐵都冇優惠，就一定輸蝕㗎啦

10598C 發表於 2023-7-13 14:26
其實除左 K54 之外，成個格局已經非常有利城巴去做，和田行出去搭九巴唔算近，菁田出去就更加遠；亦有已發 ...

和菁田其實已經比起調景嶺行去尚德近一大截㗎啦（例如善明行去鐵都已經同菁田行去寶田差不多時間）

所以54區屎水一定會下風啲（反而皇后山只係自己食咗一枝大大嘅回力鏢出問題，如果唔係點計都好做過54區多多聲）

ENS529 發表於 2023-7-13 16:25
你有無睇天朝大國嘅新聞㗎？
11月都仲講緊要貫徹清零到2025推全民健康碼

又坦白講，唔係個個好似閣下咁留意新聞嘅，唉（我都同意突然間兩個月就變成冇事發生，的確影響巴士公司部署，呢點係事實）

Crotone 發表於 2023-7-14 01:53
提起55，小弟平時收到搭1820開既259x返屋企。通常同時間開既55來先，但坐滿人既永遠係259x。呢班應該要改 ...

55開喺259X前面都搶唔到客 你想佢點改？ 早啲？遲啲？
班客未必會”善用”55轉962X甚或X962/962G(而且講緊呢班堅去屯碼區，去其他城巴去唔到既區又點呢？）

而且259X同55龍翔道既停站取向....(雖然可能大家都只係停黃大仙才有客，55可能都係飛站飛站 但只要有客截....?)

horivhyc 發表於 2023-7-13 16:35
算啦
睇黎對你黎講數據真係大哂
再講落去都冇用

唔好意思，又係我，今次真係 buy你唔落...

無論太公點廢點偏私都好，正正就係因為有人話條路太多車太逼，先至要揸正嚟做，砌個指標出嚟。睇翻以前啲招標線，兩巴未當對家係殺父仇人年代，冇咁多嚴格指標架，冇爛仔打架嘛。咁決策嗰個定左遊戲玩法，下面想爭取新野竟然係會冧辦法繞過個玩法嚟爭取？尤記得當初56A呢條怪胎，作為一條支線竟然喺主招標線開線冇耐就已經出到世，就係比劉天王同埋胡生做政績打羅主席，本身已經係硬上弓，招標保護網比主線細都好正常？

睇翻條線本身，54區自己只係一個住宅區(靠地盤/商場過世咩)，佢唔似東北葵咁樣可以做到顯著嘅雙向客源。你同261比，一嚟人地屯門個範圍大太多，有商業有住宅有學校，二嚟人地本身已經係全日線，就算唔係執小巴雞都好，都有獨市位有知名度有熟客。所以？當時有版友都提過，261拉完之後係對44有明顯影響，講緊都有一兩成？聯和墟馬適路去屯東，東南，點都多過去54區掛？咁你縮261翻天平，影響點都大過唔全日56A架喎，咁同261比有咩意思先？我已經唔講261做區內流水(同70K分)，爭議比56A做區內流水(同503分)細幾十倍。

又所以，記得上年呢個時候，有好多人大推56 <>50M BBI嗎？甚至56食50M都成日見(嗰陣暑假，條50M開初真係唔掂)，我自己都有份話不如56/A落埋業旺補埋山景個窿佢，講到尾咪又係覺得56系淨食54區太窄，係呀44A係垃圾，但就算 justify到用56全日嚟補，都唔會 justify到56A。皇后山係多人去屯門，但唔係要去一個屯門角落嘅新屋邨，50M嘅角色都唔係用嚟做新線駁屯門站嘅 shuttle囉。

情感上我同意56A應該要做大架，我甚至覺得佢唔夠放添，左拉業旺/屯門工業區右谷安樂村，我喺呢版都講過唔少次，淨係宣傳都已經可以做好好多。但理智上數據上，你自己爆條56A出嚟東段冇客唔關人事架喎，依家係咪78A<>261同埋503<>44A搶哂你啲客先？所以我前面都話，56天平冇位咪泊街囉，馬適路大把路邊坑，唔通學閣下話齋，天平冇位->有必要擺皇后山->56A萬歲咩？咁執著擺皇后山，咪又係想調車方便啲，兼食埋503一份。我相信太公又未 stubborn 到每個 stop segment去睇夠唔夠客嘅(唔係嘅話市區唔少線都要縮)，天平拉長少少 no big deal，係皇后山自己中回力鏢姐。我都想大家心平氣和坐低互相做大呀，反正對外唯一(合理)爭客嘅叫79P/270C (279A呢啲咪唔合理)，齊齊做大齊齊賺，但依家真係某巴自己落閘先喎...至於向西嘅線，要避小巴就只有馬會道，冇其他路揀，一係就自己儲夠客天平直上雞嶺/清河算。

當然，人地依家優先搞緊口岸，東面聽聞連皇埔都唔想搞住，寧願繼續爭取左做大少少B8先，西面就啱先出左通告加B3/A，54區要加車除左50之外短期未見有咩希望，56/A priority 自然更後，連54區去上水轉鐵北上條水都唔想食...
補充多句，我仲有少少希望會有大奇蹟日嘅，始終四個月之後又有選舉，不過呢啲新區我冇乜期望，未計成功爭取黨嘅必要性已經今非昔比，政績嘅方向睇嚟都會冇咁偏重民生，且看如何。