[多圖] 法國里昂之旅

經過CEVA路線既隧道路段之後，去到法國境內既Annemasse（安納馬斯）站轉換行駛方向

沿路風景優美。中途有一站停得耐少少比職員去查飛，同時有法國國鐵配槍保安巡車

個半鐘車程就到Annecy（安錫），旁邊係有排先返巴黎既TGV Duplex



留置線，右邊係一般塗裝既Z 31500

遠處既Z 31500採用AuRA大區藍色塗裝

安錫係避暑勝地

利斯聖母教堂（Église Notre Dame de Liesse）

如果搭到前一班車既話，原本諗住喺舊城區既餐廳食芝士火鍋，不過當時已經係兩點幾，餐廳、酒館（Brasserie）都過午餐時段，我地唯有喺旅遊中心食Burger King

從歐洲公園（Jardins de l'Europe）一帶望向安錫湖（Lac d'Annecy）

愛之橋（Pont des Amours）上望向威斯運河（Canal du Vassé）

遠處係帕爾默朗山（Le Parmelan）

背景最高既係圖尼特峰（La Tournette）

堤塢運河（Canal du Thiou），安錫又被稱為「阿爾卑斯的威尼斯」

河中島亦有喺古時作為監獄用途既城堡——島宮（Le Palais de I'Île）

雖然係避暑勝地，但都敵唔過熱浪，所以我地提早返入車站

原定計劃係搭呢兩班車返里昂Part Dieu站，不過發現16:43嗰班喺黎呢度途中延誤，有可能令到我地錯過去里昂班車，所以即刻衝去搭出面月台嗰班車（16:18開出）

同樣係三人共用一張飛

喺途中既艾克斯萊班（Aix-les-Bains - Le Revard）站落車

月台海報宣傳呢度湖畔度假勝地

襯等轉車既時間出去站外望下，艾克斯萊班（Aix-les-Bains）法文意思就係泉水溫泉，當地亦係著名水療度假區

遠處係勒瓦爾山（Mont Revard）

巧遇X 73500柴油車到站

車身係AuRA大區塗裝

一卡長達28.9米

同官網車程資訊入面圖案一樣，去里昂既車係4+4卡Z 27500，又被稱為AGC（Autorail à grande capacité，大容量列車）

出發無耐就駛經布爾歇湖畔（Lac du Bourget）彎彎曲曲既路段，可以欣賞美景

晚餐去安培 維克多雨果（Ampère Victor Hugo）地鐵站附近食返芝士火鍋補數。一出站就係安培廣場（Place Ampère），紀念出生喺里昂既安德烈-馬里・安培

薩瓦地區風格既芝士火鍋（Fondue Savoyarde），採用Beaufort, Abondance, Comté, Emmental四款芝士，加入白酒同蒜蓉製作，非常飽滯

7月14號係巴士底日，亦即係法國國慶日。里昂係第二大都市，亦有閱兵、煙花表演等活動，當然就無巴黎咁盛大。

呢日係大家自由活動，我就單獨行動去影下相。睇Google Map知道酒店旁邊原本係一條穿過Part Dieu站既馬路，經過近年車站重建工程之後變成新既Hall 2出入口，加入各種店鋪

售票機，左邊兩部主要發售TGV車票，右邊就發售AuRA大區TER班次。我地前一日行程就係用右邊嗰款買飛，佢唔係輕觸式螢幕 ，要透過右下角個轉盤同綠色掣選擇

當日車站明顯加強保安，加派配槍人員巡邏，我就費時影向電梯口

中間白色建築物就係酒店

Part Dieu站Hall 1出入口，呢個站喺歐洲首條高速鐵道LGV Sud-Est（東南高速線）通車後兩年既1983年開幕

Hall 1

旅程最初見到佢仲準備緊貨品陳設，應該係新開無耐

自從法國近年開放鐵道客運市場競爭之後，部分巴黎～里昂～米蘭既高速列車就由以前同SNCF合辦既TGV，變為意大利國鐵列車（Trenitalia）獨自經營既Frecciarossa（紅箭），所以設立專用售票處。另外Trenitalia仲加開巴黎～里昂既班次去分一杯羹

Frecciarossa班次專用售票機

SNCF售票處，發售TGV inoui、城際列車（Intercités）車票之外，仲有前往德國、比利時、荷蘭既大力士列車（Thalys，已併入歐洲之星集團，將改稱Eurostar）車票

閘機唔似巴黎各個總站既港灣式月台咁一字排開，而就咁擺喺個別通道，又可以直行直過，搞到無乜意思

穿過大堂去西邊Vivier Merle出口，重建部分只係得呢一小段完工，所以要行右邊通道兜過前面地盤

地鐵B線入口

對面就係法國最大商場，近年翻新、擴建完

用呢款紙質一日飛遊下地鐵河

地鐵月台

牆上圖案直接標示出口通往商場定係SNCF車站

B線已經換曬做最新既MPL 16無人駕駛列車。Stade de Gerland站呢款吊燈設計都幾獨特

去到13年開幕既Oullins站