輪椅人士不滿屎水南區多條巴士線取消或合併向運吉請願

去年起運輸署通過南區巴士路線重組，取消及調整至少17條巴士路線，自強協會今（1日）到九龍政府合署請願，路線重整後，指南區有至少4條巴士路線被取消，不利居住南區輪椅人士出行或到醫院覆診，繁忙時段，輪椅人士需要等候1小時或以上才可輪到巴士；而途經瑪麗醫院6條巴士線刪剩3條，其中4X號巴士只服務至下午1時，令輪椅人士面對「有車去，無車返」困況，要求增設往返南區港鐵站及醫院巴士路線。

多條巴士路線取消或合併　輪椅人士出行需時多一倍

自強協會於上月向70名居住南區的輪椅人士進行問卷調查，輪椅人士對南區巴士路線重組滿意度只有3分（10分為滿分），由於南區較少港鐵站，輪椅人士又不能使用小巴，有約7成輪椅人士最常使用巴士出行，多條巴士路線取消或合併後，有8成輪椅人士憂慮等候巴士時間延長。

有居住在漁安苑輪椅人士指，自今年1月取消96號線（利東邨至銅鑼灣），他需要轉乘港鐵，由漁安苑到利東港鐵站需要15分鐘，需要尋找職員安放活動摺板，到達銅鑼灣需時45分鐘，以往乘搭巴士前銅鑼灣只需20分鐘。

另有輪椅人士指，巴士公司取消3條路線，分別71、71P及5X路線往返南區及中西區，留下4和7號巴士路線，而4號巴士由中環開出，巴士輪椅位置有限，未到達南區前巴士已站滿乘客，導致輪椅人士不斷等候下一班巴士，有輪椅人士等逾1小時才可以上車。輪椅人士梁先生，需要預至少2小時出門，繁忙時間不敢外出。

往返醫院巴士線只服務半日　有車入無車出

巴士路線重組後，往返瑪麗醫院由6條路線刪至3條，其中4X路線只服務至下午1時，輪椅人士依賴巴士前往瑪麗醫院覆診，路線重組後，輪椅人士面臨「有車去，無車返」困境。輪椅人士林先生指，只能耐心等候其他巴士，大大延長回家時間。


團體倡增設接駁南區港鐵站及醫院巴士路線

自強協會表示，未有參與巴士公司及運輸署就南區巴士路線重組諮詢，而重組安排忽略輪椅人士交通需要，要求運輸署重新檢視有關安排，增設接駁南區港鐵站及往返醫院的巴士路線，回應輪椅人士交通需求。

https://www.hk01.com/article/925 ... utm_medium=referral

屎水向南區開刀，苦了一眾輪椅人士

01 真係是是旦旦，明明係西九龍政府合署，而非九龍政府合署

SKYLINK 發表於 2023-8-4 18:30
星期一至六要搭4X先去到中環碼頭，同埋4號
要塞西營盤，如果搭4X，就可以快速去到上環信德，中環碼頭及交 ...

4同71系合併，再cut埋4X做早繁，才係最理想重組，反正華富準備重建，如果華富客嫌慢，就用瑪麗bbi

SKYLINK 發表於 2023-8-4 18:30
星期一至六要搭4X先去到中環碼頭，同埋4號
要塞西營盤，如果搭4X，就可以快速去到上環信德，中環碼頭及交 ...

但將來新4全日去返中環碼頭
所以5合1玩得最喪係
受影響乘客低到無人有
大家以為無左A線搭B線就叫受影響
但睇真一點
要轉車先係受影響客

所以其實之前重組計
96 99重組衰過38 42

YY487 發表於 2023-8-2 10:50
有咩地方係得4X去到4去唔到？

星期一至六要搭4X先去到中環碼頭，同埋4號
要塞西營盤，如果搭4X，就可以快速去到上環信德，中環碼頭及交易廣場

石頭 發表於 2023-8-4 01:07
去醫院需求大，唔係應該開復康巴士咩？

咪講咗，連大巴都唔夠人做，仲諗乜復康巴士？

如果真係咁夠，點解當年南區區議會要做嘢去解決復康巴服務不足問題？

JH_LE4612 發表於 2023-8-4 02:41
我又覺得呢個角色應該係小巴做先啱。好多醫院都依山而建，瑪麗東區瑪嘉烈呢啲全部要靠小巴上山上平台，而 ...

其實係㗎，但問題係小巴自己都唔夠人做，最慘部分去醫院嘅線本身就唔夠載

咁，個人覺得小巴營辦商引入小型單層低地台巴士本身係解決到件事

但小巴呢樣嘢政策上局限太大

brianso198 發表於 2023-8-3 22:36
雖然點對點服務對輪椅客更加重要，
香港唔少醫院，你叫佢由巴士站推住架輪椅去醫院門口，佢地會揀坐其他交 ...

我又覺得呢個角色應該係小巴做先啱。好多醫院都依山而建，瑪麗東區瑪嘉烈呢啲全部要靠小巴上山上平台，而就算平路如北區或者以前嘅博愛，都係主力用小巴，咁冇理由唔係由小巴去做低地台嘅角色。巴士做長途，小巴做區內短途，寧願要巴士公司開極疏極兜嘅H線都唔由小巴去填窿，係本末倒置，為左幾個輪椅客而保留冇效率嘅巴士線更甚。

換車成本？由 day 1 開始就唔應該由業界承擔，政府所謂嘅低地台小巴計劃，自己嘅支出可能仲少過一架Solo嘅車價。當對面海啲小巴都有低地台嘅時候，香港根本就係落後。

去醫院需求大，唔係應該開復康巴士咩？

12Lane 發表於 2023-8-3 10:36
尤其人口老化問題嚴重，普通乘客量下降，輪椅需求就提升，呢樣野都幾令人頭痛。有遠見嘅規劃真係要考慮長 ...

雖然點對點服務對輪椅客更加重要，
香港唔少醫院，你叫佢由巴士站推住架輪椅去醫院門口，佢地會揀坐其他交通工具算
但，香港連渣巴士都唔夠人，更加唔講復康巴，復康巴係長期供求嚴重失衡，要加好大量資源先有可能解決到個問題

小巴就因為座位限制，又無企位，成本不斷升盈利已經蠶食哂，仲叫佢做低地台真係推佢去死

用巴士做係惟一叫做好少少既方法，港島區計瑪麗都叫做好小小，
試下東區醫院，輪椅行去醫院條路唔係人咁品。