建議小巴807B兩端分別延長至大學站及北潭涌，並改特快

現時富明旗下807B來往馬鞍山海柏花園及黃竹灣。受到九公99沿線大幅重疊，除了起「執雞」作用外，客量異常惨淡。因此，為節省成本，富明已開始長期冇派車營運807B，處於有線無車狀態。

另外，除九公99R於逢週日及公眾假期服務外，新界東居民若果要以最快途徑去大網仔、北潭涌或西貢北，就需先到大學站轉乘小巴807X，然後轉乘九公99，再於大網仔迴旋處附近轉乘九公94或小巴7或9。多重轉乘之餘車資也非常昂貴（大學站至北潭涌合共$18.9），非常不便。

為了讓富明更善用車源，改善及為新界東居民提及接駁大學站及大網仔路以東的特快服務，建議小巴807B兩端分別延長至大學站及北潭涌，並取消原海柏花園至樟木頭帝琴灣之間所有分站，改經馬鞍山繞道。分站安排大學站至樟木頭帝琴灣之間特快不設站，樟木頭帝琴灣至黃竹灣之間分站維持，黃竹灣至北潭涌跟小巴7, 9。

班次：星期一至五15～30分鐘，星期六、日及公眾假期5～7分鐘

收費：$9~10

當年縮線擺哂啲車去X，咁依家拉長翻係咪要喺X度攞翻車先？禮拜六日開到5分鐘一班，呢度幾多架車？

好奇想問，有無出過正式通告/文件宣告 807B 停辦?

如沒有，一條小巴路線可以長期收車而無人理?

若建議小巴807B兩端分別延長至大學站及北潭涌，則毋需「取消原海柏花園至樟木頭帝琴灣之間所有分站」或「改經馬鞍山繞道」，因為北潭涌及大網仔一帶缺乏直達馬鞍山市區的公共交通。 另外，可考慮設特別班次往返大學站及海下灣，方便村民們返工返學。

Waiyin12 發表於 2023-8-18 20:15
好奇想問，有無出過正式通告/文件宣告 807B 停辦?

如沒有，一條小巴路線可以長期收車而無人理? ...

大把線係咁
小巴時間表向來都唔駛睇
除非近幾年開嘅線

LauCT 發表於 2023-8-19 22:17
若建議小巴807B兩端分別延長至大學站及北潭涌，則毋需「取消原海柏花園至樟木頭帝琴灣之間所有分站」或「改 ...

海下常駐人口只有 110 人
本身的小巴路線明顯可以應付
樓主開到北潭涌已係仁智義盡

仲要叫架車開到老遠開特班？

其實 807B 當年劍指西貢，比 99 99R 299X 重組截左糊咪收皮，永不超生，而家都係等取消架啦

天空之神 發表於 2023-8-23 08:55
其實 807B 當年劍指西貢，比 99 99R 299X 重組截左糊咪收皮，永不超生，而家都係等取消架啦 ...

其實 807B 如果改為往返西貢及大學站，十四鄉打後跟807X直去馬料水嘅話，客量有望改善。
99R 先係等取消，用小巴807B接哂99R啲客佢。

LauCT 發表於 2023-8-23 20:06
其實 807B 如果改為往返西貢及大學站，十四鄉打後跟807X直去馬料水嘅話，客量有望改善。
99R 先係等取消， ...

人地用 2 架車截得你糊，就預左人地燒錢陪你玩

807X 難得有財路就咪阻人啦

天空之神 發表於 2023-8-23 20:19
人地用 2 架車截得你糊，就預左人地燒錢陪你玩

807X 難得有財路就咪阻人啦

若807B 延長至大學站及西貢，都可以好似807X 咁有財路