龍運沙田區機場路線重組

其實點郁都唔應該郁A41囉…
沙田市中心直出亦都係應該要保留
同埋係咪真係已經當左 E42 係死／到時要殺 E42
根本有好多位係而家 E42 有做緊，而家 E42 東涌-沙田係好出到客架喎…

我立場係絕對唔會支持呢個重組
首先沙田市中心直出唔應該郁既原因係
A41 沙田市中心點解可以出到咁多客，係因為有九巴／龍運轉乘優惠
包括 282 283 284 285 288 呢幾兄弟，當然仲有其他九巴線
只要係九巴獨營線轉 A41 都有上限 $6 既優惠

我馬鞍山客，有時去港珠澳大橋，甚至唔會搭 A41P
反而會搭 86K 去第一城轉 A41，就係因為呢個優惠
加上我個人觀感，沙田轉車係絕對好過青嶼幹線轉車

所以重組沙田 A 線件事其實已經錯左，你問我，我會覺得煲好條 A41 谷靚九巴／龍運轉乘優惠
會實際過邨邨有 A 車到，但條條都兜，兼且冇左市中心直出
就算我唔係市中心客都係咁話

龍運邏輯: 拆散哂咪分流咗囉, 點解你班沙市大帝可以多過一架A車

利申: 沙市人

kwn1029 發表於 2023-8-25 09:33
其實點郁都唔應該郁A41囉…
沙田市中心直出亦都係應該要保留
同埋係咪真係已經當左 E42 係死／到時要殺 E42 ...

唔係幫龍運講嘢, 但喺佢哋立場, 喺重組完成後, 你嗰班所謂轉乘客會幾乎全部無哂,
剩番無A線服務嘅小區, 只餘穗禾駿洋; 美田美松可以行/車出美林

另外, 拆完之後, 就算A41保留沙市直出, 亦肯定要減到20-30, 轉車嘅吸引力會大減

忽發奇想, 而家有無北區大埔客東鐵轉A41?

作為廣黃人，就算A42開左我都唔會搭，走線咁重口味，寧願搭車去畫舫等A41/P

成個計劃得A46算係正常啲

pch_yeung 發表於 2023-8-25 10:03
唔係幫龍運講嘢, 但喺佢哋立場, 喺重組完成後, 你嗰班所謂轉乘客會幾乎全部無哂,
剩番無A線服務嘅小區,  ...

站喺龍運立場，一個鐘一班班人一定會照等。
隋入番去疏車直達vs密車轉乘嘅討論入面。
到時個個都要做巴迷，想快就要見車就上再諗下去邊道落車轉番去自己個目的地。
先唔講A46市中心後仲要兜美田咁好玩，如果條新A41做到全日大部份時間有30個人覺得收貨，甚至唔駛條爛鬼A42。

做大青沙免費轉乘249X/280X/286X/287X又有無得諗?

作為馬鞍山人表示，雖然都想A41P入珠橋，但沙田多左條珠橋線揀，珠橋返馬鞍山又多一個轉車選擇，可以在青馬轉A41P(係難夾到時間)、沙中轉810、大圍/秦石轉馬鐵，好似東涌返馬鞍山咁。

回應返個重組方案，A46用類近989既行法，而考慮到機場方向先去珠橋，觀感上雖然比沙中直出差好多，但如果以澳門珠海為目的地，其實算打個和，現時A41沙中直出咪又要先直達機場後去珠橋。當然，去機場既可能真係有機會變左唔係快E42好多，even E42要行埋大圍、美林、青衣、東涌和機場後勤區。

順便回應埋無左沙中尾站既問題，A41係沙中多人上車去機場和珠橋，我唔否認裡面係多轉車客，但呢個亦係A41既其中一個價值。

OT：我估計龍巴忘記左一樣野，其實E42係東涌和後勤區多客，焗乘客上A車呢個如意算盤唔一定打得響，尤其一定要搭平車而又唔趕時間既人。A車無疑回本門檻較低，但A線開到遍地開花又是否一件好事？

pch_yeung 發表於 2023-8-25 10:03
唔係幫龍運講嘢, 但喺佢哋立場, 喺重組完成後, 你嗰班所謂轉乘客會幾乎全部無哂,
剩番無A線服務嘅小區,  ...

之前有，但而家A43和A47X都入左大橋，轉乘客估計會少左。

busfunfun 發表於 2023-8-25 00:55
A41P兜咁多區客都係一般 唔代表兜得多就有客
A41拉長上黃廣就可以 另外整條A46瀝源市中心大圍顯徑
E42就入 ...

已拉咗上黃廣, 只不過唔係全日
但全日肯定冇客, 山上都冇位擺, 黃廣各自都有嚴重塞車問題