反正成個大圍都係窿，唔想影響 A41 巿中心尾站前提下，根本係應該一條 A 線做晒大圍，而唔係分晒屍搞到顯徑、四美、大圍站齊齊有尾站車，影響咁多原有乘客，仲整埋 A42 呢條怪胎出來
顯徑兜埋四美上青沙對比 E42 其實根本唔差，當然再拉更遠就無咩意思，最遠去到秦石新田圍就夠
我唔會好似個別版友一刀切反對或一刀切要求街街有 A 車，應唔應該擺條線都要睇下周圍有咩配套、行人通道網絡同轉乘配合。始終沙田係龍運地頭，有九巴同龍運 A 線轉乘優惠，只要轉乘配套足夠，街街有 A 車既需要係低過九龍區又要咁多山分散晒
呢個前提下，個人認為最唔值得擺 A 車落去其實係水泉澳同源禾路。最需要有 A 車而無 A 車地區其實係白石角同大學站，當然搵 A47X 兜就對大埔人唔公平，兜埋大學站就更差。但大學本身對 A 車隨時出到意想不到需求，大學站隔離有埋酒店就更加。開條 A 線白石角做頭站，經源禾路、沙田巿中心總站、帝都尾站，同駿景園半日線做聯合班次，然後畀 A41 去程唔兜帝都，可能仲理想
