點解運輸署對E線愈來愈冇心做？

12Lane 發表於 2023-8-30 16:13
極高要求？P線個定位都唔suppose有企位。A車要求上到車/唔好成日企位都叫極高要求？唉而家真係郁D都比人叫 ...

咁A車有冇呢個定位先？
機鐵咪一樣預你企甚至下班請早。
九龍站入機場都要企都試過N次啦。

如果你唔鐘意極高呢個字，我話佐有要求唔係問題。只係現實上要點先至滿足到。包括要俾幾錢同埋有幾多人肯俾
機場酒店穿梭做唔住，咪證明你呢項要求對其他眾多搭客黎講唔重要囉。

睇番全世界，不論通勤定以鐘頭起錶嘅長途巴士鐵路，
都係要求一個timeframe入面載得哂，而唔係每班車都有呢個要求。
一係就揀定搭邊一班，改票要再課金。
一係就隨時上車但唔保證有位坐甚至上到即班。
個人懷疑就算俾得起錢，的士都唔一定隨時有車。預約/租車又係限時限刻。
提供到呢個水平嘅服務，應該只有自己司機隨傳隨到先得？

s3n370 發表於 2023-8-31 21:08
咁A車有冇呢個定位先？
機鐵咪一樣預你企甚至下班請早。
九龍站入機場都要企都試過N次啦。

未有豬橋前，大家個expectation都係A線大把位坐大把位揀，某程度上（對原有乘客嚟講）已成另類既得利益
但由有豬橋後太公屬意專巴做唔比跑狗做已經係不可逆轉

世界各大城市新少少嘅機場一般都唔近市區，同赤鱲角一樣
但一般都維持到一般收費嘅巴士或鐵路或地鐵嘅站站停慢線，另加類似機鐵或A線直出市區大站嘅特快（＋特貴）線
香港要強行設計到機場快綫趕絕一般(sub)urban metro（東涌綫東涌止步）同埋A線趕絕E線入機場
去增加快貴線（機場快綫/A線）同平線嘅differentiation，作為乘客已經唔係好gur
如果連鬆動少少嘅空間都冇埋，個differentiation就更細，就更加唔gur
個expectation係要鬆動少少，個人覺得係合理

不過由回到現實問題，兩巴趁開關回血回返過去三年嘅血
佢一日未回夠，都唔使旨意加班加得快

再題外話少少，疫情後加工廠加速徹離中國令中國廣東省內/東莞好多廠做唔住
香港天氣日日清新過一日
中港司機越嚟越多人冇工開/開工少
所以點解喺巴士尾上層高位賣請司機廣告就係比貨櫃車司機個高度水平睇
加埋引入外勞
好快三五七個月後就越嚟越多司機想做
而家唔使追價加人工爭司機，要加班嘅拖得就拖

s3n370 發表於 2023-8-31 21:08
咁A車有冇呢個定位先？
機鐵咪一樣預你企甚至下班請早。
九龍站入機場都要企都試過N次啦。

你係咪搞錯左D野，現實機鐵要企，就代表乘客唔可以有合理期望？
唔好一刀切先，有要求、有期望，都可以有程度之分，我所講嘅期望並唔係每一次要有車隨傳隨到、一黎就有位坐、一次頂閘都唔容許，如果你係覺得要滿足所有要求，一次都唔可以違背原則嘅，咁唔好意思，睇黎大家有D誤會。

一次半次不符期望，可接受，亦都應該比巴士公司機會改善。現實講緊嘅係而家A線服務水平實在越黎越差，即係不符期望例子越黎越多，豬橋頂閘、留後。A21、A31、A41、A36呢堆，唔係一日半日，唔係一次半次，係已經一段時間嘅客流高峰可連續一兩個鐘都留後緊，會唔會係你未了解清楚情況？咁不如了解下而家A線係咩環境先啦。市區線都唔係咁啦。

而根據收費同埋服務性質，對A線有比普通市區線有更高服務期望，係唔係人之常情先？城巴以前仲會大sell A車品牌，舒適旅程，旅客之選。我就當呢D係商業技倆，扼細路架啫；然而呢家提供緊嘅服務，連車都上唔到，行李架都冇位擺，長期有時段都搞唔掂又唔加班，問心又係咪真係做緊最基本嘅服務要求？咁多人鬧，又係空穴來風，一家之言？聽閣下口吻爭在未講咁叻請司機啦搭咩巴士；比十幾蚊同比三十蚊，去一樣目的地，時間相差又唔係話百丈遠，想問合班期望又應該係點？還望賜教。

ccchhhuuunnn 發表於 2023-8-31 13:49
未有豬橋前，大家個expectation都係A線大把位坐大把位揀，某程度上（對原有乘客嚟講）已成另類既得利益
...

外地維持到普通巴士同鐵路服務入機場嘅，
照收機場特（貴）價嘅隨手數到，
倫敦、愛丁堡、巴塞已經係。

就算LHR出Zone 1搭Piccadilly Line係跟Zone收費，
實際上全日跟peak hour fare。

而堆老牌A線响未有港珠澳前，剩係通勤客都夠响繁時打爆架車啦。
雖則A線無較鬆動嘅保證，但實際上比其他線都好。
別忘記大多非通勤嘅機場搭客都有行李，或者行李比一般情況多同大。
唔通件行李唔佔地方咩。

s3n370 發表於 2023-8-31 23:29
外地維持到普通巴士同鐵路服務入機場嘅，
照收機場特（貴）價嘅隨手數到，
倫敦、愛丁堡、巴塞已經係。

就係話人哋唔怕站多慢車仲有一程過平車
香港就逼你轉車先有平車
平同貴所換到嘅嘢差別唔夠大，自然比得貴嘅唔gur
已經被逼轉車先有得平，仲要唔夠鬆動就更唔gur

都唔期望A線好似珠橋前咁鬆動
但起碼即班上得曬同行李夠位擺

12Lane 發表於 2023-8-31 14:25
你係咪搞錯左D野，現實機鐵要企，就代表乘客唔可以有合理期望？
唔好一刀切先，有要求、有期望，都可以有 ...

我一開始就話有期望甚至係過高期望係合情合理。
幾時有話過乘客可以/唔可以有期望咁二分？

一路都係講有幾多客有某個期望，同有幾重視呢個期望。
就算唔理成本同現實限制，係咪都要睇邊樣最多人想要同最重視先呢？

正如A線賣嘅直入機場、特大行李架、張櫈靚D有閱讀燈窗簾等等等，仲有巴迷必up嘅就腳、唔駛轉車，J圈速快等等等，
咁多樣野對唔同客黎講係咪同樣重要呢？

呢度有如月經嘅A線降呢嘈佐唔知N咁多次，
莫講話巴士公司有“維持班次有車就開”呢度護身符，有幾多非板友care？
若然有日A線加經東涌，剩低嘅賣點仲有幾多叫座力呢？
P線嘅成效就係最好實例。

若說A線supposed收貴D要鬆動D，
你講港珠澳等以鐘頭計都上唔到，
講緊連某個timeframe內夠載嘅底線都達唔到，
所以更抵鬧果陣。
唔通相同情況發生响平D嘅線就無咁抵鬧？

ccchhhuuunnn 發表於 2023-8-31 15:41
就係話人哋唔怕站多慢車仲有一程過平車
香港就逼你轉車先有平車
平同貴所換到嘅嘢差別唔夠大，自然比得貴 ...

你呢句似乎有違常理。
若平同貴差異唔夠大果陣，
又或者如我所言，貴俾到嘅野唔夠多人客重視，貴嘅自然無生意/做唔住，流去平果邊。
有如P同非P車，早年嘅A33系vs E33等

俾得平唔夠鬆動就唔gur？你係咪打錯字唔係想講呢樣野？

再講多次，個人有乜期望係一回事，有幾多人有同一期望同有幾重視係另一回事
巴士公司點去滿足係第三回事
滿足唔到期望有乜反應又係另一層次嘅事

s3n370 發表於 2023-9-1 05:57
我一開始就話有期望甚至係過高期望係合情合理。
幾時有話過乘客可以/唔可以有期望咁二分？

似乎閣下只不過為拗而拗，又冇實際論點。
一來，唔好混淆視聽，本人提出嘅例子係好solid，由第一個留言開始講，就係唔好成日都企位同埋長時間頂閘上唔到車，「正如A線賣嘅直入機場、特大行李架、張櫈靚D有閱讀燈窗簾等等等，仲有巴迷必up嘅就腳、唔駛轉車，J圈速快等等等」呢堆野重唔重要唔係本人想講嘅，唔好混為一談去淡化我想提出嘅中心論點。

咁所以我先想請教你，咩野期望先係合理，先係閣下認為最重要？我自己提出自己覺得合理嘅期望，你可以認同可以唔認同，但唔係攞其他唔係我把口講出黎嘅期望加入去，去證明唔係所有要求都咁重要，對準焦點啦好冇。

就當A線降Lv，有幾多非版友care呢句已經顯出閣下有幾咁選擇性去睇合理期望，以前A10出黃車，運輸署當局係有介入處理，敦促巴士公司盡量安排車輛，咁我又想問係咪「冇人care」？當然，我都冇講呢樣係我想要嘅合理期望，唔好又叉開話題，但就算有人提出，個人都覺得呢個期望係可以理解。

盡量開番足班次，唔好成日留後，呢個唔單止係對A車嘅基本期望，係好多路線都一樣，而我就知道閣下又會衝出黎拗A線期望點解會比其他路線高。咁我又想問，就算唔計票價，係咪唔可以對個別路線有更大期望？票價尤其是有E線比較之下，對有作出品牌宣傳、座位較少、服務國際旅客嘅A線有更大期望，希望減少留後、企位情況出現，就係我想講嘅point，閣下就好似覺得我要一視同仁，個point先可以係valid係justifiable，咁都好難討論落去，因為我見唔同我有呢個必要去咁做，而我見到嘅只係空洞嘅質疑。
(閣下喜歡嘅我可以打埋圓場，世事無絕對，期望可以有好多，都滿足唔晒架；A線仲有咁多人搭咪證明無人care囉；普通路線唔會載旅客咩blablablah，係中意咁樣拗落去嘅，悉隨尊便啦。）

s3n370 發表於 2023-9-1 06:38
你呢句似乎有違常理。
若平同貴差異唔夠大果陣，
又或者如我所言，貴俾到嘅野唔夠多人客重視，貴嘅自然無 ...

一回事，另一回事，第三回事，另一層次嘅事。
咁所以呢？其實即係咩野事？

講左成段野戴晒頭盔其實好似咩野都冇講到
一句幫你summarise就係：A線頂閘/企人都仲有人搭，證明班人覺得頂閘/企人唔太重要，證明市場需求接受左呢種缺點，所以提出要求係空中樓閣。