搶鐵搶段2023年暑運鉅獻：動集CR200J跑老廣深城際加班車

列車可能不是「搶段」的，但D9756-D9758次深圳站往返廣州東站(中途不停站)運行路段大概是「廣段」吧。

之所以稱為「鉅」，因整抽列車好似有18卡，比一些高速動車組復興號只得17卡，「青色巨人」還多了一卡呢。

然後，請看8月18日起逢週五、週日加開「廣州東 > 深圳」方向的時刻表，D9757廣州東開19:52，另一趟加班車C9103廣州東開19:53......


理論上如果CR200J用廣深 III、IV線，C9103用喝血號開用 I、II 線，咁發車時間相隔只有 1 分鐘理論上是沒有問題的。

實際上，我搭嘅星期五晚，因喝血號城際大面積晚點，C8003廣州東原定開18:19結果當晚廣州東站現場顯示發車時為 19:46。






講番D9757次，可能廣州東站部份職工對青色動車比較陌生，D9756約19:33已在廣州東站月台可以攞嚟「救命」仍懵然不知，候車室放閘職員用對講機問「月台有甚麼車可用」之類，然後對講機傳出對方回應聲響：「有部車唔知係咪我哋(用)」。當時已19:40左右，而因大面積晚點候車室就擠滿了人，我禁不住大叫：「係咪青色車，D9757次」......
（8月18日我已搭過D9756次二等座，所以我預知D9757都似係青BB動集列車)

結果約19:44候車室終於開門放客進月台（D9757圖定19:52始發，開車前8分鐘前才開門放客進月台我就覺得有啲遲)

至於C9103，其實早過佢嘅數班車次連實際開檢開車時間都仲沒有，我離開候車室時C9103仍從沒有廣播說可進月台。

D9757落深圳方向設一等座，但D9756、D9758就只賣二等座。呢次D9757我買一等座，結果當然係一等臥代一等座吧。

(當晚候車室有點混亂，假如C8003開門放客進月台時衝去搭不停站車次...
...先不說到達深圳站出閘時閘機放唔放行，但C8003由廣州站開嚟廣州東，如果購票唔係買咗C8003次座位票就預咗無座位，即使「賽後」發現C8003與D9757相比C8003早半小時到深圳站，但難得有機會坐CR200J一等卧卡，就豪半個鐘俾佢吧。)

CR200J一等卧，影咗少少相，上了圖唔多講。因一等座票似乎唔係咁多人買，結果我係一人包起一間房呢。

D9757次，列車結果搞到20:00才開動，然後到深圳站晚點11分鐘 (與當晚CRH1A眾車次普遍動輒晚點60-120分鐘不等，相比之下11分鐘係neligible！)若真的要分析晚點11分鐘嘅原因，我覺得D9757次晚點主要原因係廣州東站月台部份職工係唔熟部青色動車，部份職工唔知當晚部青色車係已經俾上面編咗「加走」正式載客有公開賣票，然後「後知後覺地才開閘」遲咗三數分鐘開放往月台通道，損失了約5-7分鐘所致)，就搞到遲咗開車。

另外，其實進入廣州東候車室嘅閘機旁我聽見有鐵路部門職工說(但沒有用擴音器)：「往深圳羅湖的可以...」(這時因閘機門已開俾我，要進站開始離該職員較遠所以聽唔到，估計係講「往深圳羅湖可以搭非票面所印嘅其它車次但無座位」之類吧。

所以，如果廣州東候車室職工有鼓勵受C字頭車次嚴重晚點影響嘅旅客可改乘D9757落羅湖，而押後了閂門落閘時間一兩分鐘，搞到遲咗啲開車...咁就總算係符合搵青色動集加班嘅疏解客流原意，咁就可以理解接受。

到達深圳站，等候出閘時見到前面附近幾個客...啲閘機都顯示類似「沒有D9757次進站(檢票)記錄，請走人工通道」嘅字句，即係好多客買咗C字頭大地鐵車次然後改搭動集經廣深普速線到埗。另外到深圳站月台時我見從二等座卡行去扶手梯嘅人流源源不絕......咁就體現到CR200J動集加班又確實係幫到手。

(至於C9103，據當晚官方12306 app 顯示，該次列車22:00大約仍在常平...)



當晚晚點慘況稍後再加更多相片及更多描述說明一下。

重要：早幾日cap 圖時D9757次在2023年9月3日係有開賣車票...



...但去到8月30日再翻查官方app就顯示「(因)列車運輸組織調整，(2023年9月3日)本日(D9757次)不開行」😞，好可能冇得encore lu. D9756次亦(暫)不在9月3日運行😞。


2023年8月31日再補充消息：
因預測有颱風在本週末臨近😞，是日從12306app查閱深圳(羅湖)站往返廣州/廣州東售票情況，發現9月1日／9月3日連一般圖定C字頭車次已大幅度消失！











(但假如9月2日深夜已能「落波」，假如9月3日能恢復運行會變成點，網民不妨到時再觀望。)

一人包一張床，肯定比大地鐵舒服好多

OT: 咦啲鐵路員工仲係會講廣東話...

紅色車飛點攞到?

JH_LE4612 發表於 2023-9-3 19:48
OT: 咦啲鐵路員工仲係會講廣東話...

可能係我「幻聽」吧。

但我嘅口語化覆述反映現場情況嘅「傳譯」若100分為滿分，樓頂嘅描述應值起碼80分以上~

skp12328 發表於 2023-9-5 19:30
紅色車飛點攞到?

個別站點嘅「候車區」(行李過機後嘅區域) 有些「經典款」取報銷憑證機係加入咗閱讀回鄉證功能。

kaka53214 發表於 2023-8-31 08:46
一人包一張床，肯定比大地鐵舒服好多

當日落雨我鉗住對「人字拖」🩴🩴，動集一等卧代座包起張床，的確可以文雅地除(拖)鞋閂埋門上床鬆一鬆

先講講2023年8月25日大面積晚點，廣州嘅地方傳媒其實有簡略提及過晚點原因：因大雨而須在部份區間「臨時封鎖」(會否等如「限制進入」及/或「限速運行」 ？）所致

https://static.nfapp.southcn.com/content/202308/25/c8032581.html


筆者當日在東莞東/常平東站處理一些事宜之後，因起行時沒有合適普速車次去廣州東，就乘公交車往常平鐵路站，上車後途中及下車時落過大雨。

在常平站已察覺到大面積晚點，但現場我沒有心情拍照，直到順利到達廣州東站兼睇到D9756次大概是弱弱地晚點3數分鐘(與CRH車次嘅慘烈情況對比其實D9756次預計情況完全是小菜一碟neligible)後才能放鬆心情。

另外，印象中D9756次深圳站安排在普速/長途列車區域候車，但D9757在廣州東站獲安排與喝血號在相同候車區，心想動集車次在廣州東嘅待遇還不錯呢~

之後返回廣州東站，CRH車次晚點情況依舊，當然高峰車次C9103起初就未有動靜。

候車室當然擠滿了人。

之後D9757嘅事情，帖頂已有報導。

最後附上當晚深圳站嘅到站列車顯示屏。

這兩日我沒有到現場，但從官方apps 所見，部份車次似乎準點到達，另一些車次就有一些晚點情況。

這只是普速鐵路，車費有沒有收順D？