一個安檢+一個黑碼, 迫就係咁嚟!
根本香港人實在太鍾意排隊, 明明車站另一邊都有安檢機, 就係鍾意一落電梯跟隊尾, 又唔學下搭又平又吉的公交車.
另外, 過關北上太多人掃黑碼會在深圳河橋上截流, 成萬人都容納到, 但南下就只得升降機後少少位, 高峰時段唔迫先係奇景!
商業城行入口岸大樓最右邊寫住旅團, 個個淨係敢行中線, 右邊吉中間就慢流/逼人.
商業城部升降機屈咗入去, 出面好似係政府機關, 又係冇乜人夠膽行, 但部升降機就行得好快, 眨眼就落到地面, 扶梯旁的樓梯亦係好少人行.
北上過口岸安檢, 高峰時會開埋房入面部機, 冇人指導下有d人唔敢入去, 唔知係咪驚死, 搞到排安檢條龍長一長.
北上搭完B線落車上大樓, 樓梯頂搵條鍊欄住, 目的係唔讓人倒流, 都short short地, 要逆走一定有原因, 可能漏左野響巴士要拎番呢, 但係就唔諗下下面上去過關, 你咁樣欄法, 望上去欄住, 條樓梯變成擺設.
其實香園圍口岸容量真係好大, 蓮塘口岸只要取消黑碼制度, 排隊地方即刻增大, 仲有港人唔好樣樣嘢驚驚青青, 過關時間即時大減, 善用蓮塘口岸來回方向1/2號公交車站, 口岸同地鐵站即刻唔再所謂人滿為患. |
