(更新Rt.)全港巴士脫班紀錄**

15/10/2025

今次到線王B1。

0757到皇巴站等B1落元朗（顯示2分鐘後有車，非預定班次但0755已經見到站頭冇車）
本身約0759到站班車有客量顯示，不過變咗鬼車，過幾分鐘消失咗。
約0809有班全頂閘嘅車到，車長唔俾人上，只有一個人落車。
正常得星期一早繁先要企門口，但至少仲可以上到車。
由於下一班得2分鐘到加上唔係出預定班次，所以繼續等。
但過幾分鐘都消失咗，直接顯示7分鐘後有車。
0817見到276B到，轉軚天耀落車轉屯馬線（當時顯示4分鐘後，決定廢事搏，唔知係咪又頂閘）。
22分鐘ETA顯示有三班車，有兩班消失咗。
但沿途路面全部綠色。

唔知啲車係咪其他過海線市區線救命，B1上繁耐唔耐遇到鬼車情況。
試過明明見到ETA有車，點知倒數完係變私牌走。
有一次上繁8點幾等咗20分鐘先有車。
上次十號風球前嗰晚北行都25分鐘一班。