為了吸客，城巴有咩方法吸客

在車資收入對營運商整體收入的重要性越來越低之下，割價搶市佔越來越有得諗。

sunhoo 發表於 2023-11-7 09:54
在車資收入對營運商整體收入的重要性越來越低之下，割價搶市佔越來越有得諗。 ...

割價就睇下係點割法啦。
九巴月票呢種，佔總車費收入都係幾%，就算蝕，月票蝕左條數更加係九牛一毛。
九巴梗係計過晒數先出800蚊呢個價出黎，每月賣果萬幾兩萬張已經足以引起呢度一大堆討論，同時令網絡內其他競爭對手收入下跌，個效果同商業目的明顯已經達到左。

12Lane 發表於 2023-11-7 10:39
割價就睇下係點割法啦。
九巴月票呢種，佔總車費收入都係幾%，就算蝕，月票蝕左條數更加係九牛一毛。
九 ...

岩岩醒起先去睇番，原來幾間渡輪公司同叮叮都有出月票，
連嶼巴都有啲類似既一日套票，連埋港鐵，好似得一間冇出，
即係其實哩類套票係商業營運上面都什為重要，
網上既討論我諗只係助燃劑，真正既源頭應該係佢本身做既推廣，

其實出一張哩啲套票，除左個費用點吸引之外，
仲要引導啲人去計，概念有啲似超市既yuu同易賞錢咁，
綁得黎定期派糖，換下禮品咁

hokwanlam 發表於 2023-11-7 04:51
齋計數，因為月票變相俾緊折頭，個餅睇落冇咁大，
不過問題係，如果有客因為月票而番轉頭搭巴士，
咁會唔 ...

理論上係正確
但放係九公同屍水既大西北盤上又有分別
九公係大西北個網絡遠大過屍水
在個客既角度嚟講九公張月票係客易實用過屍水
屍水要個價再平過九公先有吸引力
倒頭來咁割法
車又要加但收入仲少左
更唔好忘記仲要同黨鐵月票打

既然價錢無得玩
用更好服務/走線去贏其實更好

hokwanlam 發表於 2023-11-7 12:07
岩岩醒起先去睇番，原來幾間渡輪公司同叮叮都有出月票，
連嶼巴都有啲類似既一日套票，連埋港鐵，好似得一 ...

城巴不嬲都係姑寒
叫佢比多少少BBI優惠
佢地係議會都話要睇財務個邊話負擔唔起...

如果按BBI原則
多數係CUT線補償先比足
有月票但結果可能係條街少左車

呢樣野九巴都發生緊
960人多咪又要CUT你幾班車
成個屯元天有左月票後
班次多左定少左好易睇到
邊有咁著數

hokwanlam 發表於 2023-11-7 12:07
岩岩醒起先去睇番，原來幾間渡輪公司同叮叮都有出月票，
連嶼巴都有啲類似既一日套票，連埋港鐵，好似得一 ...

唔認同可以咁樣比較。渡輪係獨市，長洲唔搭船點出島？即係焗搭，相比下城巴有邊個地方係真正獨市？南風道？就算所謂嘅主場香港島唔計對家啲過海車，都仲有海量嘅地鐵電車紅綠van，個pool根本唔大仲要冇增長咁滯。要快嘅有 van要密嘅地鐵要平嘅叮叮，巴士優勢已經唔係高，要搭嘅係咪都已經搭緊，如果再出月票壓低收入，好大程度上都係同叮叮喺個細pool入面互搶，對大家都冇好處，applies to both港島月票同埋全港月票。

或者閣下會話，咁叮叮都多競爭呀，但係叮叮 catchment少而集中，全線同價，搭得佢嘅唔介意速度唔介意冇冷氣唔介意慢，城巴要用低價嚟搶呢個pool啲客，同泥漿摔角冇分別。

呢間野 network真係太散，買得全港月票嘅頂盡咪54區/皇后山/新西過海居民，先不論覆蓋面少，要出到張有競爭力嘅月票，就等於現有乘客嘅車錢由平均廿蚊斬到落十六七蚊，但係現有客收少左，可唔可以吸到多啲客？皇民要去嘅係上水同元朗，你個 network 比到咩佢？54區當比你所有線全日 (which已經唔容易，有月票冇車搭都冇意思)，良田要搭嘅都買對家月票搭直車啦，兆康大大個西鐵站點解要陪你等車？咁出完張月票，新吸嘅只係紅橋新墟，加少少置樂下路轉車客，但係全香港嘅基本盤，包括最高車錢嘅一眾新西過海線要一齊收入打八折去吸呢班客，值嗎？知名度高左唔代表賺錢架喎，私營機構見到旺丁唔旺財，股東都會出聲。

上面都有唔少版友提到，九巴月票要搭埋週末先回到本，城巴月票週末可以搭去邊？個個禮拜北上，定係去郵輪碼頭探秘？基本盤香港島民根本好少北上，客源太散。我唔介意佢出月票，前提係佢個網絡有翻咁上下大先，最起碼之前嗰堆招標線全部贏哂先，唔係嘅話，如果只係得兩三個地區嘅人可以受惠於月票，咁點解唔淨係比折頭佢地算數 (i.e.回程八折之類)?講到底，我對呢間公司嘅財政狀況好冇信心，佢忽然出個大折頭減收入我仲驚...

JH_LE4612 發表於 2023-11-7 22:36
唔認同可以咁樣比較。渡輪係獨市，長洲唔搭船點出島？即係焗搭，相比下城巴有邊個地方係真正獨市？南風道 ...

用渡輪比較的確冇咩可比性，港外線更甚，港外線多數都係唔搭唔得，唔吸引你都會黎搭，船公司都呻窮呻左好多年，加價都加唔少，某程度上比月票都係假日價/遊客補貼居民/學生嘅一種手段。

所以淨係呢樣同九巴出月票個intention明顯有好大分別。九巴只係分割左一小部分利潤出黎已經做到一票通行同埋「每程9.8」嘅宣傳效果，唔好話淨係italk，搭程九巴同見到林林總總嘅月票宣傳攻勢，明明得萬幾二萬人買都可以做到成百萬乘客都識佢，仲可以對競爭對手造成實際打擊，有同樣規模能力做到嘅我諗只有地鐵。

JH_LE4612 發表於 2023-11-7 22:36
唔認同可以咁樣比較。渡輪係獨市，長洲唔搭船點出島？即係焗搭，相比下城巴有邊個地方係真正獨市？南風道 ...

將南同薄扶林至置富係屎水獨市

kay 發表於 2023-11-7 20:55
城巴不嬲都係姑寒
叫佢比多少少BBI優惠
佢地係議會都話要睇財務個邊話負擔唔起...

又咁講，九巴個business strategy都係打到頂閘為止
呢點以前無月票嘅年代都係咁架啦

ahken 發表於 2023-11-8 04:54
將南同薄扶林至置富係屎水獨市

有鐵有小巴 仲有的士烏爸 點算獨市