九巴21減班

睇到呢啲消息真係好心噏。80年代住過彩雲，還記得當時10號繁時開7-8分鐘一班，21最密開7分鐘一班。

Phoenix 發表於 2023-11-28 18:15
睇到呢啲消息真係好心噏。80年代住過彩雲，還記得當時10號繁時開7-8分鐘一班，21最密開7分鐘一班。 ...

今時今日去拍特惠站搭港鐵啦

21不如同26重組好過，諗下26X全日

Phoenix 發表於 2023-11-28 18:15
睇到呢啲消息真係好心噏。80年代住過彩雲，還記得當時10號繁時開7-8分鐘一班，21最密開7分鐘一班。 ...

當年白虹樓有乜線定係根本冇線呢？

10/21當年不爭取延長去豐盛街，九巴將大半個彩雲主動送給16系，又真係唔抵可憐。

以紅磡站開嘅短途路線計，如果無理解錯 11K 21 重疊嘅 30 分鐘時段似乎係錯開每 15 分鐘一班

如果將來長途需求不足，又斬唔到線，維持到紅磡至下路一段做到聯合班次，打後疏車都似乎係一種出路

21應該同5D搞，彩虹道(四美街)有91M上彩雲，新蒲崗有27，馬頭圍有26，不如5D行完啟業出觀塘道上彩雲，睇怕德福出唔到客(有錯請指)

ne2059 發表於 2023-11-28 23:15
21應該同5D搞，彩虹道(四美街)有91M上彩雲，新蒲崗有27，馬頭圍有26，不如5D行完啟業出觀塘道上彩雲，睇怕 ...

5D改左來回行承啟道無得同 彩虹-牛池灣 路線合併, 黎緊5D要在啟德新區同黃鬼競爭, 唔郁得
其實今時今日彩雲邨巴士服務 都比西貢線及秀茂坪路線做主導,
你睇下白虹樓站幾多人上車落車就知

Phoenix 發表於 2023-11-28 22:11
10/21當年不爭取延長去豐盛街，九巴將大半個彩雲主動送給16系，又真係唔抵可憐。 ...

豐盛街連總站位置都冇而且盡頭迴旋處都應該唔夠巴士調頭
九巴想拉都冇用

henryfung1515 發表於 2023-11-28 17:56
但問題係合併完密車就無所謂，但合併完繼續疏咁有咩意思，或者過幾年慢慢陰乾你。6 6A就係例子，又唔係無 ...

但問題係需求萎縮，根本無咁多客

真係唔明點解到今時今日大家仲有一個迷思，覺得好似一定要 keep 住咁多條線先係最好，覺得好似跌落 30 後就唔會再減。但如果佢地係以減車數目而唔係班次作為目標，跌落 30 之後都仲有得齊齊減，之後咪每 30 分鐘四、五部車一齊到站囉

咁真係對乘客最好？

整體規劃角度，本身已經無咁多客，將剩餘乘客集中落幾條密車線，其餘有獨巿位但無咁多客路線亦維持唔疏於廿分班，極個別情況先開 30，肯定好過而家條條無差別減到 25-30，然後再繼續減落去

唔好同我講話咩合併完繼續疏，因為唔合併一樣可以繼續減，同樣用車數目前提下開兩條 10 分一班事實係好過開五條 25-30

同埋無差別減班受害者不乏本身無鐵路地區，佢地各自都有其他願望同訴求，如果肯交車出來重組，絕對可以換到其他更有用路線返來。但而家玩無差別減班，一次減一格班次，每次減得一兩部車，乜都換唔到返來，減出來資源就收歸國有

根本而家為左減少地區爭議而玩無差別減班呢個遊戲玩法係錯晒，不合乎整體規劃之餘，乘客、地區、巴士公司齊輸