建議九巴290及290B線來回程於順利邨道及秀茂坪道增設分站

觀塘區議會一直要求290和290B線來回程於順利邨道及秀茂坪道增設分站但屢被拒絕。反正290線已通過將東面總站縮去坑口，該線行車時間會更為鬆動，為平息觀塘區議會的怨言，田此建議九巴290（縮短至坑口後）及290B線來回程於順利邨道及秀茂坪道增設分站。

建議內容：

• 290和290B線往坑口／將軍澳工業邨方向增停基順學校、利康樓、安頌樓、寧波第二中學、秀康樓及秀程樓。
• 290和290B線往荃灣方向增停秀程樓、秀康樓、寧波第二中學及順利邨公園。
  

建議的好處：

• 提供四順／秀茂坪往返荃灣／將軍澳更多選擇，回應地區訴求。
• 提供繁忙時間往返四順／秀茂坪往返將軍澳工業邨的服務。
• 秀茂坪上邨居民毋須步行至秀明道選乘290A線往返荃灣，車程亦更直接。
  

影響：

• 有關改動只增加兩線車程約5分鐘，卻能使服務範圍更全面。
  

290行秀茂坪道唔停站係為咗唔好太慢 , 依家你仲要加站 , 變咗倒走將軍澳客 , 並且令290、290A互相重疊而被陰乾。不過 , 我認為規劃嘅時候290行秀茂坪道已經係錯 , 應該要行觀塘道
佢後來又開咗290X , 三條都要行山路 , 變咗三條都係慢所以如果290要停埋秀茂坪 , 不如行安達/泰 , 放290x出嚟行隧道
同時要保住290彩明總站 , 調景嶺/尚德 -> 安達/泰 返放學有需求

真心唔好搞290啦好嗎？
依家將軍澳坐290去葵荃都唔係話快
仲要再加多幾個站？

同埋秀茂坪/ 四順都用緊290A
加多條290又唔同站，有乜謂

點解你咁鍾意玩爛東九龍嘅線，之前就話建議機場車加站，而家又要290加站，你知唔知道咁玩法會增加行車時間，只會趕走晒啲客

請問樓主知唔知點解會有290吅290A同時岀現？係因為觀塘區議會不滿290經觀塘山區而不停站但西貢區議會唔想290停觀塘山區先至有290A嘅岀現，你而家要求290在觀塘山區停站，我估將軍澳區290沿線使用者會成班岀嚟斬你

就算將軍澳山下唔斬你寶達都斬死你。

其實四順同秀茂坪有 290A

點解要攪 290？

290 將軍澳區內已經過兜 寶林 坑口 將軍澳 調景嶺建設縮到坑口就算 至於四順290D或新線算最好將290A縮到調景嶺-九龍塘站
全程9.8
全新290D 安泰 安達 上秀 中秀 四順-荃西9.8
咁樣拆就有用 反正290A冇人總站-總站即係冇用
冇用就縮短或分拆

有 290A 仲想點
而且 290B 得一班
唔經有乜出奇
駛唔駛學數字人咁整班 290C 行順利邨一帶？

平息觀塘區怨言咪到西貢區有怨言囉

HG6729 發表於 2023-12-3 01:26
290 將軍澳區內已經過兜 寶林 坑口 將軍澳 調景嶺建設縮到坑口就算 至於四順290D或新線算最好將290A縮到調 ...

安達安泰已有290X，閣下建議嘅290D可以改在上秀茂坪開