建議重組A30,A31及A32

但要如心兜上山

東北葵無左快車 A30

是咪傻左

你會唔會太高估新A30需求量

如心上車兜過以前
長安無直出

自取滅亡咪呢啲

而家石圍角行落綠楊咪有A31囉!
要做青衣西路唔該拎而家既A32改!況且冇理由為條冇客既石圍角/A32又要梨木樹/北葵埋單,係咪傻架!不如直接話拉條A32上石圍角經大窩口葵涌邨，青衣入機場!都痴線既!

沙田已經被玩死，仲要玩埋荃灣？

kps19862008 發表於 2023-12-5 21:48
而家石圍角行落綠楊咪有A31囉!
要做青衣西路唔該拎而家既A32改!況且冇理由為條冇客既石圍角/A32又要梨木樹/ ...

又係你呢條L樣搞事！淨係石圍角下邨去綠楊新邨嗰個咁嘅所謂有站嘅直線距離都已經坐底400米以上，上邨直情完全超出合理步行距離外，仲未計沿路長命斜同拎住行李。一係你拍片示範吓由最上面石翠樓拎住個裝滿嘢嘅行李行去綠楊新邨站，來回上落斜各一次，俾我睇吓你行到咩死款，一係你幫手鏟平條路或者邨口起個𨋢塔一嘢升到上去高地，好似水泉澳、安達安泰、秀茂坪、慈雲山嗰啲咁，事後全邨人都會好多謝你，但如果唔係就唔好喺度阿趦阿趄，而家搭架機場巴士係為咗去旅行玩吓放鬆身心定做體能鍛煉呀？！如果有個𨋢塔連晒全條邨我都或者仲可以忍你喺度亂吠發噏瘋，全部斜路嚟㗎X街！

次次有人講親石圍角冇機場車，你條友就攞綠楊嗰個冇雷公咁遠嘅站想塞住人把口，人哋隔離個post先至講緊新田圍唔會專登行段斜路上獅隧公路個站搭，對比之下新田圍個站都仲正常啲喎，起碼人哋上落唔方便還唔方便，但個站一入返去就已經到咗邨內範圍冇咁遠先吖。專登反其道而行，你個腦係咪出咗問題呀？！一句講晒，石圍角起碼一半人喺合理步行範圍內就係冇A線，就算我或者其他人「年年講、月月講、日日講」你又奈得咩何？你每次跳出嚟亂吠都改變唔到呢個事實，都仲未計上面老圍一帶同象山邨直情連💩都冇得食，又話大搞「邨邨有A車」、「街街有A車」嘅，乜本區居民原來唔係人嚟㗎？做人要公平，當絕大部份區都有A車嗰陣，有乜理由得呢區冇。調返轉如果得條石籬開經石蔭後直接左轉昌榮路落山，唔上梨木樹嘅A線，當你爭取有車直達條邨嗰陣，我就話：「而家梨木樹行落昌榮路咪有A3?囉！」叫你梨木樹人行大斜路落去昌榮路搭塞住你把死人口又得唔得呀？我諗到時肯定俾你鏟到上天花板啦，自己就要樓下有車，人哋爭取、甚至淨係建議吓都即刻成隻吊靴鬼跳出嚟叫，求其攞條冇雷公咁遠、連邨口都唔到嘅線嚟塞住人個嘴，叫人拎住行李行長命斜搭車簡直喺度噁心人，真係雙重標準得你吖！

再講，你話成個方案北葵要埋單都講得通，話晒原本嗰條線俾人改慢咗，但梨木樹條新A30已經喺出面路過當係補償，仲要係直落葵興葵芳唔駛兜北葵，快過又密過而家A30，帳面上亦多咗一條線，咁樣都叫「埋單」？呢啲單攞過嚟，我哋區抵諗啲同你埋咗佢囉。嫌入面條新A32慢，照你邏輯可以行出去吖嘛，搭快嗰條新A30囉，你唔係好鍾意叫石圍角人落綠楊搭嘅咩？自己體驗吓托住一件兩件行大段路先上到車咩感受囉，石圍角總站附近計至少6-7分鐘先至捱完條長命斜到邨口，然後過埋蕙荃體育館個站仲要行多個路口同埋一段暗斜先到嗰個咁嘅所謂站，上斜就仲麻煩仲慢；梨木樹總站出口轉左已經係北行分站，南行就過多一條馬路去對面，對比之下段路已經俾少咗你添喇咁多聲氣！話人哋樓主痴線，我睇痴線嗰個係你先啱囉！

至於所謂「冇客」，你憑乜嘢話「冇客」呀？就憑某啲人話嘅31M/32M/36M/235M轉重組前嘅A32？定係憑你多年以嚟針對石圍角同象山嘅偏見、雙重標準呀？31M/36M/235M開緊咩班次？32M又開緊咩班次？一條非繁開20分嘅線，跟住轉嗰條又係疏車，疏車轉疏車你覺得會有人同你咁轉法，冇病吓話？！咁你唔好話一個鐘一班嘅32H可以都用嚟轉車？況且去機場大方向應該向係西行，石圍角象山地理上明顯喺葵興以西，無啦啦要向東行落咗葵興專登兜路嚟轉叫「合理」？咁你不如話搭43X去第一城轉A41P好過啦，反正都係向東行，照你邏輯應該都好「合理」㗎啦。

講白啲，就算32M轉重組前嘅A32人數係0%都係天經地義、合情合理，疏車轉疏車 + 專登兜路嚟為咗轉車白痴先會咁玩，你話一程過唔駛轉就話兜吓路無乜所謂啫。冇客？又係嘅，因為巴士公司一路以嚟都雙手奉送晒俾的士或者Uber吖嘛，班行李客唔會托住行李大斜路落去，亦都唔會同你玩呢種白痴轉法。種咩因得咩果，就算冇客都係龍運咎由自取，居民只係用腳投票，冇喺石圍角區投入過資源，一味就諗住啲人會自動乖乖地躝落去綠楊搭？呢個世界冇免費午餐㗎！

過去象石區交通正常化進度緩慢，某程度都係因為「梨木樹雙雄」搞山頭主義；再加埋你呢個自私藍人專登針對象石搞事，喺度阻頭阻勢、有破壞冇建設！呢次區選嘅民主成份有幾高大家心照，但呢個「美麗新區議會」至少有一樣好，幾個小區整合成一個大區，新上任嘅區議員亦要兼顧哂成個大區而唔只淨係睇一條邨，呢啲損害個別小區／邨利益嘅山頭主義嘅嘢同人就會自然消失。

石圍角咁想要 A 車，拉 A38 上象山／東普陀算啦

機場方向：經大河道北、沙咀道天橋上荃威，返回原線
象山方向：原線經美環街、西樓角路、蕙荃路上石圍角

286X 發表於 2023-12-6 09:39
A31可以擺返如心
A30放愉景新城
A31兜少個綠楊入青衣西路可以抵銷返 長亨依家冇A車

有咩好抵銷？
又減班次又要行多段
長安全輸喎