大國崛起與狄娜

唔知呢度有幾多朋友睇大國崛起呢?

之前我響商務買左成套大國崛起, 睇完之後雖然無話好似內地咁引起好大討論同反思,
但起碼會欣賞央視都用左好多心機去做, 如果係無任何政治做背景既話, 央視既節目係有保證既, 特別係佢地搵左當地唔少學者, 加上內地有關學者, 其實幾有深度

初初我以為無線買大國崛起, 就係搵把敦厚既聲線, 將普通話既描述改為廣東話姐, 點知第一集見到
狄娜姐, 我初初只係認識佢係過氣豔星, 唔知佢底細啦

點知講下講下, 真係唔知佢係扮有料定吹水唔抹咀, 講到天花龍鳳, 真係唔知係真定假, 特別上集佢話認識某葡萄牙科學家, 叫佢地發奮為國家貢獻, 仲有d成績, 真係唔知佢真定假

到9/7呢集, 講荷蘭, 頭15分鐘就勁囉, 我響內地做野, 響內地睇, 比當地電視台係咁cut, 因為佢講野真係非常出位, 佢係唔系唔知自己過左火位架 ?

不過失望既係, 大國崛起既原版, 同無線播既真係差好多, 無線只係播左1/3度, 如果想認真d去了解呢幾個國家, 同知道央視點認真去做呢套片, 我勸你都係買翻套dvd好d喇

雖然我十分欣賞狄娜姐既敢言, 但無線會唔會收到內地有關人士既電話呢?

另外想問, 狄娜姐響息影後, 係唔係有另一番作為呢? 難道無線想栽培狄娜成為女版陶傑, 乜都可以吹水一番?

[ 本帖最後由 wesley 於 2007-7-9 23:04 編輯 ]

據我所知,她的公司係從事同航天科技有關的,同中國有密切關系

原帖由 cy_but 於 2007-7-10 01:05 發表
據我所知,她的公司係從事同航天科技有關的,同中國有密切關系

佢間公司有份研發E-GPS系統,所以上集話同葡萄牙
科學家研究GPS系統係真實

其實唔太明無線播大國崛起又唔播足本版,cut都唔緊
要,但一星期先播一集未免唔太夠喉,情願一至五播番
足本版,好過二至五播貽興王特約大人扮小學生常識
問答比賽

狄娜姐在昨晚的節目，最後部份關於陳水扁的言論，
已經比有關當局插播廣告干擾。

或者咁講, 每集有唔同既國家, 你已經淨係播1/3, 就應該講多d呢個國家既野啦, 仲響度係咁吹大陸既野, 其實無謂

話明大國崛起嘛, 內地未成大國, 先要參考其他國家, 內地係點大家都有一定了解, 咁你吹咁多就無謂啦

諗下1個鐘既節目, 約20分鐘係廣告, 狄娜姐自我陶醉20分鐘, 真係播大國崛起先得20分鐘, 真系唔抵

聽佢吹左兩集,幾多真幾多假我無從稽考,只有昨晚開頭
一段可以肯定唔係吹既,如果咁都叫做過左火位,觸動了全國
憤青網民的神經,那麼我們還是等下世紀再拍一部大國崛起,
繼續看別國怎樣崛起好了

原帖由 GT40 於 2007-7-11 01:12 發表

聽佢吹左兩集,幾多真幾多假我無從稽考,只有昨晚開頭
一段可以肯定唔係吹既,如果咁都叫做過左火位,
觸動了全國憤青網民的神經,
那麼我們還是等下世紀再拍一部大國崛起,
繼續看別國怎樣崛起好了 ...

還等？只怕等不到下個世紀，這個國家、
民族便會被淘汰出歷史舞臺之外。

香港有無cut我就唔知, 我響深圳起碼被cut左4次

仲聽講話狄娜初初想係做live添.....雖然係敢言姐........

聽狄娜姐的言論的確有點過火,我諗無cut的話,無線可能俾人投訴到暈

想睇足本唔一定要買
做建行客戶都會送俾你
小弟係新鴻基集團的會員都分到一套