鑽石山（彩虹道）總站啟用

JR5204@26M 發表於 2023-12-22 06:21
明明個站係新蒲崗，一D都唔近鑽石山，反而近彩虹
叫彩虹西仲好過

其實最簡單叫鑽石山（啟翔苑）有咩問題，反正個總站都喺啟鑽啟翔個發展項目入面，攞個發展項目入面近啲嘅屋苑做名咪搞掂

唔明點解要用埋啲整色整水嘅名
況且兆康苑都用得做總站名，點解啟翔苑就唔得

89B,74A兜入去新站無乜用

Peter03145212 發表於 2023-12-21 17:10
277P主力係做沙田區咩？

我知每區關注組獨立，
但荃葵嗰個係會寫埋904，905，171，N171嘅改動 就好似香隧易通行嗰單


但正常人唔會當呢堆線係主力荃葵卦。。。。？但跟分界係
277P都係大老山轉乘線 所以。。。。。關注組冇關注。。。。證明 不太重要。。。。

lsc04d11 發表於 2023-12-22 09:57
我知每區關注組獨立，
但荃葵嗰個係會寫埋904，905，171，N171嘅改動 就好似香隧易通行嗰單

荔園總站可以serve到九華徑/荔灣花園/華荔班客，咁啱果三個地方都係葵青區，順道講埋又冇壞。

大原則係調頭線／總站線（小巴）入新站，往彩虹道西行路線停路邊，就係咁簡單。

我自己住呢區，自我定義新蒲崗係彩虹道以南框住，自從有沙中線及啟鑽啟翔後，前大磡村區域都納入鑽石山範圍，新站去鑽石山站B出口又的確比以前近，可能有人會在此轉鐵，叫鑽石山都無可厚非。叫四美街就太過stretch喇，四美街都唔到呢邊，連交界位都唔係。不過暫時我認為「鑽石山（彩虹道）」可能容易引起混淆，唔識路嘅聽啲唔聽啲，唔知會唔會去咗彩虹站或越秀附近，最好叫「鑽石山（南）」或「鑽石山（啟翔苑）」。

我都認為入呢個站嘅線可以唔停龍翔道B出口個彎，幾條線都同屯馬綫功能重疊，74A/89B疏車唔會想等，268/9C驚無位，作為鑽鐵附近居民，我都通常會去搭屯馬綫。兩站距離非常近，車行400米左右，人行更只係200米左右。至於有人提議直行龍翔道，由於上述路線停四美街係服務新蒲崗放工客，搬去彩虹道以北已經遠咗，若只停B出口唔停呢個站對佢地來講就太遠。

cky 發表於 2023-12-22 02:54
兩條線都未開
唔明佢做乜咁早要提定

新巴士站啟用，29線就可以安排試車及投入服務，而且只開早上去觀塘，黃昏去鑽石山，
人手及車輛調配問題不大。

安峯新線就要等運輸署開標，一旦公佈中標公司，巴士公司就可以進行試車。
根據標書，該線的鑽石山新總站只作循環點之用。

DIH 發表於 2023-12-22 10:10
大原則係調頭線／總站線（小巴）入新站，往彩虹道西行路線停路邊，就係咁簡單。

我自己住呢區，自我定義新 ...

對未接觸過上下元嶺 大磡村年代的人來講, 新總站位處之地又真係難以令人聯繫到鑽石山嘅, 就同牛頭角淘大 得寶嗰邊, 現代大把人稱做九龍灣一樣, 係要及早正名/糾正, 才不會令正確地名走入歷史.

本篇板友主力討論地名/站名的同時, 仍然未有人提及即將被取代的四美街巴士站, 其實是大老山隧道興建期的產物, 用以安置彩虹邨巴士總站路線的彩虹臨時巴士總站, 其以東前身為彩虹軍營, 部份用地即現時采頤花園.

此臨時總站臨時咗超過30年, 終於迎來落幕的一天.

新站名鑽石山(彩虹道), 應該唔會聯想起爵祿街嗰邊, 個人認為叫鑽石山(啟翔苑)係最直接實用, 不過市民用用下就會習慣, 其實叫咩名, 只要唔係偏差太遠都可以接受.

tommy14D 發表於 2023-12-21 13:26
點解個名唔叫新蒲崗

因為在鑽石山站上蓋旁邊～

仲有，以前既＂新蒲崗總站＂仍然存在，
只係改左站名、而家無線在該處做總站～

JX9097 發表於 2023-12-21 19:04
叫「長沙灣」嘅時候邊度嚟咁多總站

最少有甘泉街總站在附近～

咁點解唔係兩個總站都用街名呢？

dcyw 發表於 2023-12-22 08:37
以年份計，路線4號的長沙灣總站並非最早出現。

1970年3月5日都未係最早？