新城巴士引擎蓋上黑色小孔的用途

昨天路經北角碼頭,諗住等影3601/2700,一小時後都係食「白果」 跟著搭船過九龍城+75x回家,之前看到
每部新巴的引擎蓋上都有黑色小點,什麼來的,不會只是裝飾用途吧 幾時開始「強制」加上?

[ 本帖最後由 ATR83 於 2007-7-10 12:21 編輯 ]

晌引擎冒煙/著火時灌水入去救火...

仲有城巴都有呢個窿...

好似係自 CTB 919 事件後 <- 有錯請指 ~~~
新城 自己加上 ~~~

原帖由 AVD1 於 2007-7-10 11:27 發表

好似係自 CTB 919 事件後

應該唔止 919 一單咁少，而0係經過舊
年接二連三0既新城燒車事件之後先至
咁做。

開乜鬼窿丫,搞好d保養咪唔洗咁囉...
保養做唔好,俾埋坦克用既自動滅火系統俾你都冇用啦...

原帖由 dennislokawai 於 2007-7-10 10:16 AM 發表
晌引擎冒煙/著火時灌水入去救火...

仲有城巴都有呢個窿...

個窿咁細都救到火 不過倒水確能降低引擎系統的溫度o既

補充多少少，點解唔打開引擎蓋救火而要開個窿仔多此一舉？
因為過去曾多次試過引擎室內發生火擎，當救火既人員打開引
擎蓋時因為外來既氧氣突然增加導玫搶火，引玫火勢加劇/有人
受傷。故此設此窿以便不需打開引擎蓋而可以先灌水降低內裏
溫度。

實在防止意外發生應從根本改善維修著手，如此安排實屬本末
倒置。

照計城巴入主周大福企業後,維修的累積經驗比同集團的新巴還要多,無咩理由
愈做愈差 況且會產生「協同效應」,理應維修的效率會比大家未成「一家人」時還高o架

原帖由 ATR83 於 2007-7-11 12:27 發表
照計城巴入主周大福企業後,維修的累積經驗比同集團的新巴還要多,無咩理由
愈做愈差 況且會產生「協同效應」,理應維修的效率會比大家未成「一家人」時還高o架 ...

首先，其實兩間公司0既工程部，合併前都有來自中巴0既師傅，論經驗，兩間公司都相差不遠
雖然城巴0既維修係好過新巴少許，但新巴的也不是太差

你講0既協同效應就係惡果，工程部合併，維修集中係某一兩個廠，唔識整都要識整，
因為0的車係打散0黎維修。竟然合併了，自然會減低成本，減少員工，減少維修工時
效率係高，但效果就低

我覺得係比車尾唔使開引擎蓋起動引擎用...因為有個掣係果個位