九巴96星期六及假日減班

JH_LE4612 發表於 2024-1-2 07:15
路過講句，如果推條平嘅96入廣福道搶貴啲嘅74X，其實係咪好事？正正就係因為同一間公司所以先至唔應該互 ...

96平過74X，本身係好唔正常
但同時又要諗，究竟downgrade咗乜嘢客？
如果將個重心擺喺調景嶺/寶邑路，本身都唔見得有幾多人搭緊74X

另外奇怪既係
九巴明知96平到喊，走線咁多問題，都走去延時，實在勇氣可嘉
當然事實證明成個決定好有問題

亦有可能係九巴內部有數字
發現96開線之後，啲客根本唔係來自74X
高估轉乘人數，低估直車吸引力，係好多巴士迷既通病

poondriver 發表於 2024-1-2 08:32
路過講句 不如睇地圖之前諗下 將軍澳人到底有幾可去大埔
又不如諗下290做得起 係咪因為佢淨係做緊荃灣客
...

我又覺得大埔至少叫做有各種原因要去
至少 大尾督/林村/烏蛟騰 郊遊客多，商場之外有舊區小店，人口衍生既探親需求亦相對大
反而牌面上，沙市更加無特色，馬鞍山/青衣/屯門更加可以算把

當然我認同單靠 將軍澳<>大埔，要全日好勉強
所以先不斷強調要將焦點擺落 調景嶺<>大隧 接駁
調景嶺人口7萬，其實只係略少過 寶林（8.5萬）/ 坑口（7.5萬）
地鐵觀塘線頭站優勢，去新界東唔算話好明顯
算係比較值得玩既概念，但真係要宣傳，直車知名度都低，轉乘入屋難度更大

castanopsis 發表於 2024-1-2 02:23
妹仔大過主人婆無乜所謂
962正線宜家都不似人形，但對件事無影響

做晒所謂五樣野先「有可能」仲要唔知機率幾大救得番，唔怪得九巴直接選擇放棄。

其實唔好話救96
本身96行得45分一班地步
我就唔信無諗過收返假日服務
不過收返假日服務
科學園就只可以搭74D去觀塘轉車入去將軍澳
大老山九巴無車去將軍澳
74D已經唔理疏車但轉車貴過96一截
咪勉強要留住佢

係大埔角度有74X轉車
係96另一合理替代
但科學園角度唔係
所以話假日飛起科學園剩係做大埔
以需求論係岩
但倫理道德就肯肯定過唔到關

人少但足以鎖死條96
下次應該就係96 60分一班
但如果係60分
不如諗下同74D夾夾班次
大概30分一班車科學園上大老山

castanopsis 發表於 2024-1-2 02:23
妹仔大過主人婆無乜所謂
962正線宜家都不似人形，但對件事無影響

其他論點唔少版友都已經回應左，無太多補充

但最根本問題，無論係茶果嶺又好、白石角又好，潑出去既水收唔返，呢點你一直畀唔到好滿意既回應，點樣可以得到地區同意

尤其是白石角，我完全睇唔到正線有任何應該飛起既理由。望過 YouTube 行車片，假日班次白石角佔客量比例唔係想像中咁低。當然你可以話因為兜路所以趕大埔客，但走入運頭塘就唔趕客？更何況大埔客仲有其他選擇，配套好好多，而白石角得一粒鐘一班 74D。無論道理定客量，放棄運頭塘同大埔墟站都未輪到放棄白石角，反正大埔墟站轉鐵北上算盤已經唔 work

如果白石角同大埔工業邨夾埋一條線做，咁唔係搞到平日大部分班次無啦啦要行到入工業邨咁遠，同縮短路線、節省資源目標背道而馳？但同時正線北上又可能搞到唔夠客。唔好忘記行到咁入咁遠、入去同私牌出返來都要成本。但白石角只係兜入去，對行車里數無太大影響，行耐左時間唔兜運頭塘已經抵銷左

茶果嶺麗港城就更加，完全無野可以補償到

好多巴士迷都有一個通病，見到一條爛線，唔理三七廿一都覺得要救。但好多時救返都係浪費資源，甚至做爛其他線盤數，根本唔值得。更何況，救線同完全放棄之間係一個 spectrum，兩者之間有好多可能性，現實亦唔可能條條線都救

poondriver 發表於 2024-1-2 08:32
路過講句 不如睇地圖之前諗下 將軍澳人到底有幾可去大埔
又不如諗下290做得起 係咪因為佢淨係做緊荃灣客
...

咁要問凱婷點解招標大埔都唔招標北區

3ASV174 發表於 2024-1-2 01:53
留意左一排
你成日留評分單單打打 hit & run 都大人有大量費事同你計較，但係亂 up 又或者自己記憶錯亂隨 ...

忽然間咁正義嘅，點跟呀評分單打呢樣嘢係你嘅「盟友」做先㗎喎
咁耐又唔見你出聲講嘅？
都係「以其人之道 還治其人之身」啫
咪嬲嬲豬啦，豬

0q9w8e 發表於 2024-1-2 09:58
咁要問凱婷點解招標大埔都唔招標北區

新界東往市區或者南向既巴士線一向都係沙田有，大埔先有，大埔有北區先有
宜家96客量唔好，北區已經無可能會開到去將軍澳既巴士線

castanopsis 發表於 2024-1-2 08:45
96平過74X，本身係好唔正常
但同時又要諗，究竟downgrade咗乜嘢客？
如果將個重心擺喺調景嶺/寶邑路，本身 ...

正正就係 downgrade緊將南以外嘅客囉，因為將北有直車唔使再 98A<>74X，係呀我同意直車係吸引唔少原本嘅轉車客，亦會有唔少 induced demand (所以本身都唔會影響到74X)，但係收費太低，搶到市佔搶唔到錢都會係隱憂...

唔反對調景嶺會有客，但以一個招標走線完全唔經/避開嘅區域嚟做救線嘅 "重心"，似乎有點本末倒置掛？如果過到運吉嘅所謂招標原則(你預左對家一定lur地先，人地插左班798B都會有啲聲出)，又唔會加太多行車時間嘅我唔反對嘅，但真係唔好覺得兜多區會救到線，same applies to 廣福道。

或者咁講，我睇好入境大樓入伙之後，96做大隧接駁嘅角色架，無論佢行將隧定將南都好，但係唔好預佢做得好大。依家嘅情況我冧起另一條招標線 88，又係平價做大隧接駁，令到冇咁多人喺觀塘轉車，不過呢條線似乎食兩邊流水仲開心，而96冇得做就覺得佢減里數好過...

96/74D/277A或者277P串埋一條牛河線，以答謝d fans係各大討論區支持麻