議員引述消息 年三十至年初四 深圳灣口岸24小時通關

KG1428 發表於 2024-1-21 22:40
港珠澳有 B4/B6係24小時服務

澳門更有101X/102X都係24小時服務

• B4/B6招標時標書已要求24小時服務
• 澳門102X不是24小時服務
  

GD1570 發表於 2024-1-21 08:45
你會唔會諗多咗
齋睇皇崗咁多年後到依一刻都只係有一條兜到傻嘅專利巴士線去到沙田，同埋兩條小 ...

問題在巴士要出到新田先有得搭，對客已經唔吸引。

試過凌晨1點幾（平日晚，唔只一次）皇崗過關返香港。
皇巴過深圳關人流一般，大致坐滿即開，班次唔駛10分鐘一班。
過埋香港關，駁另一架皇巴出新田，開10分鐘一班（開0字尾）係冇乜客。
出到新田跟住搭N73（開10分同40分），多數包車。由於第二轉皇巴兩三分鐘就到新田，轉N73係最少都要等6-7分鐘。
唔好彩嘅，出到新田就要等27分鐘，邊有客左轉右轉完仲要喺鄉郊地方等咁耐？

目測入到香港關好多轉的士，其他唔清楚，不過都明點解。
感覺好多人覺得新田係鄉郊地方，交通仲好不便，凌晨乜車都冇。
深圳灣唔同，過關後即刻有巴士直出又另一回事。

加強24小時通關，話就話方便內地客，實際成效又未必。
個人經驗，凌晨過關睇落返香港嘅人係多過返深圳嘅人。
內地客除咗個別日子（例如倒數），好少玩到咁夜走。
自己曾經聽過有部分內地打工仔／學生星期日晚要預早返到宿舍，方便星期一朝早即刻可以返到工返到學。

最簡單，搵個星期日晚（即係星期一凌晨），特別係兩地長假期期間，凌晨時分睇下皇崗入境嘅人多啲定出境嘅人多啲。
相信入境處都有晒數據。

kingprowm 發表於 2024-1-21 22:55
大西北有齊晒去各個口岸既 B 線，反而油尖旺只能靠載客量低既跑狗，真係奇怪安排 ...

北環線未開喎。

油尖旺或市區其他地方可以靠鐵路再駁B線，但邊有大西北人搭鐵路兜大圈去落馬洲／東鐵新界段轉B線去香園圍？

kingprowm 發表於 2024-1-21 22:55
大西北有齊晒去各個口岸既 B 線，反而油尖旺只能靠載客量低既跑狗，真係奇怪安排 ...

政策問題，B 線本身作用係駁去最近社區，再方便人轉車，
只係 B8 本身只係去大埔，同唔知點解爆左條 B9 屯元出黎。

TA7343@N241 發表於 2024-1-22 01:10
問題在巴士要出到新田先有得搭，對客已經唔吸引。

試過凌晨1點幾（平日晚，唔只一次）皇崗過關返香港。

又咁講，港珠澳夠 24 小時通關，
你睇吓 NA 線平日係咪 24 小時 60 分鐘一班？

係咁好景，黃巴條 NA21 早就全日運作，
個個去到大橋咪一黎 Call 的士。

dennis28a 發表於 2024-1-22 01:52
政策問題，B 線本身作用係駁去最近社區，再方便人轉車，
只係 B8 本身只係去大埔，同唔知點解爆左條 B9  ...

https://www.districtcouncils.gov.hk/north/doc/2016_2019/tc/committee_meetings_doc/ttc/13747/n_ttc_2018_055_ch.pdf

香園圍口岸交通本身招標嗰時已經建議有三條線，一條上水粉嶺（現B7），一條大圍經大埔（現B8），一條經屯門元朗（現B9）。

dennis28a 發表於 2024-1-22 01:56
又咁講，港珠澳夠 24 小時通關，
你睇吓 NA 線平日係咪 24 小時 60 分鐘一班？

NA21尾班係2:05，某程度都係就返玩夜咗返香港嘅人。

唔理喺香港定其他地方玩夜咗，最多人準備搭車返屋企嘅時段一定係兩點前。
再夜啲兩三點後，索性等第二朝先返，過關根本唔會多人得去邊。
凌晨3-5點仲開巴士嚟做乜，運空氣？
如果深圳灣都NB線直出，都係開12點幾至2點咁上下，同NA21睇齊。

TA7343@N241 發表於 2024-1-22 02:22
NA21尾班係2:05，某程度都係就返玩夜咗返香港嘅人。

唔理喺香港定其他地方玩夜咗，最多人準備搭車返屋企 ...

其實而家都係講緊通宵5日啫, 就算開全晚都係個別事件

TA7343@N241 發表於 2024-1-22 01:10
問題在巴士要出到新田先有得搭，對客已經唔吸引。

試過凌晨1點幾（平日晚，唔只一次）皇崗過關返香港。

首先第一件事係，如果真係為港人而設，就一早已經設立咗深圳灣口岸24小時通關，而唔係駛等到今時今日先設立。唔好忘記早喺規劃皇崗口岸重建時已經有講過深圳灣口岸會轉為24小時，但點解一直都無呢？
你話疫情，但一早復常咗，都仲未轉到。係要爆咗一大班旅客返唔到深圳就嗱嗱臨轉24，
風都唔駛吹，突然之間做得咁快，我諗大家都明白點解啦！
所以，根本唔駛睇入境處數字，因為依家根本唔係數據行先

其次，講返返港人士需要。認同其他版友所說，
其實夜媽媽有幾多客真係咁神心同你等巴士，
個個都係的士快手快腳去目的地算數啦，
尤其係閣下所講嘅「港漂」，更加唔會同你慢慢等巴士，
唔好忘記，人哋嚟緊嗰個早上係要返學返工㗎

再講，皇崗算係深圳嘅中心位置，但深圳灣係偏咗喺西面，雖然道路網嚟講可能比皇崗好，但始終都係偏埋咗一邊；
況且，暫時依一刻未睇到深圳方面的交通接駁除咗網約車及的士之外仲有冇其他選擇。
而且農曆新年深圳一向都算係水靜河飛，真係有幾依項措施設立嘅「既得利益者」使用，
我真係打一個好大好大嘅問號囉！

最後，係咪真係需要每區都要有線接駁去深圳灣口岸作通宵服務呢？
我都係嗰句，其實附近區域(屯元天)加市區一大區(東九龍、西九龍及港島)就夠晒數。
頂盡畀多一條接駁東涌機場港珠澳都夠晒。
以現時專營巴士的人手嚟講，係咪真係可以食晒十八區呢？
我唔覺得可以，所以先話屯元天之外全部搵跑狗做就算啦！

1372mm 發表於 2024-1-21 22:25
點解一定要NN聲呢？港珠澳都冇NB4、NB6

開新冧把巴迷先有得打X機嘛，你睇下你上面作新冧把作得幾興奮。