議員引述消息 年三十至年初四 深圳灣口岸24小時通關

12Lane 發表於 2024-1-22 11:28
開新冧把巴迷先有得打X機嘛，你睇下上面作新冧把作得幾興奮。

所以我會建議直接將B2系、B3系各一條改24小時服務

kingprowm 發表於 2024-1-21 22:55
大西北有齊晒去各個口岸既 B 線，反而油尖旺只能靠載客量低既跑狗，真係奇怪安排 ...

除左香園圍，大西北地理位置的確去果幾個關口都唔係特別遠，加上人口構成本身就好有利做跨境生意，咁多車都唔係特別唔合理啫。

1372mm 發表於 2024-1-22 11:31
所以我會建議直接將B2系、B3系各一條改24小時服務

我都覺得依個會係最好嘅方案。

不過因為招牌時無講明要提供24小時服務，依家要人哋用日間價做通宵，唔知肯唔肯。

GD1570 發表於 2024-1-22 10:14
首先第一件事係，如果真係為港人而設，就一早已經設立咗深圳灣口岸24小時通關，而唔係駛等到今時今日先設 ...

所以最主要係睇當權者想唔想去做。
無論政府定巴士鐵路公司都係。
普通市民有意見？哦，意見接受，態度照舊。
上面有意見？等都等唔切啦。
到時配套應該方便返港客定內地客，濕咗個頭先算。

最簡單，279X係好多青衣人經上水上深圳嘅線，假期爆到乜咁，但本身條線開嚟for青衣人？
其實係for北區人落青衣，方便再駁去大嶼山或機場。


接駁深圳灣通宵巴士線方面，就返內地客係完全唔駛服務咁多區。
內地客去嘅熱門地區（旺角灣仔依啲）跑狗都cover到。
照顧返港客嘅話，
一條天水圍＞元朗＞上水＞大埔中心＞沙田市中心＞馬鞍山（每區一個站）
一條屯門＞青衣＞葵涌＞長沙灣＞黃大仙＞將軍澳／坑口（每區一個站）
cover啲跑狗冇cover到但又係大住宅區就夠。

GD1570 發表於 2024-1-22 10:14
首先第一件事係，如果真係為港人而設，就一早已經設立咗深圳灣口岸24小時通關，而唔係駛等到今時今日先設 ...

係疫情前已經有規劃深圳灣口岸做24小時通關
只係拖到宜家都未正式安排開展

TA7343@N241 發表於 2024-1-22 12:52
所以最主要係睇當權者想唔想去做。
無論政府定巴士鐵路公司都係。
普通市民有意見？哦，意見接受，態度照舊。
上面有意見？等都等唔切啦。
到時配套應該方便返港客定內地客，濕咗個頭先算。

最簡單，279X係好多青衣人經
上水上深圳嘅線，假期爆到乜咁，但
本身條線開嚟for青衣人？ 其實係for
北區人落青衣，方便再駁去大嶼山或機場。

實際上點樣決定一條路線側重於
個別群體唔容易,亦不應特登搵答案
279X開咗咁多年角色係轉變緊,但唔
可能小眾嗰邊完全唔理。

返到我開文咁講,乘客意見
早就當耳邊風,今年元旦陸客
咁情況相關當局下令咁滯,但唔係
連邊境線都要補貼才考慮加班嘛?

TA7343@N241 發表於 2024-1-22 12:52
所以最主要係睇當權者想唔想去做。
無論政府定巴士鐵路公司都係。
普通市民有意見？哦，意見接受，態 ...

閣下嘅建議：
「一條天水圍＞元朗＞上水＞大埔中心＞沙田市中心＞馬鞍山（每區一個站）
一條屯門＞青衣＞葵涌＞長沙灣＞黃大仙＞將軍澳／坑口（每區一個站）」


我想問：由深圳灣搭到去坑口/馬鞍山唔駛兩粒鐘？
當跑狗去東九龍都只係用一粒鐘都唔駛嘅時候，請問你嘅走線如何吸到客呢？
如果咁嘅走線都可以話「照顧港客」的話，
不如去了解吓點解皇崗觀塘跑狗深宵時份要加停沙田落客吧！
依個亦係點解我一直認為屯元天以外一律畀跑狗做嘅原因。

GD1570 發表於 2024-1-22 21:02
閣下嘅建議：
「一條天水圍＞元朗＞上水＞大埔中心＞沙田市中心＞馬鞍山（每區一個站）
一條屯門＞青衣＞ ...

咁樣建議=深圳灣版W3
不設實際

GD1570 發表於 2024-1-22 21:02
閣下嘅建議：
「一條天水圍＞元朗＞上水＞大埔中心＞沙田市中心＞馬鞍山（每區一個站）
一條屯門＞青衣＞ ...

巴士速度上本身輸俾跑狗，要吸引客唯有直達大型住宅區，務求在合理車程下覆蓋最多居住人口，唔駛左轉右轉。

旺角灣仔觀塘荃灣依啲跑狗上落客點共通點係交通樞紐，但未必係大型住宅區，要再駁車先返到屋企。
就返港客的話通宵巴士揀附近住宅最密集嘅巴士站就夠。
天水圍揀天水圍站附近，元朗就揀大馬路，北區揀上水站（或粉嶺站篷瀛仙館外）。
青衣揀長安（或青衣碼頭），然後直出黃大仙站，尾站係坑口。
點解揀坑口，因為周邊住宅密度最高。
長沙灣可以SKIP（唔夠順路，多燈位，可以坐跑狗落旺角轉車），葵涌如果有跑狗經亦都可以skip。

反而沙田同馬鞍山相對麻煩，睇地圖元朗上水大埔吐公咁入隨時仲兜。
一係再拆多條線，先落屯門跟263走線直入沙田市中心，再入馬鞍山市中心完，問題在覆蓋到嘅住宅區會唔會太少。

TA7343@N241 發表於 2024-1-23 01:23
巴士速度上本身輸俾跑狗，要吸引客唯有直達大型住宅區，務求在合理車程下覆蓋最多居住人口，唔駛左轉右轉 ...

第一，你要人深宵時份兜晒屯門葵涌長沙灣再去坑口將軍澳已經唔係一個合理車程。

第二，正如我開初咁講，整個政策根本就係為旅客而設，所以你所講嘅兩條甚至三條線根本唔會批得出嚟。

第三，其實你所講嘅建議絕對可以擺返落現時嘅新田站，點解到今時今日都無公司咁做呢？可能真係要閣下解釋一下了。

你嘅建議係可以吸引，但可以吸到幾多客？況且，分散晒啲客源，你又認為可以做到幾多分鐘一班呢？
倒不如畀班客出到市區，再用返現行網絡「通宵巴士、小巴，及的士」接駁去返自己嘅目的地，
達到最大程度的利用好過啦！
點解有N73都依然可以畀跑狗停沙田呢？依一點我認為你未清楚了解。