22/1 51尾班車交通意外

PF2802 發表於 2024-1-23 12:21
呢個天氣上山襯熱鬧的確唔多好, 不過假定全車人都係呢個目的就搞笑啲

今日星期幾

睇完仲唔快啲返去瞓覺，準時返工返學

PF2802 發表於 2024-1-23 12:21
呢個天氣上山襯熱鬧的確唔多好, 不過假定全車人都係呢個目的就搞笑啲

唔比有人真係鍾意睇冰掛架咩
就算全車都係去睇，佢地有咩錯先...

12Lane 發表於 2024-1-23 19:27
唔比有人真係鍾意睇冰掛架咩
就算全車都係去睇，佢地有咩錯先...

冇錯㗎，有事要求救嗰陣唔好報警要消防/飛行服務隊去救佢啫

Fuk19805 發表於 2024-1-23 19:59
冇錯㗎，有事要求救嗰陣唔好報警要消防/飛行服務隊去救佢啫

去邊都要自己負責架啦，大把人去外國玩整親又唔比報警咩。

12Lane 發表於 2024-1-23 20:27
去邊都要自己負責架啦，大把人去外國玩整親又唔比報警咩。

啱呀，下次10號風球記住去石澳跳落水然後報警喎，到時睇吓香港市民有咩反應？

Fuk19805 發表於 2024-1-23 20:42
啱呀，下次10號風球記住去石澳跳落水然後報警喎，到時睇吓香港市民有咩反應？
...

10號風球同低溫天氣有咩可比性？
今日係咪停課停工？

12Lane 發表於 2024-1-23 20:43
10號風球同低溫天氣有咩可比性？

路面結晒冰濕滑，你永遠估唔到地下有幾跣，係講緊你每步都跣一次，危險性絕對係高嘅，仲要你喺郊野咁多石塊跣低係好易撼親頭部，都仲未計香港人少接觸低溫天氣容易引發低溫症，唔及時送院係會死人嘅，今次冇發生咁嘅事故係今次好彩，正如十號風球都可以風平浪靜無事發生，你自己去冒險點解要消防救護去冒佢哋嘅險嚟救你嘅蘇州屎

Fuk19805 發表於 2024-1-23 20:47
路面結晒冰濕滑，你永遠估唔到地下有幾跣，係講緊你每步都跣一次，危險性絕對係高嘅，仲要你喺郊野咁多石 ...

你只係假設有去嘅人都係冇足夠嘅安全知識同措施啫。
當然我唔會排除呢個可能性，但用個別例子去概括上山呢個行為有問題，似乎都係留於表面。
緊急服務/搜救隊資源同樣都係考慮左會有呢一少部份人嘅存在，但係咪代表所有參與嘅人都係不恰當同應該受道德譴責，我有保留啦。

12Lane 發表於 2024-1-23 20:55
你只係假設有去嘅人都係冇足夠嘅安全知識同措施啫。
當然我唔會排除呢個可能性，但用個別例子去概括上山 ...

你啱，但係正係好多普羅市民，尤其是好少喺日韓/歐美過冬天嘅市民都缺乏呢啲安全意識，先至令相關部門咁擔心啫，不過都唔可以怪市民，呢啲跌到5度以下嘅天氣真係成十年先會喺香港出現一次。政府由尋晚開始氣溫跌嗰時已經叫定市民唔好亂上山又封路唔俾車上，就係要盡量減少呢啲意外發生。我承認我上面嘅comment係激動咗少少，但係如果可以預防嘅意外係咪應該唔好俾佢發生先呢？始終例如火災或者突發交通意外應該更值得使用有限嘅緊急資源；冇裝備冇危機意識嘅就係貪有直車方便先至會上山而最後導致危險，而家封山嘅全部都係裝備齊全非常決心睇冰嘅，相對嚟講係咪會安全啲呢？

12Lane 發表於 2024-1-23 19:27
唔比有人真係鍾意睇冰掛架咩
就算全車都係去睇，佢地有咩錯先...

真無聊，為拗而拗