博覽館散場加班列車

90年代初庫房錢就無幾多，地鐵借落一大筆錢未有耐還完，搞到年年狂加。

九鐵老早想過海，無錢ban左。然後機鐵四線過海？

為左新機場既額外支出，政府要係其他基建計劃重新分配資源去做
到今日話點解當年唔再起豪D？咁我問返轉頭，點解九鐵唔先過海？點解唔先起東九龍線？其他道路基建點解唔做得豪D？大隧點解唔起夠六線？
今日知道鬧政府唔好搞假大空，當日唔知?

Toz 發表於 2024-2-15 11:04
所謂唔承認，應該係指唔承認相關債務。當年地鐵都係借錢起。玫瑰園計劃原先預算係超過當時香港庫房儲備， ...

最終個finanical plan係由陳方安生發版嘅
又講返轉頭，雖然當時政府已經有PADS，但點解要用基建去留住香港的根
嘛又係北京自己

Toz 發表於 2024-2-15 11:16
90年代初庫房錢就無幾多，地鐵借落一大筆錢未有耐還完，搞到年年狂加。

九鐵老早想過海，無錢ban左。然後 ...

當年LAR可行性研究曾經諗過點cut cost
甚至想延遲興建黎慳錢

Kelvin15190 發表於 2024-2-15 01:46
只不過正苦宜家想整條連接大嶼山同港島嘅鐵路；如果當年機場鐵路全綫4軌，除了解決左大嶼山嘅交通需求， ...

東涌線短，亦唔似好多普通鐵路咁，
有運行速度較慢嘅貨運/區內列車及快速嘅長途車混跑。

就算有需要整飛站快車，响車站起飛站路軌就夠，一如日本咁多條新幹線都係全線雙軌，直達車响車站爬頭。

Toz 發表於 2024-2-15 03:04
所謂唔承認，應該係指唔承認相關債務。當年地鐵都係借錢起。玫瑰園計劃原先預算係超過當時香港庫房儲備， ...

唔承認係指：a. 錢我唔還架啦，呢堆基建鐘意就攞去啦！
定係b. 錢我唔還架啦，基建响我手你吹得我漲？

造價超庫房儲備咪又係語言藝術？
無政府會一炮過俾，而中途完全無收入、盈餘唔會累積、
基建直接間接帶黎嘅收入又唔駛計嘅咩。都未計打包上市、公司化呢D香港都玩過好多次、
當年英國玩到盡、後來又教埋中共玩呢D財技招數。

供樓供車會都係睇你俾唔俾得出首期，再加未來搵唔搵到銀之嘛。

eternalflame 發表於 2024-2-15 07:20
最終個finanical plan係由陳方安生發版嘅
又講返轉頭，雖然當時政府已經有PADS，但點解要用基建去留住香 ...

從中共1949年建国開始，一路都係重工程科學架啦。
咁大嘅基建根本合哂党嘅合尺。
（當然香港又真係需要新嘅機場同呢D配套）

s3n370 發表於 2024-2-15 20:22
唔承認係指：a. 錢我唔還架啦，呢堆基建鐘意就攞去啦！
定係b. 錢我唔還架啦，基建响我手你吹得我漲？

即係咁, 今時今日庫房八千億，分期十幾廿年拎一兩千億出黎都大把人話要陰乾香港。當日拋個二千五百億預算出黎，仲多過庫房，仲要係97年前完工找大數。你覺得可以用一句分期就解決?
而80年代未90年代初期每年財政盈餘都得一兩百億。

而當年咁大規模既開支, 令到香港其他基建要縮水讓路, 肥彭甚至講過話如果無錢就要加利得稅。

你總唔可以事後孔明覺得，豪起之後好好景，所以無問題，點都要睇回報，填海填多D就可以賣多D地，所以係無問題，但機鐵、東涌線同青馬大橋，起豪D定慳D, 收入唔會有幾大分別。而到今日，機鐵過海都未用盡兩線隧道。

我唔係話起新機場唔好，而係，乜野都豪洗，不理有無回報，今日有錢都會比人鬧，何況當日已經窮到要擱置其他基建讓路？將明日大嶼同北都既邏輯套返上去，睇到好多人雙重標準得好緊要下喎。

Toz 發表於 2024-2-15 12:52
即係咁, 今時今日庫房八千億，分期十幾廿年拎一兩千億出黎都大把人話要陰乾香港。當日拋個二千五百億預算 ...

講呢兩句說話嘅未必係同一班人。

另一方面，好難單一睇住個袋有幾多、再去駛幾多錢起乜去評論。
正如駛幾球買樓自住/收租、買架車搵食同買架超跑已經係幾回事。
買嘅人本身事業發展緊、當打之年、定係快退休又係唔同睇法。
你諗下當年整個區域（大中華+東南亞）嘅發展速度同今日比係咪同一回事？

仲有一個概念係，規劃基建永遠都會諗，有無其他方案可以替代，唔起又會點呢？
正如新機場都有N個方案，擴建啟德甚至起响港深同邊境同深圳共用都有。
唔起又有乜後果呢？

唔睇咁遠先啦，近年爭議較大嘅三跑、明日大嶼、北部都會，
拎呢幾點擺埋一齊都會有明顯分別。

s3n370 發表於 2024-2-15 16:07
東涌線短，亦唔似好多普通鐵路咁，
有運行速度較慢嘅貨運/區內列車及快速嘅長途車混跑。

咁如果普通路綫要開每小時30班，特急每小時20班，機場快綫每小時6班，就需要全綫4軌，畢竟香港嘅鐵路係追求最少嘅headway。

Kelvin15190 發表於 2024-2-16 13:51
咁如果普通路綫要開每小時30班，特急每小時20班，機場快綫每小時6班，就需要全綫4軌，畢竟香港嘅鐵路係追 ...

東涌線嘅高峰暫時係每小時15班。
要點樣先至有資格開到50，即係今日三倍幾嘅班次呢？

再者，就算等到各停+特急夠客開50班嘅一日，
一條通勤鐵路嘅物理極限大概係每個鐘三十幾班。
50班已經係兩條鐵路先至處理到。
而開得兩條鐵路，客源明顯唔會全數响沿線，而係經四方八面轉過黎。
如果繼續沿住現有機場鐵路起複線，去到轉車站唔塞爆就奇。
所以去到夠客，起多兩線都只會直接串起客流大而未有直車嘅位。
所以四線鐵路响市內嘅層面，根本係好難會出現。