宣傳其實對坑口呢啲地鐵為主(尤其是對家市佔係咁大)嘅社區係有必要做好佢 當然要視乎一開始嘅目標係咩 如果只係將現有嘅巴士客upgrade 即係再𠝹細個餅佢 咁確實只要喺站頭掛幾張傳單就得 因為班客自然會睇到 但問題就係坑口有幾多個巴士客？ 喺塊本來就細到冇得再細嘅餅再𠝹細佢 個客量一定唔會好睇 如果個目標係做大個餅 喺地鐵上面吸客 咁明顯喺站頭掛傳單係唔夠的 班人行過巴士站眼尾都唔會望一下有咩特別 老實講 喺地鐵站拉幾張banner都覺得唔夠 起碼每家每戶都要派張傳單先 我相信冇乜人會係搭死一種交通工具永世都唔會變 起碼見完都會萌生想試吓嘅念頭 而且宣傳夠 都要服務量跟得上 否則都係得個睇同知字 老實講，近代將軍澳隧道線做一班限定有幾多條係成功到可以加多幾班仲要淨係做一區嘅？ 795x未全日之前 去到山谷道都係任揀位坐 其實同298c冇乜分別 唔係叫你一嚟就開全日 但起碼下繁幾班開隔20分鐘 對於地鐵客嚟講唔係要佢就巴士係要巴士就佢 做完晒上面所有嘢 都係無客嘅話 已經係盡晒所有能力整大個餅 我相信冇人會再lur直出 有嘅話就真係可以叫佢大帝啦 當然你會話 「梗係啦架車都袋咗落袋」 所以先有試辦存在 到時冇客又可以有得落台抆喉 所以如果係做細餅嘅生意，咁梗係可以冷處理啦 但係做大個餅嘅話，明顯呢啲係唔夠嘅 298C明顯係要做新客先圍到皮 但佢依家只係發揮到做舊客嘅功能 冇話搵嘢賴 只係嘗試分析有啲咩位可以做好啲
| 
）
）
