建議更改九巴73B行車路線及服務

由於現時來往北區和大埔區的巴士、小巴服務惡劣，路線規劃未能滿足居民出行的需求，因此建議更改九巴73B路線的行車路線，將其起迄點與循環點調換，並撤出大窩西支路以加快行車時間，貼合兩區居民的需求。另外，建議將車費降至8.1元，與九巴73、73A、W3的收費更趨一致。

上水總站                $8.1
上水新成路
天平邨天明樓
皇府山
粉嶺樓路
上水宣道小學
粉嶺樂和街
塘坑
粉嶺公路轉車站
太和站
大埔政府合署
海寶花園
大埔中心總站
聖母聖心小學
富亨邨亨榮樓
那打素醫院
頌雅路
大埔中心總站
大埔安祥路
大埔廣福道
運頭角里
廣福邨
塘坑                        $5.4
粉嶺中心
粉嶺名都
粉嶺消防局
粉嶺樓
聯和墟球場
聯和墟總站
海聯廣場
粉嶺樓路
皇府山
天平邨總站                $4.0
天平邨天怡樓
龍豐花園
上水站
上水總站

路線沿線服務石湖墟、天平邨、聯和墟、（粉嶺站）、太和、大埔中心、富亨、那打素醫院、大埔墟、廣福一帶，方便市民覆診、日常的出行需求。
建議班次繁忙時間15－20分鐘一班，非繁忙時間20－30分鐘一班。
建議服務時間0640－2200

此路線亦可考慮提供區內短途分段收費
上水>塘坑 $5.4
太和站>廣福邨 $5.2

原九巴73B路線之受影響乘客將可以使用以下替代路線前往目的地：
帝欣苑至和合石新村 > 聯和墟／粉嶺站
新增華明轉車站轉乘組合：九巴73／73A線往華明方向免費轉乘277X線往聯和墟方向
可改乘九巴73／73A線到華明總站利用轉乘優惠免費轉乘70K或277X線

帝欣苑至和合石新村 > 上水
可改乘九巴73／73A線到華明總站利用轉乘優惠免費轉乘273A／273D線

又要大窩西果班轉車

上水直出太和優勢全失

點解唔直接 73/73A 合併 延長返去彩園？

天空之神 發表於 2024-2-29 21:47
又要大窩西果班轉車

上水直出太和優勢全失

本身73B條線設計原意係滿足大埔粉嶺上水嘅來往需求空缺。73B喺大窩西支路嘅使用率好低，大部分都係落車嘅人，好少人用帶大窩西支路搭去粉嶺/上水。
另外既然喺得上水火車站附近，居民首選都係搭火車去太和/大埔，粉嶺站同理，所以我建議大埔返北區先兜入去粉嶺名都。即使上水直出太和，都畀唔上火車嘅速度，更何況現時巴士($9.2)貴過火車一倍有多($4.5)，班次又少。

如果可以用呢個建議飛走大鑊西，咁的確唔錯。
問題係，嗰陣大鑊西死都要爭條 73B，理由係大鑊西冇車直去粉嶺中心同上水，如果而家就要佢哋 30 分鐘一班車轉乘 20 分鐘一班車嘅線肯定會反面，大埔區議會唔會批。

我覺得呢份建議係好，不過要連埋 73 同 73A 延長去上水一齊做先得。
（73 同 73A 可以依照 T277 走線去上水）

至於九巴方面，我諗佢應該會想咁做嘅，因為俾城巴爭咗條 79 返嚟 而家北區就算要九巴賣身都得，只要可以同城巴爭就乜都得

我自己都成日要來往大埔同北區，之前記錄咗一次由聯和墟搭九巴建議嘅路線去大埔嘅時間。78A>70K>73

78A   聯和墟 上車                     0         總需時        單圈時間

78A   粉嶺中心 落車                  1      07:08.60      07:08.60

70K   粉嶺中心 上車                  2      10:49.15      03:40.55

70K   正覺蓮社學校 落車          3      16:52.56      06:03.41

73     牽晴間 上車                      4      21:13.33      04:20.77

73     大埔寶鄉街 落車              5      42:23.81      21:10.48

如果平時要用咁嘅方法由北區去大埔，轉兩次車真係好唔方便。

作為73嘅常客，我唔明點解果陣時九巴要將條線喺華明兜得咁樣衰。即使總站喺華明，都唔好去完牽睛間，又兜華明路一個圈先返總站。明明縮短去華明係想叫人轉車，應該用最快嘅速度送客去到轉車站，而唔係晒10分鐘同你遊花園。另外，唔知九巴點解冇加到73/73A>277X去聯和墟嘅轉乘優惠，如果想免費轉車去聯和墟，淨係可以焗住等15－20分鐘一班嘅70K。之前中過伏，貪快上咗277X又收咗$5.4。

至於將73／73A延長去彩園我唔反對，但係我唔希望條線會俾人騎劫咗要入置福圍／清河／太平，同埋雞嶺迴旋處塞起車嚟，可能會倒灌返百和路，影響車程。反而我建議73A可以keep喺華明，但拉73去祥華總站，開車時間早5分鐘，亦方便加入粉嶺站轉車站轉乘組合，塞車嘅機會都小啲。73宜家全日20－30分鐘一班，相信對祥華總站嘅車務壓力應該唔大。

嚟緊有79唔使再捱狗巴。

73B盤古初開係
大埔有快車搭上粉嶺,
上水有快車搭去大埔,

跟住增加兜大窩西支路,
只有上水有快車搭去大埔

宜家樓主建議變成>
粉嶺有快車搭去大埔, 上水要慢碌,
而太和,大埔中心 上車北上仲要南下到廣福邨再U turn上公路...

73B呢類大循環線點改都係有盲點位,
最好都係變返雙向及拆線

Steven_BUS 發表於 2024-3-1 10:51
73B盤古初開係
大埔有快車搭上粉嶺,
上水有快車搭去大埔,

北區乘客去大埔已經慣咗搭鐵，我個諗法係乘客既然已經喺粉嶺／上水站附近，去大埔嘅首選交通工具就係東鐵。與此同時，如果已經去得太和站，即使73B直去粉嶺，但始終冇東鐵咁快，而且價錢差一大截，乘客點解唔搭又密又平又唔怕塞嘅東鐵？我建議嘅73B係服務離東鐵站仲要駁一程車嘅位置，對呢班人嚟講其實有更大吸引力。
至於由大埔中心返北區嘅乘客嘅路程，用271走線已經係最直接同快，經廣福迴旋處上粉嶺公路（265S走線）大概需時比經太和耐5－8分鐘左右，但係服務客群闊好多，食到大埔墟四里返北區嘅買餸客。

Steven_BUS 發表於 2024-3-1 10:51
73B盤古初開係
大埔有快車搭上粉嶺,
上水有快車搭去大埔,

調返轉 大窩西到今時今日都未有返車由聯和墟返去

502 呢條垃圾本身連開都唔應該開