邊個話241X冇客？

UA2892 發表於 2024-3-7 20:01
我只想講
好多case拎唔到數據,但有需要全日

冇數據但冚世界都知你借啲倚又騎劫落 N11 嘛

241X 單純繁時令人有少少意想不到啫
又講唔出話好成功, 同埋不嬲都好清楚5-7 pm既241X 大角咀上隨時冇位坐
早繁有兩三班車係完全頂閘上北橋, 大角咀三站落到三十人有多

不嬲青衣既線都有個特色, 就係就算同地鐵重疊, 收視都唔弱
948 42A係例子
44 就算客量少左都係一例 (唔好講笑啦, 另一個post D人見減非繁就話44好少客, 44響呢家流行25-30既年代算密添啦...)
41A 算係弱少少果條, 比西鐵打走左個尖東

青南就因為遠離地鐵所以做得起, 但其實青中青北相對近地鐵站既人都有搭巴士出入既習慣, 呢點係青衣養得起咁多九龍線既原因
至於點解會咁, 就係因為青衣路網其實起得非常靚
點解叫靚, 一來出九龍既大路唔係經常性塞車, 最低限度南北橋唔係日日塞到出唔到城, 離開左青衣上三號仔, 早繁都係慢車, 慢完已經落緊連翔道, 要數都係948 要食哂成條3號仔, 但3號仔路面都尚算穩陣
北橋走果兩條44 241X 最差已經係荃灣路, 但佢地行果段都唔係日日大塞, 大多都預得到時間

至於區內, 我經常都強調, 如果一條大路做得哂就最理想, 42A 一條青康路食糊, 44 一條楓樹窩路+長安又搞點, 就算係X42C 行法兜落山再上山, 順住去都不過係16分鐘左近上跑道

大把新市鎮做唔到以上既條件, 咁話之你條線點開, 班客都一樣唔敢博, 久而久之果帶既巴士好難做得起

我唔係黎寫241X 有幾威有幾叻, 頭尾時段241X 載空國際亦都係事實
但如果大家既問題係問青衣點解養得起呢幾條九龍線, 個原因大約就係咁

多客又唔鍾意，少客又唔鍾意，真係難服侍

非繁又有幾多條線多客，就算大西北線，非繁都唔多人搭啦

GZ4031 發表於 2024-3-8 00:09
241X 單純繁時令人有少少意想不到啫
又講唔出話好成功, 同埋不嬲都好清楚5-7 pm既241X 大角咀上隨時冇位坐
...

大埔同元朗都係一條綫順住去

最慘係而家新起嘅市鎮, 路網都差到xx

好似東涌北同逸東嗰邊, 幾乎條條邨都喺掘頭路入面

巴士點劃線都做唔得起

12Lane 發表於 2024-3-7 18:34
下繁有部巴士企人講到好稀奇咁。

當啲大線企爆嘅時候，呢度啲人又會話啲大線繁時得單向有客、非繁冇客

咦？咁啱上幾層已經有一件係咁

晚繁後兩個方向唔夠20個客又睇唔到喎

45 上唔晒又睇唔到喎

哈

neoplan720p 發表於 2024-3-7 23:39
哈，我夠見過屎水90、97繁時要企人，
依據呀獻世特工241X嘅邏輯，
「邊個話90、97冇客」？

你拎90同97唔夠JUICY㗎
我搵條JUICY啲畀你


***********************

我夠見過城巴50M企人啦...
咪成日畀人話無客要同B3A同B3M合併

GZ4031 發表於 2024-3-8 00:09
241X 單純繁時令人有少少意想不到啫
又講唔出話好成功, 同埋不嬲都好清楚5-7 pm既241X 大角咀上隨時冇位坐
...

青衣係大型住宅區，而且規劃近乎純住宅，下繁返去要企有幾奇？
如果朝早入去都要企就奇姐。

青衣巴士線做得起，除咗出九龍冇咁塞車外，某程度上地鐵站位置加東涌線本身冇咁方便有關。
地鐵站喺成個青衣近乎最東北面，保鐵最方便嘅住宅就係樓上盈翠同隔離灝景。
盈翠灝景貴為全青衣以至葵青最有錢嘅屋苑，加埋周邊堆私樓夾屋，青衣站一帶居民生活圈始終都傾向港島，唔多唔少係住唔起／唔想住港島，但又想快速出到港島嘅人。
平時耐唔耐晚繁後青衣站出閘，出閘同時無聊望下周圍，起碼超過一半人出閘扣$15.3，即係港島返去。

撇除盈翠灝景，唁少近青衣站嘅住宅（包括宏福偉景長安青宏）睇落好近好方便。
實際出咗閘要行近10分鐘先到樓下，仲未計更加遠嘅住宅好似海欣翠怡青泰苑等。
至於點解咁樣，咪因為公園運動場泳池都喺青衣站隔離囉。
同埋青衣站周邊啲行人通道其實冇咁straight forward，唔知點解要係咁左轉右轉，依點其他新市鎮唔會咁明顯。

東涌線冇錯日間非繁同繁時班次OK，但一到夜晚9點半後，青衣站班次係有康城feel，8-10分鐘一班。
港島（九龍）返青衣仲要喺香港（荔景）呆等8-10分鐘，入到青衣出到閘仲要行多幾個字／轉248M/249M先返到屋企？
咪玩啦，一程車過到屋企樓下唔好咩。

有班人唔知點解要過度偏幫 45，根本整體客量 45 必然差過 41 （241X)，因為荔景出唔到幾多客

明明 45 靠何文田來往深長荔養住，又唔建議開一條何文田來往美孚既市區線，又可以接受到美孚麗瑤之間運凳