九巴11X減班

九巴服務,日日減班

tommy14D 發表於 2024-4-2 19:57
麗港城，商貿區唔做？

一頭問號
開左屯馬, 仲要做單邊, 仲要唔算就腳既成業街, 然後問我唔做麗港城?
首先有69 69A (69 的確好疏) 做到Mikiki到傲雲峰一帶, 然後東行山谷道有村巴219X
11X 所謂做麗港城, 淨低既空白位有黃埔海皮同屯馬沿線既上路, 我唔認為呢個係11X主打, 更何況仲要係單邊only

商貿區都有趣既, 都係果句啦, 個站單向既, 按照常理, 啫係你意指佢早繁有人用, 咁你唔可以話你錯既, 但佢個站又完全唔係近碼頭, 又唔係近偉業街, even 開源道都唔算好接近
呢個站做到既「商貿區」都係法院一帶, 或者咁講, 停番1A觀市個站位最多都係近法院果幾座工業大廈行多左, 對開源一帶理應冇遠到, 觀碼就基本上點都係行一餐

同埋為左單向既麗港同商貿區, 要響個出口塞一輪落橋, 仲要只係停到成業, 未計仲有上番安泰達班流水, 九巴拉長11X果刻已經係擺明想長線短用 (我支唔支持一件事, 佢的確係想咁)
咁擺觀市都much better 擺成業街啦

仲有, 商貿區一詞, 11X西行既「創紀之城」同「APM 5期」同樣都係商貿區, 咁又點解淨係做西行, 東行個站就擺到老蓮咁遠荒死你行到過去咁呢, 定東行既商貿區響成業街, 西行既商貿區就搬左去創紀, 我唔知亦理解不能
走線唔對稱可以賴啟德出入口問題, 但硬爆上觀繞真係不再合時, 睇下下繁既11X 行車時間應該有答案

GZ4031 發表於 2024-4-3 00:34
一頭問號
開左屯馬, 仲要做單邊, 仲要唔算就腳既成業街, 然後問我唔做麗港城?
首先有69 69A (69 的確好疏 ...

咁又唔可以睇少成業街個站個重要性
唔太清楚上午情況係點，但係小弟由黃埔同土瓜灣上路 (通常都係下午打後嘅時間) 去麗港城都係優先會揀搭11X，而成業街上落嘅乘客每班車平均都有10個左右，比例上唔係少

而69A (唔好提69，呢條線除咗早繁之外係有線無車狀態) 晚繁喺九龍城打後好多時都會坐滿飛站，11X嘅救命作用不容忽視

GZ4031 發表於 2024-4-2 19:27
呢條真係好垃圾, 總站玩下手搭lift 落去上26都仲快過佢
山上碌落觀塘耐就係人都知
東行到今日都仲係上一上 ...

11X東行最好跟15X走線停站直到觀塘市中心，
協和街跟13D上山。
成業街站位去秀茂坪有93A，
去安泰行去觀塘警署搭213M都好近。

一係就要叫15X跟E22行，咁11X就可以行觀塘道

GZ4031 發表於 2024-4-2 19:27
呢條真係好垃圾, 總站玩下手搭lift 落去上26都仲快過佢
山上碌落觀塘耐就係人都知
東行到今日都仲係上一上 ...

咁其實拉上去安達都係立心不良, 收市區特快價做流水.
但開線果陣係觀繞係好順, 而11X 只係由5K+13A變13K 再改特快出黎.

Mercer 發表於 2024-4-3 18:08
咁其實拉上去安達都係立心不良, 收市區特快價做流水.
但開線果陣係觀繞係好順, 而11X 只係由5K+13A變13K  ...

係佢哋上面要求有一條去觀塘同土瓜灣嘅車，唔通拉11C倒自己214啲客

mattwong09 發表於 2024-4-3 10:25
咁又唔可以睇少成業街個站個重要性
唔太清楚上午情況係點，但係小弟由黃埔同土瓜灣上路 (通常都係下午打 ...

我既立場係, 如果成業街係咁有重要性, 咁點解11X 落山西行唔直接左轉觀塘游泳池然後右轉容鳳同麗港公園, 上觀繞走呢?
反正西行九展出口塞既機會低過東行麗港出口唔少
咁答案大家都清楚
1. 安達泰落山客, 九巴擺明就係用11X做, 停5期同創紀站位非常靚
2. 九巴好清楚觀塘道兩站係11X食糊關鍵, 兩站加埋閒閒地都上2-30人起跳, 同地鐵直接打都仲好有競爭力, 特別係西行專做下路
3. 容鳳同麗港站位相對好差, 點做都99% 唔會做得番咁既客流, 重心一定係響5期同創紀

我只係apply 同一個思維響東行, 成業街唔見得站位靚好多, 叫做勉強合格咁解, 對麗港城都不過係有車就上, 冇車就鐵既選項
更何況, 如果咁強調麗港既需要, 咁西行呢? 11X 如果停麗港公園果帶咪行得仲少? 難道麗港城西行冇需求咩? 定係啟隧轉車站咁有用, 但219X 轉11X 非繁要夾班次真係咁易?

再貪心少少咁講, 其實如果11X東行唔再上繞道, 恐怕15X 都差唔多cut得, 係差個家維邨同藍田山會反抬, 不過係題外話
以現行既路網, 好難去justify 點解11X仲上緊繞道, 唔少版友做過實測, 印象中見過人寫16 vs 11X mikiki一齊起步, 響觀塘站一帶撞番既故事
為左一個不明所以既「成業街特快」去一直避開做APM 一帶特快, 本身東行路網已經唔夠西行靚仲要走去打爛牌
如果有心進取, 根本連亞皆老街球場同富東都唔使停, 直飛mikiki 再飛去牛頭角都仲得, 反正有寫不盡既alternatives

不過現實少少去討論, 九巴呢家擺明居馬就懶理紅土點死, 總之唔達標就cut 班, 再唔達標就cut 線, 我同你同其他人點樣睇成業街? 其實誰對誰錯都唔係咁重要

Mercer 發表於 2024-4-3 18:08
咁其實拉上去安達都係立心不良, 收市區特快價做流水.
但開線果陣係觀繞係好順, 而11X 只係由5K+13A變13K  ...

完全認同你講既一開始觀繞好順, 都咁多年巴迷, 唔會唔清楚11X 十幾廿年黎路網既不同
所以如果個討論響十年前有多既話, 我諗我都支持11X 繼續咁行

但你都知呢家咩環境, 除非成業街真係多客到咁, 而我外區人睇唔透呢點啦 (我的確少搭11X), 又, 呢班客觀市1A站不能成為alternative (如:麗港城客), 咁先會係有效既論點
何況你都講「立心不良」, 停觀市更合符九公想執客上安達泰呢個大方向, 點計都一定就腳過成業街先, 呢點近乎不應有爭議

其實可唔可以回程11x 同15x 對掉走線？講真回程既11x 真係好慢，特別觀繞落橋位m