建議重建港澳碼頭巴總為多層交通樞紐，並縮短西隧路線

為減少港島核心商業區的汽車流量，以紓緩交通擠塞並改善空氣質素，建議：

1. 拆卸中區警署（但保留中區警區總部），並重置於港澳碼頭巴士停車場；同時改建中山紀念公園人造草地足球場為臨時巴士總站，待日後港澳碼頭總站重建項目完成後還原為體育設施。

2. (a)港澳碼頭總站、(b)原中區警署及(c)中西區海濱長廊－上環段 三塊地皮聯合重建成為大型多式聯運交通樞紐，具體設計包括：

• 多層鋸齒形巴士總站，每層均設有空調候車室及自動門設計月台，供巴士停泊及乘客等候；
• 設有智能分配系統的大型高速升降機，能有效率地集中前往相同樓層的乘客往同一部升降機，減少上落時間；
• 地庫設置行人隧道連接港鐵上環站；
• 於巴士總站上蓋發展地標式商業大廈，提供辦公、酒店及零售樓面。
  

3. 縮短905、914、930、930X、934、936、948、952、960、961、962X、967、968、969及978至重建後的港澳碼頭總站，並增設轉乘優惠：

• 由該等西隧路線轉乘港鐵往中環、香港、金鐘、灣仔、會展、銅鑼灣或天后站，或由此等車站搭港鐵至上環站轉乘西隧路線，港鐵車程免費；
• 由該等西隧路線轉乘任何以中環至天后為總站的巴士路線（城巴機場快線及九巴星級尊線除外），第二程車免費；
• 於中環至天后乘搭任何巴士路線（城巴機場快線及九巴星級尊線除外）前往港澳碼頭總站轉乘西隧路線，第一程車免費。
  

4. 改善各款巴士到站時間手機應用程式，配合西隧路線由港澳碼頭開出的時間及港鐵預計乘車時間，方便乘客估計若需轉乘若干西隧路線，最遲須於何時乘搭港鐵往上環。

空氣污染嘅元兇從來唔係巴士而係私家車，反而你話起多層停車場，強制所有入中環嘅私家車都要經西面入停喺個停車場，要啲人Park & Ride仲能夠減少污染；不過有冇可能成功執行就自己諗

Fuk19805 發表於 2024-4-9 22:55
空氣污染嘅元兇從來唔係巴士而係私家車，反而你話起多層停車場，強制所有入中環嘅私家車都要經西面入停喺個 ...

再簡單啲，學倫敦/新加坡整congestion charge 每架車入中環收$150，已經大幅改善環境

不過我又覺得條條線入到城都要轆晒成個旺區，唔係最有效率嘅做法

757 發表於 2024-4-9 23:17
再簡單啲，學倫敦/新加坡整congestion charge 每架車入中環收$150，已經大幅改善環境

不過我又覺得條條 ...

唔想啲線喺旺區慢碌，係應該要冧辦法好似962G咁提速，而唔係斬走哂所有線，咁樣係斬腳趾避沙蟲。

先不論免費轉乘嘅鐵/黃巴折扣由邊個埋單，朝早每分鐘三四架巴士一齊落客，上環站/巴士站真係頂到？另外，你斬短左呢堆線之後，本身已經唔係得翻好多線由西面入天后方向，又有堆線唔搭得 (東行968唔轉行 111，因為佢總站過左天后，但係西行總站係港澳所以又轉得)，即係乘客要學多堆線之餘，啲西區出嚟嘅本土線又要加密專做呢班冇錢賺嘅客，咁點解唔落哂地底算？

話明旺區，多人用公共交通工具出入係常識下話？將大批金蛋線嘅客倉斬走，巴士公司有咩誘因，乘客有咩得著？假以時日，係咪大西北M線唔可以過荃灣站，X線唔過得美孚，新界觀塘線唔過得彩虹，大家翻翻去八十年代嗰種保鐵？

中環道路徵費講左十幾年，依家政府財赤，且睇有冇啲唔怕被圍剿嘅政客出聲支持。

757 發表於 2024-4-9 23:17
再簡單啲，學倫敦/新加坡整congestion charge 每架車入中環收$150，已經大幅改善環境

不過我又覺得條條 ...

係就整ULEZ 啦
叫巴士公司用哂電車氫巴解唔解決到？

咁其他商用車同私家車都要電？


剩攪西隧唔攪東隧紅隧香隧？

北岸空氣問題，又唔見話要拆樓改善通風廊？


份野唔該垃圾筒見

先唔講轉車問題
洗咁大筆錢揼落去整個巴士站，仲要係為咗麻煩市民先整

垃圾會都唔會90 0 0 啦