clivetock 發表於 2024-4-17 00:22
來回港幣$25K左右，訂票嗰陣睇過相若價錢可以坐到 AC/CI/BR 嘅 PEY，咁我梗係揀搭 J，反正又唔係一定要搭  ...

淡季 Y 賣 9000-12000，呢個時勢已經唔算貴

食唔到辣就真係要量力而為，始終機上面胃唔舒服，會比起地面上辛苦唔少。當然佢地個八爪魚辣炒豬肉有幾辣就真係唔知，但呢道韓國菜唔似 bibimbap，唔係幾乎所有 KE 航班都可以見到。其實一般飛機餐因為唔係個個人可以食辣，都唔會整到好辣；但我咁耐以來食過最辣既飛機餐竟然係舊年 UA BRU-IAD 個青咖喱飯，一時大意咬中左佢條辣椒，講緊係歐洲飛美國都可以整到咁辣

師兄你觀察同我網上見到評論差唔多，KE 膳食同服務態度超班，但 premium touch 差少少，hard product 都有改進空間。可惜今次你 ICN 轉機時間太短無得入 lounge，十年前佢地仲用緊 ICN T1 果陣我入過一次（當年我一年飛一轉來往北美同香港，飛夠幾年就已經 qualify 最底層 Morning Calm，有效期兩年，會畀四次 lounge access，但之後要 requalify 就勁難，2017 年之後已經無坐過 KE），質素認真麻麻，無論 lounge 本身定係食物水準都係，甚至仲差過佢地當年喺 LAX TBIT 個新 lounge，係唔知而家搬左去 T2 後有無進步，我好期待見到用家報告

S3BL100 發表於 2024-4-16 23:41
我有少少好奇樓主今次張商務艙機票買左幾多錢，對比經濟艙又貴左幾多

ICN-YVR 兩餐都揀西餐，想知味道如 ...

來回港幣$25K左右，訂票嗰陣睇過相若價錢可以坐到 AC/CI/BR 嘅 PEY，咁我梗係揀搭 J，反正又唔係一定要搭 AC 直航
我搭嗰陣算係淡季，訂票嗰陣都睇過各大航空公司 Y 位，除咗 JL 之外間間都係港幣$9000－$12000呢個 range 咁上下；不過一到旺季就貴得好犀利，識人訂咗飛下個禮拜過去，搭 AC Y 位都要萬七

因為我唔食辣，變咗韓式嘢食唔係樣樣都可以揀，好似晚餐個八爪魚辣炒豬肉咁我就食唔到；早餐我又唔想連續三餐食牛肉所以揀咗蛋餅
味道方面，牛扒係 OK 嘅，雖然一係 medium 一係全熟，但我叫全熟都唔會太老或者太韌，牛味係夠同時亦都唔會太騷；蛋餅就差少少，成碟餐連埋啲配菜味道略嫌淡咗啲

一分錢一分貨，KE 舊款 J 位的確同依家個時代有啲距離，但就算新款 J 位（回程兩程機都係新款位，遲下會 post flight report），感覺 KE J class 個軟硬件都係比其他 premium carrier 差一截，睇返呢版其他 CX J class 嘅 flight report 就好明顯睇得出個分別喺邊
當然最基本 flat bed、priority baggage、lounge access、一坐低就幫你落單掛大褸等等呢啲有做足晒，但就係少咗份 so called premium touch up，例如話 CX 會有被鋪提供而 KE 同 Y class 一樣只得毛氈同枕頭，又例如 CX 會有自己 formula 調製飲品而 KE 只會提供現成飲品，或者 KE 啲空姐比較少航程中段非派餐時段主動問有咩需要，我想要小食或者飲品就要自己行過去 galley 問諸如此類

nevertheless，整體上我絕對係覺得滿意

我有少少好奇樓主今次張商務艙機票買左幾多錢，對比經濟艙又貴左幾多

ICN-YVR 兩餐都揀西餐，想知味道如何？如果換著我，ICN-YVR 兩餐都好可能會揀韓國菜。睇返 menu，晚餐除左 bibimbap 之外仲有另一個韓式料理選擇

KE Y 好過唔少其他航空公司但 J 就硬件有少少追唔上時代，新機就唔錯但好似樓主坐呢隻 10+ 年機齡 77W 就一直無翻新過，可能因為咁所以之前有一段長時間一直都無五星評級

最近同樣有機會飛加拿大, 見到KE 有一個相宜嘅價錢搭到商務艙就決定搭佢
不過搭完唔難發現點解會比較相宜