九巴 274P 總站飛站 候車乘客大表不滿

2024 年 5 月 4 日早上，我預早在烏溪沙站巴士總站（新的上客位置，如通告所示）等候九巴 274P 往大埔的頭班車，豈料至 07:15，頭班車駛過巴士站也沒有埋站上客，其他乘客見狀，馬上衝向馬路方向打算截停巴士，但巴士司機沒有理會，繼續駛向總站出口離開。其他乘客對巴士飛站大表不滿，即場向站長投訴，但站長無奈表示巴士已開走，他也沒有辦法。

來往馬鞍山與大埔巴士全日服務的訴求多年來不絕，惟進展緩慢，而載客率對路線擴充服務亦十分關鍵，如此飛站情況有如趕客。虧待大埔至馬鞍山的乘客其實也不是新鮮事，早於 2019 年 11 月 21 日 18:05，九巴臨時路線 274S 駛經廣福邨時也曾飛站，我就事件向九巴投訴，九巴回覆指已就事件進行調查，事後與有關車長進行檢討及適當督導，並記錄於其人事檔案內。

飛站似乎是司機對站位安排不清楚所致，究竟是個別司機無心之失，抑或是公司指令未能有效下達？對於站位轉變，看來是小改動，但實際是 Service Critical Instruction，巴士公司幾年來又有否認真管理過，改善過流程？今次失誤，失去的不止是乘客的額外十五分鐘候車時間，更可能是烏溪沙至大埔轉投其他服務的乘客，甚至是馬鞍山至大埔巴士全日服務的機會！

4個從而論
最後應該係呢件事導致九巴執笠

啲客截住架車架車長仲照走係乜嘢事， 同埋站長唔係應該叫返架車返嚟咩

tommy14D 發表於 2024-5-4 10:39
啲客截住架車架車長仲照走係乜嘢事， 同埋站長唔係應該叫返架車返嚟咩

當個司機一心以為唔係停呢度 又真係點截都冇用 除非迫到佢剎車停低   
係咁嫁喇


有啲司機成日唔睇通告 仲要100%自信

又應該問 原站位又有冇客上車 去間接”助力”令司機覺得自己個上車位岩？

呢啲 case 一定係 port 到佢_街，但個制度都有問題，訓練部係有責任。

呢個時候嗰啲日日鬧鹹魚嘅車長 kol 就冇聲出

現在車長飛站被投訴是沒有後果的, 就算1823投訴也只會有copy & paste 式回覆.

我覺得呢種搭其它巴士路線就會損失好多時間嘅情況，乘客可以向巴士公司claim翻的士錢

樓主嘅想像能力真係好，
一件屬於司機責任嘅飛站事件，
可以吹到「失去馬鞍山至大埔巴士線全日嘅機會」。

佩服。

neoplan720p 發表於 2024-5-4 13:26
樓主嘅想像能力真係好，
一件屬於司機責任嘅飛站事件，
可以吹到「失去馬鞍山至大埔巴士線全日嘅機會」。

鬼叫有啲版友之前聲稱運吉因為某巴士公司脫班而喺招標嗰陣「懲罰」間公司咩

wolf8P 發表於 2024-5-4 11:57
現在車長飛站被投訴是沒有後果的, 就算1823投訴也只會有copy & paste 式回覆.

再唔係報東張+，等媒體俾与論壓力俾九巴知（等城巴開574競爭都好）