建議城巴2號改為港澳碼頭往返永興街循環線，2A延長愛秩...

建議城巴2號改為港澳碼頭往返永興街循環線，2A延長愛秩序灣

為了改善城巴路線網絡效率，建議作出下列改動：

1. 路線2A從耀東經筲箕灣總站延長至嘉亨灣，取代2號於東區段的服務(西行平日06:00-13:06,星期六06:12-14:53,假日09:40-19:10，東行平日10:20-17:35,星期六08:50-17:00,假日12:05-20:15隔班保持原有總站)
- 嘉亨灣至愛蝶灣一段居民改乘延長後的2A將會導致乘車時間延長約3-5分鐘，但候車時間將大幅縮低，導致平均行程時間可以縮短
- 預計所需車輛數目比維持路線2號東區路線段營運要少，因此這改動建議有助合理化巴士資源使用
- 嘉亨灣至愛蝶灣一段往返筲箕灣道一帶可改乘2X
- 東區沿線乘客往返大坑可改乘81，往返中西區可改乘720/722/18/23/25/619

2. 建議路線2號改為2F，從港澳碼頭開出後，經海港政府大樓巴士站、民祥街國際金融中心商場巴士站、龍和道巴士站、港灣道會展巴士站、港灣道灣仔訓練池巴士站、灣仔碼頭巴士站、銅鑼灣避風塘巴士站、永興街巴士站、皇仁書院巴士站，及後返回原線經大坑、內告士打道、德輔道中前往港澳碼頭，班次固定為全日每30分鐘一班
- 此建議目的為簡化走線以減少此路線所需車輛的同時，維持港澳碼頭、灣仔北一帶前往維園等一帶的服務，以及方便大坑居民前往上環
- 除重組後的路線外，港澳碼頭亦另可改乘4X/978往中環碼頭，改乘962/969/930/930X往中西區/灣仔區，改乘18/18X往東區
- 中環碼頭區亦另可改乘11/12/722往中西區/灣仔區，25/722往返東區，及以轉乘往其餘各地
- 金鐘往灣仔北，及金鐘/灣仔北往銅鑼灣，亦另可改乘930
- 金鐘可改乘25/A11/720/722往東區
- 灣仔北可改乘18/720/722往東區
- 建議可在灣仔碼頭巴士站及永興街巴士站設置此線與路線2A及2X的轉乘優惠，從而方便乘客於路線修改後仍能往返沿線各地

又一個做瓜2號建議

要坐 2A 去嘉亨灣早就晌太康街行入去，其餘 77 已覆蓋，梗本唔係夾硬拉去，另外 2 號玩乜嘢大循環，宜家行線沒有問題。

2號一改走線，只係自尋死路

首先2A去嘉亨灣無作用，多餘，唔會有人想兜耀東去愛東，所謂延長約3-5分鐘係假，淨係天悅支燈都至少1~2分鐘，2號直去已經到左西灣河。
嘉亨灣至愛蝶灣改乘2X往筲箕灣道等於變相加價。
合理化巴士資源使用？合理既定義何在？少就一定係合理邊個講架？
720/722/18/23/25/619任何一條都貴過2，點解要迫人坐貴車？北角有齊10,18,18X會唔會迫人坐18X？
2號收編號無意思，你究竟明唔明2號客源係邊？
中碼、入境處去皇室堡，你改行港灣道、避風塘已經趕走哂D客，仲有中碼去炮北，25/722係去唔到！
你叫人金鐘/灣仔北往銅鑼灣改乘930等於變相加價。

總結，你完全唔明2號客源就應該避忌下，2A自身搞唔掂就正正需要2幫一幫尤其西行，唔係度度好似北角咁多選擇，北角以東至康怡去老銅只有2,2A同有緣班次8H，
同時東行做緊中碼、入境處去皇室堡、炮北，你就改走哂重點位，又無埋東行流水，所謂改坐其他就變相加價，維持現狀大勝呢個擾民致極既建議！

106116_1023 發表於 2024-5-18 20:50
首先2A去嘉亨灣無作用，多餘，唔會有人想兜耀東去愛東，所謂延長約3-5分鐘係假，淨係天悅支燈都至少1~2分鐘 ...

2東區嗰段流水就算啦，成日跟住2A尾載空，雖然條線某種意義上都係執呢啲餅碎維生，但其實呢班客係最易走，其他線一有車就會上其他

至於北角以東至康怡去銅鑼灣，可以肯定嘅係班客根本都唔多考慮2，絕大多數人嘅選擇都會係電車/2A/MTR，2行嗰段海皮根本都唔多客(其實班班車過咗砲台山站之後都係得1,20人，好啲嘅話就會有30人)，係唔知點解大家成日以為停怡東等於做到銅鑼灣，東區客係慣咗喺電車路上落車。

不過有樣嘢我都同意，唔做中環碼頭同入境處嘅2真係摺埋好過。如果真係要推人上720/722，只要嗰兩條線唔收車，2繼續30分鐘一班，班客自然會走

bryan_KW1792 發表於 2024-5-18 22:04
2東區嗰段流水就算啦，成日跟住2A尾載空，雖然條線某種意義上都係執呢啲餅碎維生，但其實呢班客係最易走 ...

今時今日唔執笠就30分架唔係話開30分架無作為就要執左佢

不如諗下如果18之後再減班
2食18好過留條兩頭唔到岸既18

kay 發表於 2024-5-18 22:09
今時今日唔執笠就30分架唔係話開30分架無作為就要執左佢

不如諗下如果18之後再減班

北炮角度應該寧願有得東行電車路上18 instead of行出海皮上2，依家18每班車係中上環電車路上嘅客絕對多過2號一班喺中環碼頭上嘅客。西行就更加，18而家近乎係的士走線去中環，港灣道係consistently有客，睇唔到理由點解唔留18，反正有81/619補位，再加埋西區應該冇咁易放手

bryan_KW1792 發表於 2024-5-18 22:04
2東區嗰段流水就算啦，成日跟住2A尾載空，雖然條線某種意義上都係執呢啲餅碎維生，但其實呢班客係最易走 ...

雖然話東行選擇多，但我每次非繁見到2號客量都算唔差，就係因為東行客見車就上同本身2A 77好滿先令2唔差。
北東去銅鑼灣電車就難講，2即使唔係首選但都算次選擇同幫手做西行電車路流水。炮台山站後仲有大坑，每次到內告幾乎站站有客落，但係咪大坑客就唔知。
720 722去唔到皇室堡同炮北，根本同2無關，各有各做。

bryan_KW1792 發表於 2024-5-18 22:28
北炮角度應該寧願有得東行電車路上18 instead of行出海皮上2，依家18每班車係中上環電車路上嘅客絕對多過 ...

18非繁都有唔少路段客量差
係掂就唔會同2一樣
星期六假期非繁15斬到20
入境處基本因素改變左
條線唔會好似以前多客

所以係一個兩難問題
2同18唔係完全一樣但相似
一條做晒一定密過分開做
但無呢個條件
一係夾硬黎