九龍城區議會交委會討論文件+民建聯要求恢復A20更多班次

1181174166 發表於 2024-5-26 23:47
寧願要東涌西攬炒都唔肯要任何改動->E21B/D已經做咗

單一條巴士線根本就承受唔到->城巴唔肯，手上又無資 ...

所以你唔知有人係癲到喺區議會提出要維持E21A全日，然後將E21D丟俾逸東，只不過E21D係由機場島出發，而由機場島起訖的E線，運輸署係完全禁止入東涌西的。E21A的出現的其中一個原因，就係要阻止E21入東涌西之餘，而又要令東涌西有車出市區。其實自逸東入伙，已經希望有E車可以入松仁路兜個圈再出返去，運輸署就一直將所有相關的提案否決。某程度上E11A同E23A呢兩條線，可以話係怪物嚟。

又講返，其實城巴唔係無加車，加的係E21/D，由原本的11架加多兩架至13架。

BD斬法本身其實已經透過之前的特別班次去做試驗，而結果係正面，先會令城巴同區議會願意實行呢個斬法。城巴之後喺區議會提過兩邊的客量其實都有增加，故此全日化係遲早的事。真係要怨的，就只能怨點解龍運做咗場全區都拍爛手掌的好戲，攪到城巴要跟機。

再補充，E21A兜市中心完全係同上何文田同步同一日實行，而當時E21A已經食緊區內短途，東涌西唔係無嘈過，但因為無任何替代方案而被逼硬食兜市中心。

thorchan 發表於 2024-5-27 00:31
所以你唔知有人係癲到喺區議會提出要維持E21A全日，然後將E21D丟俾逸東，只不過E21D係由機場島出發，而由 ...

事實上E21D入逸東效果比入東涌北好，甚至做到逸東直出公路
你唔滿意E21A入東涌北，E21D喺咪又係喺機場島轉咗幾個圈，再入東涌北仲耐過E21A

兩架車，結果E21B半日囉
E21D全日咁兜法都唔會過到

E32A係本身E32爆焗拆出嚟
你拎E21/A/B/D叫城巴再拆就睬你都傻
E31同E21A/B班次都有分別啦

但係因為何文田而成「最大問題」嘅市中心，你又肯兜嘅?
咁究竟市中心大問題啲定東涌北大問題啲?

你講到運輸署「咁現實」，城巴唔肯二拆三呢個現實你又理唔理?

thorchan 發表於 2024-5-27 00:38
再補充，E21A兜市中心完全係同上何文田同步同一日實行，而當時E21A已經食緊區內短途，東涌西唔係無嘈過，但 ...

替代方案咪依家行緊，最多當時諗唔到啫
不過唔係二拆三E21B都係唔會全日

1181174166 發表於 2024-5-27 00:46
事實上E21D入逸東效果比入東涌北好
你唔滿意E21A入東涌北，E21D喺咪又係喺機場島轉咗幾個圈，再入東涌北仲 ...

若果E21D入到東涌西，東涌西早就一天都光哂啦，因為咁樣意味住所有機場島E線可以入東涌西，而唔會出現E21A、E11A、E23A、E34P/X（即係依家的E36A）同E42P呢幾隻怪物。但現實係運輸署一直都唔俾咁做，提過的方案一律Ban死。事實上E21D入東涌西的提案運輸署都係一個字：Ban。相反地，運輸署認為機場島E應該要兜東涌北，所以咪有E32的提案，當然，隨後的事就係因為葵青反對而衍生出E32A出嚟。

1181174166 發表於 2024-5-27 00:49
替代方案咪依家行緊，最多當時諗唔到啫
不過唔係二拆三E21B都係唔會全日
...

唔係當時諗唔到，而係E21A已經係唯一的替代方案。最初的版本係俾E21上山，等何文田有車直接去機場，問題係呢個方案直接影響到價錢牌而媽聲四起。

thorchan 發表於 2024-5-27 01:07
若果E21D入到東涌西，東涌西早就一天都光哂啦，因為咁樣意味住所有機場島E線可以入東涌西，而唔會出現E21 ...

所以E21系問題唔在於何文田，而係地域上要拆線
但係客量又唔太夠拆

thorchan 發表於 2024-5-27 01:12
唔係當時諗唔到，而係E21A已經係唯一的替代方案。最初的版本係俾E21上山，等何文田有車直接去機場，問題 ...

又去返E21B，E21A係唯一就唔會爆出嚟
問題係E21D唔可能全日咁兜

1181174166 發表於 2024-5-27 01:21
又去返E21B，E21A係唯一就唔會爆出嚟
問題係E21D唔可能全日咁兜

E21B同E21D其實起源於之前為試驗而編配的特班：

前者係0725由滿東開出，不停東涌北的E21A特別班次；

後者就係0715由機場博覽館開出，不停市中心而改經東涌北的特別班次。

試驗過後因為效果良好，於是就將兩個特班升級為半全日路線，而且做埋回程。升級後城巴亦都有向區議會報告，兩邊客量都有增長，資源許可的情況下會將兩線全日化。

thorchan 發表於 2024-5-27 02:06
E21B同E21D其實起源於之前為試驗而編配的特班：

前者係0725由滿東開出，不停東涌北的E21A特別班次；

結果到現時都係半日
E21D全日只係將問題畀咗後勤區，成個鐘都出唔到去