城巴即時起停購柴油巴士 預計以 7:3 比例購入氫巴及電巴

s3n370 發表於 2024-7-16 16:22
車隊唔係一夜轉哂EV，理論上電力基建係可以追得到。
純以減碳計，的確係要高比例純電，所以入咁高比例嘅氫 ...

電力嘅供應唔係巴士公司可以單方面做到，其他燃料嘅自主性會大DD

同意高比例純電，喺今時今日既環境係最make sense
燃料自主性本身都唔係好大既limitation
本地電動巴士呢個vision，推得最大力既係中電
應該唔會無support

純電唯一唔好處，係如果中間要叉電，時間有機會比入油/氫耐
但老實講，香港宜家缺人多過缺車，繁時非繁班次又咁懸殊
話啲車無時間叉電，又似乎略嫌牽強
電車既好處，係理論上可以upgrade巴士總站既設施去叉電，連返廠補油個step都skip埋
掉返轉你無理由喺巴士總站擺放大量危險品去加氫

至於你話廚餘biofuel，無話唔得
不過係咪真係可以大規模搞應付需求？要再研究

講到最後都係要政府解釋清楚，佢打算點樣net zero
今時今日好多望落天馬行空既嘢，都開始落地
人哋星加坡，打算直接用長距離DC海底電纜，從澳洲攞太陽能
香港究竟打算點？如果最後係走去用綠色氫氣發電既，咁可能城巴呢套又掉轉頭make sense

castanopsis 發表於 2024-7-16 12:11
同意高比例純電，喺今時今日既環境係最make sense
燃料自主性本身都唔係好大既limitation
本地電動巴士呢 ...

欠人收車架車實擺响廠，欠得人收得車，都唔會有時間中段換架叉滿電嘅車。
反正巴總响夜晚都會拎黎泊車，正路會响巴總度叉電。
日間唔夠電要叉，正路都係靠總站嘅充電設施。

今日咁多替代，似乎仲試緊邊種制式好。
個人睇好行車期間充電，不論係舊有Trolley Bus咁整架空電纜，
定係沿路整無線叉電（應該仲係試驗緊？），咁做舊電細D架車可以輕番D/載多D客。

至於bio diesel定廚餘廠，做到幾大點都唔夠全部用架啦。況且香港乜都要輸入架啦。
之不過間廚餘廠咁啱線响巴士車廠附近，生產完就近幫巴士入油/氣，連運輸都慳番。

castanopsis 發表於 2024-7-16 20:11
同意高比例純電，喺今時今日既環境係最make sense
燃料自主性本身都唔係好大既limitation
本地電動巴士呢 ...

電車的確理論上可以每個巴總每條坑都加叉電設施俾架車叉電，而且又無話⼀定要叉滿，叉夠行到⼀單已經夠。
氫車入氣快既好處就只有靈活性，唔夠氣都唔使等好耐就入滿，叉電就算只係叉夠行到對面總站快極都要十幾分鐘。

TR1614 發表於 2024-7-16 11:58
氨-氫轉換，應該又有一部分能量損失。氫能轉換效率本身已經唔係高，應該唔會好抵玩。 ...

氨氣轉氫氣系吸熱反應來的不過氨氣轉氫氣再氫氣轉電要二次轉換效率肯定低

Man@MFHK 發表於 2024-7-16 21:21
電車的確理論上可以每個巴總每條坑都加叉電設施俾架車叉電，而且又無話⼀定要叉滿，叉夠行到⼀單已經夠。 ...

即刻諗起 前幾日喺香港站巴總見到架1581喺站頭充電
其實九公有無考慮學上面嘅case咁，喺部份站頭立充電樁俾電巴快速充個電咁？
唔一定要吓吓每一條坑都裝柱嘅，始終成本呢家嘢都要計。

08x200-201 發表於 2024-7-16 21:32
氨氣轉氫氣系吸熱反應來的不過氨氣轉氫氣再氫氣轉電要二次轉換效率肯定低

...

效率咁低，俾正巴士公司都唔會考慮啦
日後若然要大規模搞氫巴、氫能車概念，至少要一個轉換效率高，又能夠低成本、節約空間嘅方法吧？

Man@MFHK 發表於 2024-7-16 21:21
電車的確理論上可以每個巴總每條坑都加叉電設施俾架車叉電，而且又無話⼀定要叉滿，叉夠行到⼀單已經夠。 ...

過夜叉電
然後每單既休息時間/食飯時間補一補
應該可以喺唔影響更表之下，夠行一日

不過站頭要裝設備充電，成本可能會大過車廠加氫站係真

s3n370 發表於 2024-7-16 20:55
欠人收車架車實擺响廠，欠得人收得車，都唔會有時間中段換架叉滿電嘅車。
反正巴總响夜晚都會拎黎泊車， ...

講緊車既utilisation
城巴以前跳飛機套制度，好注重 人停 車唔停
但如果長期都缺人，車又充裕
可能車中間停一陣充電都未必太大影響？

個人睇好行車期間充電，不論係舊有Trolley Bus咁整架空電纜， 定係沿路整無線叉電（應該仲係試驗緊？），咁做舊電細D架車可以輕番D/載多D客。

有留意瑞典有試charging highway
咁香港路面巴士密度，確實係世界之冠咁滯
但直覺覺得要沿路叉電，無論係用電弓定無線，成本都會高
特別係香港市區密集，地底好多嘢
公路段整，又要整到好長先確保架車有足夠時間充電
既然本身架車會停總站，塊地又已經allocate俾巴士公司玩
總站搞叉電，好似會簡單啲，but I may be wrong

castanopsis 發表於 2024-7-21 22:37
講緊車既utilisation
城巴以前跳飛機套制度，好注重 人停 車唔停
但如果長期都缺人，車又充裕

如果架車本身擺總站就可以。但係假若一開始係擺廠，都要有人揸架車去站頭。

至於制式問題，如果架車可以一路行一路充電，咁總站整番同樣嘅設施，都一樣充到電。
甚至破格地諗，電車公司同巴士公司合作，upgrade港島嘅架空電網可以俾電巴同時充電。

甚至北港島線前景成疑時，引入現代化輕鐵都唔係無得諗。

s3n370 發表於 2024-7-16 20:55
欠人收車架車實擺响廠，欠得人收得車，都唔會有時間中段換架叉滿電嘅車。
反正巴總响夜晚都會拎黎泊車， ...

當的士都可以無人駕駛，引迸国家嘅先迸技術都唔出奇。將來巴士司機可能都只係睇錢箱，未計會唔會請專才揸車。