九巴為所有奧運港隊健兒送贈一年免費搭九巴龍運及巴士...

https://www.kmb.hk/news_detail.html?id=957&year=2024

九龍巴士（一九三三）有限公司（「九巴」）宣布，將向所有出戰2024年巴黎奧運會的中國香港代表團（「代表團」）成員送贈一年免費乘搭九巴和龍運巴士，以及向港隊運動員送贈巴士命名權。九巴稍後亦會推出以「支持港隊」為設計主題的巴士，穿梭大街小巷，與港人齊撐港隊，大聲說出「Proud of You！」。

巴黎奧運即將開幕，九巴與所有香港市民一樣，熱切期待一眾港隊運動員在各項比賽上的精彩表現。為對港隊表達鼓勵和支持，九巴向所有代表團成員包括出戰比賽的健兒、教練和醫療團隊等，送贈一年免費乘搭九巴和龍運巴士，以及向港隊運動員送贈巴士命名權。每位港隊運動員可為一輛九巴巴士命名，載有命名內容和信息的名牌將安裝於巴士車廂內。

中國香港體育協會暨奧林匹克委員會副會長兼代表團團長施文信博士表示：「我們深深感受到社會各界對香港運動員的熱情和支持，期望各大企業與體育界有更緊密的聯繫及合作，為體育產業的持續發展注入能量，讓更多運動員受惠。」

此外，九巴將推出全新「支持港隊」主題巴士，與全港市民一齊支持奧運港隊健兒，九巴祝願各位港隊代表在巴黎奧運屢創佳績。

https://www.facebook.com/kmbhong ... N4hG9Fbez2wS41rACyl

【九巴仔🏅同大家齊撐香港運動員！】
今個禮拜就已經係巴黎奧運啦🏊🏻‍♀️！九巴仔已經默默地mark實哂啲賽程，準備好支持每一位香港運動員🥰！
台上一分鐘，台下十年功，每位運動員為咗參加奧運，除咗要專注訓練同練習之外，仲要放棄陪伴屋企人同朋友嘅時間🥹，所以大家唔好淨係Focus佢哋喺賽場上嘅光輝，其實佢哋嘅台下功夫絕對唔少㗎😙！
為咗支持巴黎奧運中國香港代表隊團，九巴將會請所有代表團嘅成員，包括出戰比賽嘅健兒，教練同醫療團隊等，免費搭一年九巴同龍運超過450條路線🤩！我哋仲會送贈巴士命名權畀各位港隊運動員親自為巴士命名✏️，記錄一眾港隊精英嘅卓越成就🥳！
另外，九巴亦將推出全新「支持港隊」主題巴士，同大家一齊為香港運動員打氣💪🏻！
#KMB #九巴 #九巴仔 #巴黎奧運 #香港運動員 #齊撐香港運動員 #港協暨奧委會 #SFOC

s20131417 發表於 2024-7-25 16:07
又抄之前東京奧運條橋⋯

咁巴士公司唔送票價優惠俾運動員可以送乜??
送巴士仔公仔或者巴士模型對運動員好唔實際


九巴咁多新巴士未出牌, 不如每人送一架全新未出牌巴士好唔好??

全民揸巴士(包考牌), 正呀!!!


咁第時運動員退役仲可以兼職巴士司機, 簡直一舉兩得!!!

或者每人送一手載通股份好唔好??

好橋有乜所謂抄？ 而且仲要係自己原創   呢度大把人都希望城巴抄九巴出月票添 （即使無乜人用）

rheneaschoi 發表於 2024-7-25 12:29
https://www.facebook.com/kmbhongkong/posts/pfbid02eGmpPQu3W9RAQRsm9FqmKrVGWKnZCbQuASXefHDjs1e9s4N4hG ...

命名的，系沒出牌的定系已經出左牌的

https://news.rthk.hk/rthk/ch/component/k2/1763508-20240728.htm

地鐵送終身免費乘車

話時話有無2020年東京奧運健兒的命名巴士的資料

lsc04d11 發表於 2024-7-26 08:04
好橋有乜所謂抄？ 而且仲要係自己原創   呢度大把人都希望城巴抄九巴出月票添 （即使無乜人用） ...

佢唔咁講又點走出黎呃ipower啊