城巴79開辦消息

m_rd08 發表於 2024-8-21 12:26
九公新站位:

是日路過，G7月台（原249X站位）站牌仍在，但已笠咗暫停使用袋

Togepi 發表於 2024-8-25 19:09
79南行時間參考:
1740 皇后山總站

今日搭 11:20 往大圍嘅班次，見到都幾多街客，主要上客站係皇后山同山麗苑，主要落客站就係翠怡花園、大埔舊墟遊樂場同大埔超級城，小弟就喺禾輋落車。大埔執到兩個等緊 B8 嘅街客。


回程搭 21:20 尾車返皇后山，同樣係街客為主，主要上客站係大埔超級城同太和邨，主要落客站就係皇后山同山麗苑。禾輋上車嗰陣前面有一對夫婦搭去大埔。


如果以第一日開線嚟計，成績算係唔錯，不過有待繼續觀察，期待聽朝繁忙時間嘅成績。同埋希望 79 可以加時，例如去程 05:30 - 22:00，回程 06:30 - 23:30。

79有無得轉56A? 有得玩下即刻令九巴70可以重見天日。

asv98.kw131 發表於 2024-8-26 00:29
今日搭 11:20 往大圍嘅班次，見到都幾多街客，主要上客站係皇后山同山麗苑，主要落客站就係翠怡花園、大埔 ...

如果條件合適的話，我認為唔單要加時，並且79和B8的車隊應該允許互跳順便加強B8到全日服務
不過城巴在北都沒車廠就唔太好安排

KG1428 發表於 2024-8-26 00:31
79有無得轉56A? 有得玩下即刻令九巴70可以重見天日。

其實 W3 咪 70 特快版囉
仲咁糾纏喺 70 做咩啫
咁大條鐵喺附近，快嘅冇客，慢嘅反而有客？叫 W3 加密返啲班次咪得囉。

又，56A 開咩班次？79 又開咩班次？56A 轉 79 淨車程要幾耐？
我就唔明點解要咁轉，正常人一早去咗搭鐵。

08x200-201 發表於 2024-8-26 00:33
如果條件合適的話，我認為唔單要加時，並且79和B8的車隊應該允許互跳順便加強B8到全日服務
不過城巴在北 ...

而家皇后山啲車已經係同香園圍一齊用，經常有 64XX 行 78X / 79X，而今日 1005 嘅紀錄入面，都有幾架車係行完 79 就去做 B8，所以你講嘅嘢已經一直做緊。


唔夠 5 年時間，城巴喺北區由一條獨營線都冇，變成而家有 12 條（唔計節日限定嘅 B7X），再加埋本身新界東冇車廠，如果做埋大埔同沙田啲線，其實城巴好應該喺新界東起車廠。

而家無論係 78X、79、B7 定係 B8，都因為北區冇廠而搞到要限時限刻（78X 做咗咁耐，往皇后山都唔到 22:00）；係得 79X 有合理啲嘅時段，但好明顯 79X 新增時段嘅車私牌成本好高。

castanopsis 發表於 2024-8-25 21:47
好似都係有啲遠遠地
如果跟類似64K行法，但唔入太和站，會唔會方便到兩邊客？
超級城 用 昌運 上落車，感 ...

我冧區外人睇地圖，應該睇唔到昌運/文娛中心個位幾塞車，係就係方便入大埔中心，但係一到假期就gridlock，黃公司呢啲跳開飛機嘅車務就無謂隊佢入塞車位啦。64K獨市又密車咪照入囉，79入我驚送客就真 (埔中係咪都要行，行去舊墟公園點都近過行去火車站先，K12太轉折)

依家做太和路執下806A雞咪好地地，我冧廣福道吸引力未大到要搶埋超級城架車掛，後者又唔係買唔到野食唔到野，依家同B8一南一北夾好個 catchment咪算。同埋其實廣福道行翻上太和路都唔係咁難行，起碼條路冇行落火車站咁逼先...所以我冧廣福道翻皇后山都會肯行上去太和路，起碼之後一程過先，搭火車之後都仲要繼續排78A。

LN9267 發表於 2024-8-25 22:11
現在城巴宣傳79轉B8，不過有多少人這樣坐就是一個疑問。

禾輋係會用到咁轉車去香園圍，不過大埔有幾難上車唔知lu

JH_LE4612 發表於 2024-8-26 06:14
我冧區外人睇地圖，應該睇唔到昌運/文娛中心個位幾塞車，係就係方便入大埔中心，但係一到假期就gridlock ...

我係區外人，但作為一個成日搭64K入梧桐寨既人，唔會未感受過
個右轉位係要排隊，但又未去到好致命既級別
隔離73/73A廣福道成條龍，唔知係買餸定食飯
超級城似乎唔係同一回事

KG1428 發表於 2024-8-26 00:31
79有無得轉56A? 有得玩下即刻令九巴70可以重見天日。

成日係度J條70做乜？坐晒成程673都拍得住70啦。