城巴離奇過錯海 公關留言：恭喜幸運兒免費過海

一架城巴788號巴士，原本由上環開出，駛往小西灣藍灣半島，不過中途未知什麼原因，司機竟然經紅隧「過錯海」去九龍，幸好的是他又繼續安靜地，由紅磡折返去港島，但過程中最有趣的是，沒人變神仙，又沒人發癲，大家靜靜地坐在這裏，包括拍下這一幕的劉小姐。「我其實是每天上班都會搭這架788，當時車上都坐滿曬人，去到過隧道的時候，其實我見大家都沒什麼反應，直到突然間變光了，從隧道出來，那我就開始見到有五六個人拿出電話來拍攝，但是其他人都很冷靜繼續搭車，司機去到紅磡之後，然後他就掉頭回港島，再經灣仔去柴灣，再在巴士站放下大家，我就在第一個站落車，下車的時候，都沒有見司機有特別交代甚麼，我都有看一看他，但他也沒有特別反應。」

無端端遊車河，如果沒事幹，也都是一個美滿的旅程，不過趕返工的「趕頭趕命們」就未必這樣想。「好在剛剛再車上都有跟老闆交代情況，他就回覆了：no rush！那我就沒有特別大異議。最後其實遲了20分鐘回公司，我自己就沒有很生氣，因為都是偶發性事件，我都是第一次遇到這種情況，平時如果沒有這些事件。其實我都是個不太準時的人，所以我都沒有怪責那個司機或者很生氣。」

事主將片段放上 threads，本想給其他人吃吃花生，誰知引來很多網友分享自己的經驗。其中有人提到「因為118同788司機經常互調」，可能那天早上駕駛788的司機，一時誤當自己駕駛118 就行錯入紅隧。我們問過城巴PR，雖然PR在我們截稿前未回應。但是在事主條 threads的comment區，我們就找到城巴PR的身影，他就說：「恭喜成為幸運兒 獲得免費過海之旅」。他又真的沒有說錯，雙層隧巴1年前過紅隧只是需要15元，現在要50蚊，不是念在和你們香港人有45年的情義，城巴又怎會對你們這樣好？趕時間返工? enjoy your moment！我估城巴小編 應該也是想這樣說，要不然怎會說成這樣？但計我話，事主剛好有一個通情達理的上司，這才是最難能可貴，但當然前提是，你的解釋不要太過分。

城巴PR個回應令人意想不到

來源: Channel C

https://channelchk.com/%E5%98%AE ... F%E8%A5%BF%E7%81%A3

事後我估計應該系咁樣的：
請該位同事到六樓接受處分.png

如果本身788轉ERL，可否紅隧口落車？

城巴PR應該都係劇毒巴膠黎 成日xx當有趣

Choi 發表於 2024-9-4 00:47
如果本身788轉ERL，可否紅隧口落車？

行錯路途中, 你同司機講趕時間, 佢多數都會俾你落
當然前提係情況安全, 而且唔太影響其他乘客
(假如呢件事發生喺2018, 冇理由為咗一個客唔飛外線走去同堆起載車一齊排啩...)

Choi 發表於 2024-9-4 00:47
如果本身788轉ERL，可否紅隧口落車？

呢度啲人成日錯方向嘅

邊個返工時間搭788由上環中環去小西灣 而原本係要轉東鐵綫過海嫁？
（不過內文指threads原po有人留言話788同118司機常互調  原來118司機又會喺演藝嗰邊入紅隧嘅.....即係又係冇睇清楚係去小西灣方向啦）

舊聞當新聞，畀content farm不斷拎嚟翻炒，然後齋talk就會有專人不斷post呢啲垃圾文。

城巴啲pr 又會咁得閒回應呢啲舊嘢。

lsc04d11 發表於 2024-9-4 07:55
呢度啲人成日錯方向嘅

邊個返工時間搭788由上環中環去小西灣 而原本係要轉東鐵綫過海嫁？

又，柴小出發轉東鐵，正路都係搭789啦
搭788，貪瑞吉酒店/鷹君中心平台天橋陣行得好舒服？

架車行錯路咪等司機救返岩

不過今時今日隨時會係劈車

其實只係一單巴士行錯路嘅意外，不過咁啱行錯過海咁解。
carlo都算冷靜，知道出隧道就有位調頭補鑊，對乘客嘅耽誤減到最低（不過一定扣硬績效嘅啦）
員工返工因為不可抗力導致遲到，只要及時匯報，一般正常的老闆都不會過多指責
城巴PR回應其實幾好波——將大眾注意力轉移到“免費過海”，也暗示認衰（無論如何，行錯路就係錯）
回到乘客角度：用1/3嘅價錢連過兩次海（788 $8.1 vs 大部分紅隧線 $12.1 × 2）都真係“好抵”

總之，一場皆大歡喜