駕駛時 切勿使用手提電話

都唔明點解有d人總係要冒目地維護司機既利益，
在我個人而言樓主投唔投訴係佢自己選擇，
亦唔駛為咗維護司機利益而將張相打格仔，
因為錯在佢(司機)先，
佢唔用handfree講電話俾人斷正佢自己攞來。

至於有板友話d巴士迷鍾意司機開得快，
無錯呀~~但無人話司機超速係啱喎，
鍾意同果樣野啱唔啱根本就係兩回事。
正埋快=/=一定要超速架嘛。


好啦~~純粹出篇文講吓自己睇法，唔回喇...

講到呢度我都有比人警告比人停版既準備,不過最後只係想講多少少野
有人問我如果家人朋友因為咁撞到有咩感受呢 ?如果出事當然係追究到底,就算唔係家人朋友,只要出左意外司機點都係要負責架啦,但而家係咪出左事 ?我唔係話司機無錯亦唔係話要出意外先可以話行車講電話有問題更唔係要出事先安樂, 只不過當事人自己選擇左咁做之後有咩後果就係由佢自己負責, 當然可能比人點相擺上網比人批判一番繼而比人的上姦殺組照肺都係後果之一,但作為旁觀者係咪有必要只係見到一張相咁既相就講到會死人lum樓之類來嘩眾取寵,小事化大呢?如果連話無謂搞大件事都叫包庇司機既話,咁其他人既言論就係同落井下石無分別.

至於點解我要同巴士超速相提並論,係因為我記得呢度曾經有人討論邊d車邊d司機開得快時,當時有人以保障司機唔會惹麻煩之名,建議唔好列出超速司機名字同唔好指明係邊部車可以行得比限制速度高;行車時仲要無免提下講電話同超速駕駛都係違法行為,而既然各位都將行車聽電話視為對乘客同其他人構成危險, 咁超速行車唔係更大機會對乘客同其他道路使用者構成危險嗎?點解當時無人出來聲討超速行為,更無人去譴責要求唔開明唔講邊部車既”保障超速司機”既行為? 為何人家唔開名唔講邊部車超速就可視為”保障司機”且無人出聲反對,而今次話無謂令人無左份工就會被標籤為包庇司機違法?點解同樣針對司機違法行為會有兩個標準呢? 當然,呢個世界的確係好多野係無得解的.

最後我只想講, 無錯行車時用手提電話係違法的. 我個人雖然係唔贊成每事投訴的,但如果你覺得真係覺得司機咁講電話好有問題或者對你生命好有威脅甚至覺得好不安,你大可以打去27454466投訴並聲明可提供相片作證, 而唔係貼一張相上網讓其他人批判, 只覺得咁做已經超出左一個普通乘客或目擊者應該做既野..

[ 本帖最後由 hr1918 於 2007-7-16 14:42 編輯 ]

可唔可以upload張原相上黎
而家都唔係真係好清楚睇倒係咪電話

答埋你今次我都唔再答
反正你覺得你岩晒
我都無謂徙時間去說服你

原帖由 hr1918 於 2007-7-16 14:39 發表
我唔係話司機無錯亦唔係話要出意外先可以話行車講電話有問題更唔係要出事先安樂, 只不過當事人自己選擇左咁做之後有咩後果就係由佢自己負責, 當然可能比人點相擺上網比人批判一番繼而比人的上姦殺組照肺都係後果之一,但作為旁觀者係咪有必要只係見到一張相咁既相就講到會死人lum樓之類來嘩眾取寵,小事化大呢?如果連話無謂搞大件事都叫包庇司機既話,咁其他人既言論就係同落井下石無分別.

咁係咪真係要死人我地先出得聲?
睇怕你真係會好唔滿意交通警係馬路邊捉d 亂過馬路既人....

原帖由 hr1918 於 2007-7-16 14:39 發表
至於點解我要同巴士超速相提並論....

我始終唔信呢度所有人都唔支持公開超速既巴士....
你見到好多唔代表全部
請唔好一支杆打全村人....

原帖由 hr1918 於 2007-7-16 14:39 發表
最後我只想講, 無錯行車時用手提電話係違法的. 我個人雖然係唔贊成每事投訴的,但如果你覺得真係覺得司機咁講電話好有問題或者對你生命好有威脅甚至覺得好不安,你大可以打去27454466投訴並聲明可提供相片作證, 而唔係貼一張相上網讓其他人批判, 只覺得咁做已經超出左一個普通乘客或目擊者應該做既野..

無人話批判
我亦唔覺得批判
係錯就要認
唔係比人貼左出黎就可以藉詞置身事外
反而唔貼出黎都唔知有人真係可以為撐司機而妄顧安全.....


真係多言了.....

[ 本帖最後由 teddybus 於 2007-7-16 14:54 編輯 ]

唔好話我撐司機喇,咁置身事內咁既你打左電話去有關方面投訴未丫? 有晒時間地點人物仲有相囉喎

原帖由 hr1918 於 2007-7-16 14:58 發表
唔好話我撐司機喇,咁置身事內咁既你打左電話去有關方面投訴未丫? 有晒時間地點人物仲有相囉喎

如要打電話去有關方面投訴，應由樓主或其他在場目擊人士去辦，而唔係由呢道ｄ版友（非在場目擊者）去做。

原帖由 hr1918 於 2007-7-16 14:58 發表
唔好話我撐司機喇,咁置身事內咁既你打左電話去有關方面投訴未丫? 有晒時間地點人物仲有相囉喎

不知閣下是否還記得「港大校巴」事件？
由旁觀者出面投訴，後果怎樣，大家心中有數。

呢個世界上, 好多野都係雙重標準架啦
就好似巴士行駛速度, 無意外時好多人(唔係全部人)都嫌佢慢, 發生意外後就人人都話佢太快

至於樓主貼相, 老實講, 淨係睇呢張相, 我淨係見到司機托住個頭, 手肘就放o係軚盤上面, 完全睇唔到電話
但因為標題話佢講緊電話, 就令到大家主觀認為佢係講緊電話

原帖由 kiwai 於 2007-7-16 15:51 發表
呢個世界上, 好多野都係雙重標準架啦
就好似巴士行駛速度, 無意外時好多人(唔係全部人)都嫌佢慢, 發生意外後就人人都話佢太快

至於樓主貼相, 老實講, 淨係睇呢張相, 我淨係見到司機托住個頭, 手肘就放o係軚盤上面,  ...

你一講,我試過格硬放大左黎睇,其實仲似托緊眼鏡多d囉,甚至架車係咪真係行緊都無人知,話佢挺一挺左響度等入坑又得,根本唔係目擊者就點講都得,始終都係當事人至知咩事喇

[ 本帖最後由 hr1918 於 2007-7-16 16:08 編輯 ]

原帖由 hr1918 於 2007-7-16 16:07 發表


你一講,我試過格硬放大左黎睇,其實仲似托緊眼鏡多d囉,甚至架車係咪真係行緊都無人知,話佢挺一挺左響度等入坑又得,根本唔係目擊者就點講都得,始終都係當事人至知咩事喇 ...

既然係咁, 更加唔怕貼相啦....
如果要人收收埋埋咪盞其他人更加懷疑....