港鐵繼續與內地溝通 盡量壓縮西九至廣州東時間

https://hk.news.yahoo.com/%E6%9E ... 6%93-103527988.html
https://hk.news.yahoo.com/%E8%AD ... 9%B6-061410156.html

广州東既車始終停站太多, 又比以前直通車更耐既時間, 直頭係要大改! 起碼做到首尾兩班車可以中途不停站已經好好

新塘呢個站冇錯係新，但係未到VIP 一線車站規模

不如諗吓有冇可能將幾班西九至廣州東車拉去白雲站仲好

佢自己都話短途線入面，四個一線車站以外，其他站嘅客量夾埋都係得一成，仲停新塘係咪嫌唔夠慢

       問題係廣深城際Ⅰ、Ⅱ綫都降標到160km/h，除非成條廣深綫來個大整治，更新路軌路基，最後先有機會提縮短時間。

       不如諗吓將幾班廣州東車拉到廣州站、廣州白雲站仲好，起碼可換乘北上長途班次，宜家到廣州東唔湯唔水噉，既唔方便本港搭客，又唔方便內地搭客，例如大灣區旅遊專列啲老年人，人哋行程係專列到廣州落車換旅遊巴兜一圈先、然後火車落到深圳東，旅客轉乘直通巴士過關落到香港兜一圈，之後金巴兜港珠澳大橋到澳門兜一圈，兜完過珠海再搭船返深圳兜一圈景點先返番火車度，其次要兜深圳兩次，太多餘；呢度本身可以簡化到喺廣州白雲度整個同台換乘，綠皮專列到廣州後轉高速動車，直落到西九再換巴士繼續行程至深圳，再倒番廣州玩一轉……

廣州東線有一大段跟廣深城際行，硬件註定行得唔快。
一係就等廣州站upgrade做高鐵站、兼起好廣州南至廣州站聯絡線後，
將部分廣州南嘅班次拉上廣州站，再倒插返去廣州東。

da54 發表於 2024-10-30 22:55
佢自己都話短途線入面，四個一線車站以外，其他站嘅客量夾埋都係得一成，仲停新塘係咪嫌唔夠慢 ...

以前九廣直通車中途只停常平一站，就算而家升級成高鐵，都好應該保留若干速達型東次

Waiyin12 發表於 2024-10-31 09:19
以前九廣直通車中途只停常平一站，就算而家升級成高鐵，都好應該保留若干速達型東次 ...

以前好似一日都有一班不停站廣九直通車，其實依家都可以做返。

至於因為广深一、二綫嘅問題，其實以往广九直通車都唔算行得快（起碼唔會過160），
依家話自己係高鐵，但個時間分分鐘只係动车級別，但都可以同以往行160時無乜分別，
其實又真係講唔過去嘅！

GD1570 發表於 2024-11-1 00:12
以前好似一日都有一班不停站廣九直通車，其實依家都可以做返。

至於因為广深一、二綫嘅問題，其實以往广 ...

深圳北 - 塘夏連絡線之間一段廣深港高鐵，會唔會上到 300 km/h ?

Waiyin12 發表於 2024-11-1 08:12
深圳北 - 塘夏連絡線之間一段廣深港高鐵，會唔會上到 300 km/h ?

深圳北站出站就入陽深聯絡線疏解綫喇，然後再到陽台山綫路所度入京港高速綫贛深段，呢段唔屬於廣深港高鐵部分……佢設計時速都冇300km，要過咗陽台山入京港高速綫主綫先有

運輸及物流局局長林世雄回覆立法會議員提問時表示，港鐵(00066.HK)正積極與內地鐵路單位研究新增新塘站，作為廣深港高鐵的中途站。
https://hk.news.yahoo.com/%E6%9E ... 6%93-103527988.html

提速既話想加停新塘站