[問題] AEL - 市區來回 AIR / AWE

請問由市區乘搭AEL往大嶼山，可於不出閘的情況下在 AIR / AWE 乘搭反方向列車回市區嗎？
請問限時是否跟MTR一樣，為 150分鐘？


謝謝！

根據基本收費，會收兩個單程價錢，機場站並冇閘門，所以機場快綫係入閘時收取全費，出閘亦都會收取全費
不過基於而家港鐵有優惠，即日來回，回程免費，只要你張八達通中間冇使用超過九次，即日回程出閘就唔會收錢

補充：博覽館站的閘機就預設機場往來博覽館站的車費。

其餘就 #2 師兄已詳細論述。

理論上可以
因為機場出入唔需要經閘口
但黨鐵係會放蛇捉
博唔博得過就自行判斷

你意思係市區上車搭到機場落車之後直接搭𨋢落樓下上車返市區？
基於機場站並沒有閘機，咁做係當兩個獨立車程計，完全合法而且沒有150分鐘限制，票價係兩程單程或者即日來回優惠（如果合資格享用優惠）

JX9097 發表於 2024-10-31 10:36
理論上可以
因為機場出入唔需要經閘口
但黨鐵係會放蛇捉

市區入閘已經收佐一次錢，即日回程又免費/出閘扣錢，完全啱規矩。你想捉D乜先？

以前捉都係捉機場出市區，唔出閘（主要係交收文件）再返機場。

cyrcheung 發表於 2024-10-31 08:54
補充：博覽館站的閘機就預設機場往來博覽館站的車費。

其餘就 #2 師兄已詳細論述。 ...

機場上車就係，市區入博覽館因為市區扣佐一次，博覽館出閘唔會再扣。

s3n370 發表於 2024-10-31 19:04
市區入閘已經收佐一次錢，即日回程又免費/出閘扣錢，完全啱規矩。你想捉D乜先？

以前捉都係捉機場出市區 ...

我意思就係機場》市區》機場
Get錯樓主方向

明白 多謝各位師兄提供資訊！

另外，AEL HOK站上落都是同一個月台吧？

順帶問下市區入機場站，即日返回市區但唔係原先出發嘅車站，
舉個例青衣去機場，即日回程去九龍站，車費點計呢？
當兩程，只收貴D車站嘅即日來回價定係平均呢？

即日來回博覽館站嘅優惠，寫明來回唔同站就收平均價，機場就無咁寫。