港鐵元祖車廠控制室

港鐵九龍灣車廠北面有一座五層樓高嘅控制塔，大家路過啟業邨附近時相信都會留意到。塔頂嘅控制室以前係負責調度九龍灣車廠範圍內嘅列車同工程車，不過呢個控制室已經停用咗超過廿年，由2003年開始已經改為透過廠內更先進嘅電腦系統控制。

小編日前有幸參觀原汁原味封存嘅第一代車廠控制室，中央控制台仍然採用全燈號同按鈕控制，靠磁石貼人手標示列車位置，而控制室嘅落地玻璃可以居高臨下將廠內線道一覽無遺，控制室內仲保留緊千禧年代嘅海報，令小編印象難忘！

見網上堆KOL同各大組織出啲文好似倒模咁
係咪你公司俾晒範文大家參考點樣寫作？

HV9990 發表於 2024-11-5 02:52
見網上堆KOL同各大組織出啲文好似倒模咁
係咪你公司俾晒範文大家參考點樣寫作？ ...

物件固定喺一個位置，十個人影出嚟分別都唔會大，出嚟啲 posts 自不然差唔多至於啲 KOL，旨正証明「我有份去㗎」