牛潭尾新區擬建1.3萬伙 4成土地留建大學城、教研醫院

Toz 發表於 2024-11-16 16:52
當年梁生自己話要人均住大一倍

香港人均居住面積得深圳一半，必然要追返，唔追晒起碼都追八成，唔發展點 ...

但依家都有幾方面要擔憂

起左既樓賣唔去/賤賣=內房2.0
賣地賣唔到錢=財赤填唔到數
負資產=無底深潭/影響銀行

有序平穩發展可能比較好但依家個勢係唔知幾時跌完

Toz 發表於 2024-11-18 07:19
唔係起幾大既問題, 仲起五六百呎兩房居屋, 要賣幾錢？

08年樓價爆升兩三成，金融海嘯都只係壓左大半年（ ...

建築成本係就係升左，但係單位面積同賣幾錢無必然關係。依家一間居屋成本約一百萬計，即使起多50%面積，都未駛150萬一間，因為風火水電土地平整果啲唔會多幾多，鋼筋水泥對比樓價佔比亦無咁大。新居屋同舊居屋都玩過彈性折扣率，你依家去買新居屋三房一樣供到氣咳，但偏偏最搶手就係大單位。

又，第一期居順緻賣八萬，同期淘大無咁大間都賣十八萬，居屋唔平過私樓無天理啦。只係講緊近年私樓為咗壓縮公用部分面積而搞到間唔到房，尤其係地塊比較大嘅項目，否則好似南昌一號咁五百幾呎俾四房你都得。而呢種大開放式同一房對想生育嘅家庭唔友善。

又又咁講，佢跌到人人都住得起400呎嘅時候，啲納米樓仲有無二手價值？

巴士的膠 發表於 2024-11-18 09:34
建築成本係就係升左，但係單位面積同賣幾錢無必然關係。依家一間居屋成本約一百萬計，即使起多50%面積， ...

納米樓
https://www.google.com/search?sc ... ih=514&dpr=1.25

貶值以雙位數計

不過大單位錯timing買
或者係做左呼吸PLAN
就祝君好運

kay 發表於 2024-11-18 08:46
但依家都有幾方面要擔憂

起左既樓賣唔去/賤賣=內房2.0

宜家跌既速度係慢過之前升既速度
仲有就係19年打後大環境咁差都頂住幾年唔跌，肯定要追返

CCL以前50-60左右時有一段好長既平台期，當時家庭入息中位數停滯左一段時間，到今日家庭入息中位數相比當時升一倍左右
CCL合理價咪就係升一倍，即係100-120，宜家140左右，的確未到底，而且利率高，供樓淨係利息都有機會貴過租金，所以個價比較虛，但又唔會話跌到負資產
如果話將來要慢慢增加住宅面積既，咁就要壓住平均呎價升幅，收入高左買大Ｄ而唔係買貴D，一代人之後香港人均就可以住大一半以上

巴士的膠 發表於 2024-11-18 09:34
建築成本係就係升左，但係單位面積同賣幾錢無必然關係。依家一間居屋成本約一百萬計，即使起多50%面積， ...

政府賣樓都要就住個市
同埋始終居屋唔係無限量供應
如果話政府手上幾十萬個空置單位隨時賣，咁佢做冧個市當係改變遊戲規則，算係改革陣痛，甚至發展商都可能想早死早超生，跌夠先買地做生意
但手上無貨做冧個市後升得更快，咁就真係食焦了，等於焗人係樓市拎半世既收入賭大細
老董當年唔企硬確保長期供應，然後後面大反彈，算係敗筆，個市衰咪衰，塘水滾塘魚點炒都係虛火

納米樓夠平就有人住架啦，一個人住二三百呎都OK架，百幾呎咪當係學生宿舍
跌就無得講，邊個叫佢地一百蚊買五號仔

東京個市仆左咁多年，一樣大把納米樓，差在幾錢Ｏ者

Toz 發表於 2024-11-18 21:57
政府賣樓都要就住個市
同埋始終居屋唔係無限量供應
如果話政府手上幾十萬個空置單位隨時賣，咁佢做冧個市 ...

一個人住二百呎當然可以，所以咪話唔好諗結婚生仔囉，否則三個人住就連「簡約」嘅程度都未必有。

假設有人400萬買咗個200呎納米樓，俾一成首期供30年。依家跌咗一半，你可以計吓佢幾時可以由負資產變返無產。仲有無可能換樓。

反而係舊居屋時期，居屋一般都係位置較遜而面積較大。而且當時未流行會所同天價管理費。而家起咗咁多「豪宅」，除非你一代人係等到呢堆樓拆哂就話，否則我未見到有重建嘅空間。市建局有計劃過重建八文樓，即管睇吓做唔做到，畢竟大同新村、美孚都已經六十年樓。

反而係第一步恢復返住得遠可以住大啲。如果真係做到片區開發，一個盤去到幾千甚至一萬伙，起會所會比較符合成本效益。

巴士的膠 發表於 2024-11-19 09:07
一個人住二百呎當然可以，所以咪話唔好諗結婚生仔囉，否則三個人住就連「簡約」嘅程度都未必有。

假設有 ...

越住越細都係高地價同埋呎價問題

正如依家話搞簡樸房
先有人話因為貴先租埋D垃圾劏房
但租日後簡樸房都訓唔起要訓街

啱啱牛潭尾非原居民就話反對滅村，睇下會有咩行動

jpoon 發表於 2024-12-7 01:23
啱啱牛潭尾非原居民就話反對滅村，睇下會有咩行動

非原居民基本上都冇咩牙力