建議 11C 改經九龍灣商貿區、15A 改經啟德

1181174166 發表於 2024-12-28 10:22
1 就係13M做埋聯合醫院落返翠屏/秀茂坪落容鳳書
2 慳唔到時間就來回翠屏
...

曉光街係咪唔使做？

而且你都未解釋咁改個動機到底係為乜

S3BL100 發表於 2024-12-28 10:35
曉光街係咪唔使做？

而且你都未解釋咁改個動機到底係為乜

都有人指出11C落山慢，改完都係89B
唔啱聽就由佢

無11C對1A不同不癢，係竹園食哂

1181174166 發表於 2024-12-28 10:52
都有人指出11C落山慢，改完都係89B
唔啱聽就由佢

你咁做只係將問題轉移去第二度

11C 只係上游秀明道往來黃大仙乘客畀 290A 食晒，但一落到聯合醫院已經無好強烈理由要抽走唯一黃大仙線，翠屏有 89 但都廢左武功，而且本來有其他想像空間

綠小 89B 做唔到翠屏往來九龍灣商貿區，況且秀茂坪有條 89B 亦唔代表巴士一定無用

S3BL100 發表於 2024-12-28 12:07
你咁做只係將問題轉移去第二度

11C 只係上游秀明道往來黃大仙乘客畀 290A 食晒，但一落到聯合醫院已經無 ...

所以竹園要幫翠屏抵諗啲？
班次、價錢、淘大通通竹園都輸

我唔一開始講，其他版友都講哂，無嘢補充啦

1181174166 發表於 2024-12-28 13:23
所以竹園要幫翠屏抵諗啲？
班次、價錢、淘大通通竹園都輸

但就算有人講到九龍灣好似係巴士票房毒藥都好，都唔可以否認秀茂坪同翠屏角度，11C 入九龍灣會比起而家同其他線重疊更有用

就算竹園都有討論空間，反正而家仲有幾多人咁神心等 11C 往來德福淘大都係問題。唔係話唔需要考慮點補，但竹園本身就位置尷尬，離鐵同黃大仙轉車站話近唔近，但話遠又真係唔遠

至底限度唔係好似你咁，見到人地話咩 11C 秀茂坪落牛頭角站一段行得耐，就諗住將條 13M 改到鬼五馬六。兜落翠屏落容鳳書轉個圈再屈返上裕民坊，玩客咩。雖然而家條線比 11C 仲霉，但都唔係咁樣改到仲衰，仲好意思話上山飛起翠屏道，連行車時間都唔好好地計下，條線到底做緊咩客都唔知

big picture 13M 要搞係應該同 16M 整合

嫌 11C 慢，其實條 13D 落山一樣都係咁慢。一條走左落翠屏道，一條走左入牛頭角道食燈，埋單打和啦。慢既原因唔止係因為翠屏道，仲有就係行完秀明道經聯合醫院果邊落山根本就比起行曉光街慢。不過咁多麻煩流水，呢段根本就無得搞，想搞條 13D 都仲易少少

S3BL100 發表於 2024-12-28 22:56
但就算有人講到九龍灣好似係巴士票房毒藥都好，都唔可以否認秀茂坪同翠屏角度，11C 入九龍灣會比起而家同 ...

講緊竹園返返去13M你都好嘢
13M同16M nice to have但係作用唔大，反而做唔到其他嘢
而方向上唔同不作評論
行車時間3架車仲有柯打，如果唔考慮夾硬用返兩架車行都唔會講上山改道，又鬧人唔使本

個結就係11C竹園有份，改13M就係減少11C喺兩地之間糾纏
改13M只係其中一個諗法，28B入翠屏又好，11B又好，包括你提過13D都好(which is我都諗過)，要做就唔限於11C
諗到竹園唔使郁到又翠屏有車方為上啊

秀茂坪就89B車程太快，有巴士都無作為
但係你唔係聽建議而係鬧建議，咁跟你意思去倒客囉

1181174166 發表於 2024-12-28 23:24
講緊竹園返返去13M你都好嘢
13M同16M nice to have但係作用唔大，反而做唔到其他嘢
而方向上唔同不作評論

但而家係你搬出條 13M 在先

你唔同意原建議係一回事，但求其搬出幾個更不合理反建議並唔會令到你自己論點變得更強更具說服力

13M 上面講左。搬 28B 落翠屏？條線而家做緊咩客你又知唔知？飛起和樂邨可行嗎？本身都成班往來九龍灣乘客，仲未計街巿客，然後又延長三彩往來觀塘行車時間

至於 11B？我諗呢度無人反對過德福淘大整體比起商貿區多客，咁而家明明翠屏 11B 11C 當中 11B 係明顯多好多客果條，有乜理由係改 11B 而唔係 11C？兩條線重疊改一條做大個餅，但唔代表偏要揀多客果條亂改囉。仲未計 11B 自己都有班下路同十三街客，本身呢段又比竹園多客，要補償佢地仲難過將竹園條 11C 改入九龍灣商貿區。你覺得拎竹園條 11C 去改唔得但 11B 咁改就可以，完全係雙重標準

再講多一次，秀茂坪就算有條 89B 綠小都好，佢地角度 11C 入商貿區都一定有用過留低同 1A 13D 重疊

至於拎條廢既 13D 去改都仲合理好多，唔爭在行啟德果邊走食埋條 24（24 我自己有其他諗法，但離題唔講）。但首先行埋翠屏就一定觀塘道勵業街入，唔計牛頭角道問題（客觀上離觀塘道近但真正麻煩位可能係秀茂坪落牛頭角賽馬會診所），都係增加緊觀塘道流量，唔該將條 11C 完全由觀塘道撤走，但咁做徒增重組規模

況且九龍灣往來旺角有大大條 793，就算 13D 行啟德走，呢個建議上唔上到 RPP，無人知

反正今次我建議埋 15A 改行啟德入新蒲崗。雖然我唔認為事必要補，但唔拉埋 11C 一齊玩，可能又會有人彈出來嘈九龍灣商貿區往來彩虹無補償。反正今次 11C 咁改，九龍灣出彩虹唔使入啟麗圈，都快左八分鐘，做彩虹至黃大仙一段意義可能比起同屎水搶旺角客更大。13D 都係等中九幹全通後再睇下點改啦

樓主以往建議過 2D 11D 入九商，如果11D 可以入九商再拉上竹園，11C 西段價值應該會細好多。

甚或乎會唔會有機會用 11D 食埋 11C 秀茂坪-觀塘市 一段？

S3BL100 發表於 2024-12-29 00:43
但而家係你搬出條 13M 在先

你唔同意原建議係一回事，但求其搬出幾個更不合理反建議並唔會令到你自己論 ...

反駁諗法都要長篇大論辛苦哂，我好簡單，唔啱聽就當無講過
但係睇你用字，你只要指出和樂邨問題即可，「可行嗎？」係完全無必要

其中一樣你搞著竹園就係車費提升，除非你話收返$6.4

11B十三街有5C出轉車站之餘，紅土有14/15，條件比竹園好

秀茂坪有齊1A/13D，搞得掂翠屏11C就功成身退
11C究竟同1A爭幾多客?而13M又係唔係重疊?
A去B有多過一條線就重疊，何來86C/286C概念?
持分者唔限你而對面有獨市，就唔能夠就單邊重疊作唯一考量

而13D行勵業街一定要入觀塘道去迴旋處?


回歸基本步，竹園點解要捱咁多刀?
加價、減班、行車時間增加
講到上天都好，關竹園咩事?

流星☆雨 發表於 2024-12-29 00:48
樓主以往建議過 2D 11D 入九商，如果11D 可以入九商再拉上竹園，11C 西段價值應該會細好多。

甚或乎會唔會 ...

11D都有諗過，問題係聯合醫院