城巴金鐘一帶巴士站名再更改及增設轉車站轉車提示

小弟最近幾日留意到城巴報站顯示同聲音表達金鐘一帶巴士站名嗰陣又唔同咗，
以70P為例:
原本係:
中文: 下一站:金鐘站D出口、太古廣場
Eng: Next Stop:Admiralty Station Exit D, Pacific Place

依家變咗係:
中文: 下一站:金鐘 - 港鐵D出口、太古廣場
Eng: Next Stop:Admiralty - MTR Exit D, Pacific Place


另外喺呢個月頭，小弟見到城巴南區線例如:70、70P線咁喺南區方向會喺「香港仔隧道巴士轉乘站、海洋公園、葛量洪醫院、港怡醫院」呢個報站之後會提示喺呢個站轉乘其他路線往利東、鴨脷洲同海怡半島，同埋提示轉乘有優惠

中環方向就提示喺呢個站可以轉乘往銅鑼灣嘅路線同埋提示轉乘有優惠 (呢個提示只有香港仔隧道擠塞嗰陣先有機會見到佢播，其餘時間巴士好快就到咗個站，無時間畀佢播)

另外喺「舊灣仔警署、香港會議展覽中心、會展站」呢個報站之後提示可以喺入境事務大樓外巴士站可以轉乘路線720、720P、780、788號線往東區同埋提示轉乘有優惠

東區車希慎廣場 同 南區車SOGO都有轉乘優惠廣播

應該所有金鐘站-XXXX都改晒名做金鐘-XXXX

同早排將「啟德站」改名做「啟德 - 港鐵 A 出口」如出一轍

城巴2X往嘉亨灣方向，報站 西灣河站、西灣河文娛中心 後，會廣播：乘客可以喺呢個站落車，轉乘2A 77 99 722 前往耀東

asv98.kw131 發表於 2024-12-25 15:10
同早排將「啟德站」改名做「啟德 - 港鐵 A 出口」如出一轍

將來會唔會出現「荔枝角 - 港鐵B2出口」、「長沙灣 - 港鐵C2出口」、「牛頭角 - 港鐵A出口」呢類模糊站名?

點解唔係
「金鐘轉車站 - 金鐘站D出口」？

Choi 發表於 2024-12-27 12:52
點解唔係
「金鐘轉車站 - 金鐘站D出口」？

因為唔係九巴
城巴唔會自行界定政府刊憲以外嘅轉車站，所以連「啟德隧道轉車站」同「將藍隧道轉車站」都因為至今仍未刊憲做轉車站，城巴都堅持唔叫「巴士轉乘站」
不過講到呢到，我認為九巴嘅「粉嶺站轉車站」同「上水轉車站」都應該加返出口編號，即係例如將「上水轉車站 - 上水站（B1月台）」改名做「上水站D1出口」

「金鐘 - 港鐵D出口」呢個叫法同以前九巴嘅「鐵路站」一樣咁奇怪，明明兩鐵合併以來，叫「XX站」已經係大眾共識

epsilon 發表於 2024-12-27 12:23
將來會唔會出現「荔枝角 - 港鐵B2出口」、「長沙灣 - 港鐵C2出口」、「牛頭角 - 港鐵A出口」呢類模糊站名 ...

叫「荔枝角站B2出口」就得，接受唔到新叫法「荔枝角 - 港鐵B2出口」

吳宗錡 發表於 2024-12-27 14:38
因為唔係九巴
城巴唔會自行界定政府刊憲以外嘅轉車站，所以連「啟德隧道轉車站」同「將藍隧道轉車站」 ...

九巴自己set做轉車站關城巴咩事, 點解要跟佢