(轉載) 2025年2月北區交運提案 ( 270A / 270B / 277A / 278A / 深圳灣 )

文件6/2025：《建議第277A號線延長至將軍澳》

主要服務沙頭角嘅建制大黨嘅區議員帶頭提案，講到自己近日接獲唔少居民反映，新界北區並無直達將軍澳及西貢等地區嘅公共交通服務，令到佢哋需要先去到觀塘或者藍田轉車，先至可以去到將軍澳返工返學，路線迂迴，不便居民。因此建議277A延長去到將軍澳，為沙頭角、粉嶺鄉郊同北區居民提供提供更便捷及舒適的跨區公共交通服務。

（個人意見）呢個意見雖然係好，但係嗰位區議員有無諗過乘客想去到將軍澳嘅邊個位置呀？（入境處？知專？工業區？坑口？寶琳？定係……科技大學？）又有無諗過條路線應該係點樣行㗎？沙頭角同粉嶺啲街坊去到觀塘工貿區又想喺邊度落車呢？觀塘道油站都未必係最適當嘅位置，佢只係跟返以前70X咁樣停，又無得停市中心裕民坊個站，去工貿區返工嘅人就要行返上天橋過對面，條行人路多人行又好窄！

倒不如話建議架巴士出九龍飛走彩虹邨、之後轉左入喜鵲樓，再轉返出海皮行偉業街，行到觀碼出面上返觀塘繞道入將軍澳？
行車路線：……大老山隧道、太子道東、觀塘道、牛頭角道、雅麗道、勵業街、偉業街、將軍澳隧道、環保大道、寶邑路往將軍澳……
停站：……九龍灣站＞牛頭角道喜鵲樓＞偉業街近巧明街＞偉業街近駿業街(觀碼)(WA06-S-1200-0)＞將軍澳隧道(TS22-E-1100-0)……


文件：4/2025《建議270A及270B於繁忙時段加密班次》

交運會主席講到話270A同270B 線上班時段由新界往九龍，下班時段由九龍往新界的班次大約為 15 分鐘一班。但有不少市民上班時需由九龍到新界，下班時則由新界到九龍，而現時上班時段由九龍往新界，下班時由新界往九龍的班次只維持約 30 分鐘一班，導致不少市民於這兩個時段在巴士站大排長龍，亦曾出現相關線路的巴士因載客已滿而「飛站」的情況。佢建議檢視而家270A同270B喺上班時段由九龍入新界以及下午繁忙時段由新界往九龍嘅客流量，研究於繁忙時段加密班次的可行性，進一步加強 270A 及 270B 線巴士服務。

（個人意見）以前試過去睇某條出九龍嘅早繁新線開張，之後車長要載客做270A返上水，但係嗰程270A，成程車只有10個人入上水呢！而疫情後嘅270A、270B，夜後半小時一班出九龍嘅客量都係30至40人左右，270A出九龍嘅尾車大約載客5至10人，而278X密車過270B、270A，加上較少受東鐵競爭，所以夜後客量會多些少。相對密少少嘅大埔271，晚上十時半出九龍嘅客量，每班車其實亦只有5人左右。

如果講咗呢個客量數字之後，大家仲係咪認為270A、270B夜後需要加班呢？定係建議乘客睇ETA搭車呢？不過我亦都同意近期新增嘅270B喺早繁嘅上水特快班次，可以去谷一下！

文件5/2025：《建議278A巴士線加密班次及全日服務》

主要服務聯和墟嘅區議員講到，話278A號線自通車以來，皇后山、聯和墟及祥華邨一帶居民往返荃灣一帶的主要交通工具。但一直以來都有唔少居民反映，呢條路線嘅班次比較疏落，特別繁忙時間由皇后山邨開去荃灣方向，駛達聯和墟、祥華邨時，往往已客滿或非常擠逼，令當區候車乘客無法登車。此外，此路線於下午時段未有服務，對居民造成不便。建議278A線繁忙時段加密班次，並研究增加下午時段增班次的可行性，進一步加強 278A 線巴士服務長遠達至全日服務。

個人意見：278A客滿時段可能係指早繁出荃灣，但下繁入皇后山又未至於會爆，但巴士公司欠人情況嚴重呢！如果要加強278A班次嘅話，就可能要減返278X同279X班次。

文件7/2025：《建議增加北區往返深圳灣口岸巴士服務》

（已經退出「建制大黨」）主要服務嘉褔邨嘅區議員講到，港深兩地之間在經濟、文化、教育等領域的交流日益頻繁，但新界北區同深圳灣口岸之間未有直接公共交通連接，難以滿足日益增長的出行需求。佢建議根據北區居民的出行需求和分佈特點，方便居民就近乘車來回深圳灣。增加巴士服務，可有效提高深圳灣通道使用率，並能夠有效緩解交通壓力，加強兩地的聯繫，推動區域協同發展。

個人意見：呢位「溫達人」區議員，其實如果我喺羅湖過境，再搭深圳地鐵一號線去前海灣站，都快過同直接過喺元朗、天水圍轉B2去深圳灣啦！加上遲少少有穗深城際鐵路「前皇段」，由皇崗口岸站去前海，我又為何要經過元朗再去深圳灣呢？

望下而家啲90、96、97咩貓樣先啦……

廢老又想R多條口岸線$2北上，自己搭去福田口岸轉地鐵啦

嘩我當日FF 拉277A入將軍澳竟然有人會拎上台面討論 笑死

先唔好講九巴三條大老山線客量點樣
沙頭角公路同將南兩邊都係屎水地頭
屎水點會唔反對
除非入將軍澳淨係去坑寶
不過肯定唔係做返工客

去深圳灣就應該會B9 咁玩

大埔以北、元朗屯門想爭取去將軍澳的麻煩向凱婷姐姐遞信講明理由，爭取凱婷姐姐信納有必要做從而走jill bill啦
唔然的話，唔通靠林村許願樹度爆出來？

有幾多市民反映想要條北區直達將軍澳嘅路線先？

至於北區來往深圳灣，你叫永東做可能會更快更容易...

如果冇明確一個將軍澳目的地, 277A拉入將軍澳就要兜到勻, 但如果純送人上將隧轉車, 而家觀塘游泳池轉車已經做到八八九九, 係爭寶康路 將南, 或者277A唔停碧海樓 啓業邨, 改停牛池灣村方便轉290A 290X落調景嶺 寶盈, 補埋呢個窿之後就大功告成.

否則兜勻成個將軍澳, 車程慢, 又要加車, 未必係好事.

北區-深圳灣口岸有D搞笑成份, 南下元朗藍地再北上口岸, 根本深圳灣口岸就係落馬洲正西方, 福田過關轉深鐵一陣就到, 更何況深圳灣口岸附近一片荒蕪, 最接近得個人才公園, 吃喝玩樂都係要靠深鐵接駁入番南山.