89X減班

S3BL100 發表於 2025-2-16 21:55
先前又係你話我搞得規模太大，而家又話而家問題唔係重組規模大定細

但你最大問題係將慈沙命運交左畀沙田 ...

宜家89班次都見25
翠屏/觀塘客唔做，慈雲山轉車客唔做，就算塞返樂華流水落去，都唔見得會係密
然後88X拆線，如果你行觀繞做循環，又係得30
我會覺得係太散太疏

觀沙呢個位
非繁開30，同開15/20，觀感差好遠

至於 88X 拆線觀塘道雙向去埋翠屏，兩個方向淨行車時間都要平均一單 50 分，已經唔可以做到一轉連休兩粒鐘搞掂。大老山直落觀塘道，入翠屏，再出返觀塘法院，對比起大老山直落觀塘法院，用多左幾多時間，本身係有得計

大老山出發
啟業落橋，沿觀塘道到觀市
觀繞去麗港城落橋，捐返出APM
時間係無分別

換言之，做雙向，總站擺APM，行車時間係同你循環一樣
行車時間長咗，純粹係因為拉咗去翠屏，而唔係因為雙向
咁我地唯一需要問既問題，係翠屏值唔值得加一架車去做
我既答案係值得，但就算答案係唔值得，個alternative都會係雙向擺APM
而唔係觀繞循環，犧牲九龍灣，搞到服務範圍窄要上到30分鐘一班

其實 88X 雙向直出九龍灣，觀塘道限站，就係大家要既答案

至於油塘，本來都成唔到線
咪比返逆向通勤單向直出咪算
成個沙田周圍都係車，唔使擔心

castanopsis 發表於 2025-2-17 17:11
宜家89班次都見25
翠屏/觀塘客唔做，慈雲山轉車客唔做，就算塞返樂華流水落去，都唔見得會係密
然後88X拆 ...

條沙觀特快開兩繁同假日 20、非繁 30 原因，唔係服務範圍窄，而係因為資源得咁多，加上穗禾苑總站空間問題。反正 88X 同 89 都係分別開緊 30/25

但既然因為其他因素迫住要開呢個班次，89 就無理由連淘大都唔做。反正如果真係做慈沙，行大老山、做巿中心之餘，如果可以再做埋石門及/或小瀝源工貿區，先係最合乎慈雲山利益

S3BL100 發表於 2025-2-17 22:48
條沙觀特快開兩繁同假日 20、非繁 30 原因，唔係服務範圍窄，而係因為資源得咁多，加上穗禾苑總站空間問 ...

咁我覺得無理由因為資源限制，特登畫到條線少客啲
觀沙市場點缩都好，集中返埋都應該有15分鐘一班個級數
如果重組完之後，三個地鐵站既範圍
樂華淘大就89，翠屏協和街就89X，APM就88X
然後條條30分鐘一班，係咪真係好？

慈雲山用89做，做埋火炭
某程度上比起石門更有用，石門下面仍然有82X/84M搭，回程89C轉3M/D都方便
火炭真係個個轉東鐵

castanopsis 發表於 2025-2-22 06:39
咁我覺得無理由因為資源限制，特登畫到條線少客啲
觀沙市場點缩都好，集中返埋都應該有15分鐘一班個級數
...

對比起我抽慈雲山廢線資源做慈沙，你直接改 89 上山，背負現有路線包袱，亦唔會令 88X 拆線可用資源增加

況且上面講左，資源唔係唯一原因。就算你有無限資源，穗禾苑總站空間限制亦局限左觀沙特快班次上限，一樣都係 20-30

如果咁鍾意做火炭，慈沙亦可以行大老山後跟 88X 直落巿中心再入火炭。不過 88X 拆線後火炭每小時單向會有四班車往來大老山，係咪好差又唔係

但你個拆法就注定好多本來做到既野都封左後門，講緊樂華往來沙田同黃大仙，仲有慈雲山往來大老山轉乘。慈雲山坐 3D/3M 轉大老山線，至少一個方向無同站轉乘，真心唔理想。你就好似覺得只要做左沙田巿中心就交到功課，其他本來同樣可以藉呢個機會做到既野就唔理

S3BL100 發表於 2025-2-22 22:05
對比起我抽慈雲山廢線資源做慈沙，你直接改 89 上山，背負現有路線包袱，亦唔會令 88X 拆線可用資源增加
...

唔知其他版友點諗
但我會覺得，按重要性/逼切性，觀沙>慈沙>樂華
俾我揀，我唔會為咗 慈沙/樂華 做到100%，而選擇一個犧牲 觀沙 既方案

88X宜家已經有時段開緊15
況且88X要加密都仲可以開駿洋短棍
唔認同穗禾苑總站係觀沙一定要開30既理由

咁講，我之前都有建議過北行行大隧既慈沙
但再諗深一層，鑽石山已經有齊 82X/85M/75X/272S 去 石門/馬鞍山/大埔/科學園
大區入面，慈雲山只係去粉嶺上水，先要行多4分鐘路（3D/M落車穿過彩虹邨）
係咪真係有必要，為咗呢樣嘢，拆多一條線出來？

89一條線做曬慈雲山/黃大仙，拉去火炭，客量點都有保證
但拆開玩，慈雲山送俾慈沙，剩低黃大仙客繼續89，都幾大機會兩條一齊蝕

castanopsis 發表於 2025-2-23 07:51
唔知其他版友點諗
但我會覺得，按重要性/逼切性，觀沙>慈沙>樂華
俾我揀，我唔會為咗 慈沙/樂華 做到100% ...

但而家問題係你為左 #1 priority 效果好少少，而搞到 #2 效果差一大截，起碼一半原本要做既野完全做唔到，然後 #3 做唔到之餘仲要封埋後門

你認為咁樣係值得同埋應該？乜而家 #1 真係比起 #2 重要幾十倍，重要到其他野可以完全唔理？

更何況今時今日情況，觀沙特快基本盤到底有幾大都係問題。望返其實 89 唔比 88X 觀塘道班次慢好多，因為 88 88X 798 分流大量乘客，都搞到今時今日個款，89X 自己本來都大把觀沙客都跌到咁個款，而家 88 仲好客過 89，都話到畀大家知客同錢喺邊

反正有鐵路直接競爭，開 15/20 對比起 20/30，分別唔見得真係好大

而家 88X 15 分鐘班次得下繁北行兩班車，去到總站之後唔接返南行可以直接私走，唔影響總站空間。但之後已經一野跌落 25。而上繁南行已經開緊 25，總站空間絕對係決定班次因素

但就算畀你分一半班次駿洋開出，15 分一班兼且要做雙向總站，坐底只都要 9 部車。但而家 88X 得 8 部車，89 得 11 部車，你拎左 9 部車做觀沙，剩返十部車慈沙同藍田油塘特快點分？

唔好同我講你會學我拎埋慈雲山廢線交換。我係直接交換，你係搞咁大壇野，將幾區路線捆綁埋一齊重組，你自己諗下有無可能將 3B 88X 89 寫落同一個重組項目入面然後全部人命運都要受制於其他牽涉地區意思，有無可能你 #1 priority 觀沙命運受制於慈雲山肯唔肯交條 3B 出來換一樣只滿足到佢地願望一半既野

有時大家以為捆綁好叻，但應捆綁就唔捆綁，唔應該捆綁就夾硬綁埋一齊，實際上好多時候唔捆綁先係最簡單

鑽石山係有 82X 85M 75X，但 75X 得單向，仲要鑽石山果兩個站，至少一半慈雲山富山客正常唔會行落去等車。如果鑽石山咁都講得通，其實而家 89 一樣有停鑽石山，按照你邏輯根本唔需要搞咁大壇野將 89 搬上山

S3BL100 發表於 2025-2-23 22:39
但而家問題係你為左 #1 priority 效果好少少，而搞到 #2 效果差一大截，起碼一半原本要做既野完全做唔到 ...

我個方案
88X 翠屏<>裕民坊<>觀塘道<>沙市/火炭
班次15-20，站位食正觀市最多民居既地方

你個方案
88X 大隧>觀繞>APM>德福>大隧 循環
班次20-30，九龍灣得單向特快
翠屏唔到，觀市幾萬人要橫過觀塘道搭車

對觀塘而言，好難話效果差少少吧......

S3BL100 發表於 2025-2-23 22:39
但而家問題係你為左 #1 priority 效果好少少，而搞到 #2 效果差一大截，起碼一半原本要做既野完全做唔到 ...

鑽石山係有 82X 85M 75X，但 75X 得單向，仲要鑽石山果兩個站，至少一半慈雲山富山客正常唔會行落去等車。如果鑽石山咁都講得通，其實而家 89 一樣有停鑽石山，按照你邏輯根本唔需要搞咁大壇野將 89 搬上山

慈雲山<>大隧轉乘
南行唔會鬥得過3M/D車海，做來都無意思
北行唔係無用，但睇返宜家19M轉74X/75X/85M/82X/272S，除咗去北區之外，效果真係差？
好大機會只係將鑽石山條龍，搬咗上大隧
害死黃大仙堆線之餘，實際上係唔係真係做多咗嘢？
我會認為，有直車做到 沙市、火炭，已經做到效果既八九成
未必有好強既理據，89再拆多條慈沙出來，去做埋幾個北區客
推多一步，89做慈沙，保證返 黃大仙<>沙市/火炭，班次唔會進一步下跌，都重要

近幾年香港已經比較少玩一換一
反而多係廢線直接cut，想做既嘢直接加資源開新線
重組方案其實都無必要追求車數不變，反而啲線夠唔夠客重要好多
按政治阻力來講，我個方案至少翠屏有嘢落袋，唔係total loss
你拉走89，然後88X翠屏又無份，未必過唔到，但都會有阻力
願景既嘢，本身都係打算好多個step做，而唔係捆綁曬一步登天

然後 #3 做唔到之餘仲要封埋後門

樂華問題，似係九巴欠缺誘因去處理
本身班客轉2A，宜家變成直接搭你條89，巴士公司係收少咗錢
就算唔搭2A，你做好裕民坊/九龍灣<>沙田，班客十之有七八，都落到你袋
點解樂華搞咗咁多年，連繁時特班都無，應該都係呢個原因

睇返big picture，觀塘將軍澳，本身就好難做到區區都有沙田線
類似處境，仲有被88架空既四順、麗港城、康翠、康城
我會覺得，問題唔係啲窿位無直車入沙田
而係出面大路88X/89X/89拆爛咗，條條20-30，搞到要轉車都無車好轉

見到兩位熱烈討論
容許我遇兩句交流一下

依家主要係討論三個option
一. 慈沙
二. 樂沙
三. 觀沙

你問我，我覺得三個都值得做
但現實只有三有較大可能出現

慈沙本身有三條小巴分別駁緊九龍塘、黃大仙同鑽石山
（宏景/ 鳳德/ 鳳凰新村仲有條72）
基本上去沙田搭小巴轉鐵好難輸
（就算去東鐵線定屯馬線沿線都唔會輸）
巴士亦好難搶夠客
同時依家巴士公司唔會再開「頻密」班次，連轉車站concept都玩唔到
就算排除萬難開到線，畀盡都係繁時一兩班車做返工客

樂沙
巴士公司明顯冇意欲去做
一嚟樂華本身喺山腰，點都要駁腳
去淘大，九巴本身都做緊；去觀市，駁鐵駁巴士可能一半半
變咗九巴本身都近乎「食硬你」
同埋早兩年縮89B嘅時候都係一個機會去做
但九巴偏偏選擇擺牛頭角都唔擺樂華
（冇坑都只係籍口，樂華點迫都比不上穗禾苑）
即係九巴本身都只係諗住永續轉車大法

觀沙
觀塘本身有89/ 89X入沙市（88X就單向）
三條線資源上應該會容許重新拆線，成為四條線
但一嚟班次唔會密，二嚟啲線本身孭住獨市位
（89孭牛頭角道，88X孭藍田山油塘+火炭，89X孭一城富豪）
變咗要大執又要各路英雄同意嘅前設下先做到
再加上山上開咗88，變咗山上要落山轉車嘅人少咗
同時觀市重建亦令到外來客跌咗
變咗誘因亦都細咗
但已經算係三個選項當中最接近做到嘅地步
但恕我偏悲觀...好大機會都係繼續陰乾89/ 89X
同時88X又冇乜可能做到好密（受限於穗禾嘅困局）