對藍地球之改觀(UA251 SFO-ONT)

呢個都唔算咩飛行報告...

話說上星期六,即日來回三藩市,都算叫有時間搭下電氣化咗既Cal Train.

屋企近Ontario機場,疫後如果要飛北加,Southwest班次少咗(ONT只有飛OAK同SJC),而且機票貴咗,單程往往過百.然而發現藍地球有飛SFO,且單程價錢59蚊,加上多年無搭過美聯航,於是成交咗.

我對上一次搭UA已經十幾年前既事,自從"果單新聞"出名之後,有抗拒過搭呢間.
然而呢次搭之後......

當日係SFO飛ONT最後一班機,飛4:50pm.美聯航一日得三班機飛(之前五班),最後一班通常用較大型既窄體機飛,其餘班次係用CRJ200去飛.UA251執飛航機係A320,N476UA,佢係一架廿三年既飛機,2004年出廠,一生都係服役United,除咗有段時期係服役TED(但TED係UA以前廉航).
是日載客率幾乎100%,雖則係一部廿三年舊機,但應該有翻新過,睇落同一部新機差唔多
例如座位有裝AVOD,加咗不少香港電影.
仲有行李架,呢隻行李架極少響Airbus其他航空公司上見到,佢設計好似較後期737-800/Max,甚至77W.

航程一個鐘係包杯嘢飲,佢汽水係成罐上.

航程只係短短一個鐘,但令到我對UA有一定改觀
我諗 佢硬件係改善咗,但軟件都還可以.

另外,相比起LAX,SFO(或者ONT)過TSA既職員態度友善得多.
.

電影主演打錯

好奇問下，假如你有需要返香港，會唔會考慮 Starlux ONT-TPE-HKG ?

United NEXT 翻新計劃正進行得如火如茶，所有五年內唔會退役窄體機都會裝 AVOD，淡季同一時間應該有十幾部機同時做緊翻新工程。呢一刻全線窄體機隊應該岩岩好一半已完成翻新，但如果唔計 MAX 就未到一半已裝 AVOD

暫時得 73G 同 753 全部未翻新，38M 同 752 全線有 AVOD，39M 大部分已裝，其他機種坐唔坐到就要睇彩數，短期內都會係亂派，出發前一兩日甚至幾粒鐘先知

UA 翻新工程做得無幾年前 DL 咁徹底，起碼樓主坐呢隻 320 仲用緊舊款內壁。但最重要都係個 screen，加埋藍色 mood lighting 已經呃到好多乘客。UA 呢一刻管理得好有遠見，唔難明白點解業績可以追到美國業界龍頭 DL，兼且遠遠拋離包括 AA 在內其他航空公司

不過最可惜係 UA 硬件呢幾年突飛猛進，app 又正，但餐膳同小食依然奇差

asv2 發表於 2025-2-14 22:13
好奇問下，假如你有需要返香港，會唔會考慮 Starlux ONT-TPE-HKG ?

去完呢個Trip,返嚟病咗幾日,到今日仲未算完全好得晒.

有時年紀大,係對飛行旅行(特別係長途嚟講)會覺得好攰,十年前我如果由LA返香港,通常坐窗口位,因為可以望風景,而且後生無咩所謂,因為可以成程機完全唔瞓,返到香港仲係精神(去到夜晚先眼瞓)
而家,可能考慮撰通道位,除非好似CX885果類中午機,撰窗口位望下風景.兩年前我搭過CX885,想研究下日光日白條航線係點,原來無風景可言,全係海,頂多望到貨櫃船.
畢竟 人年紀越大,可能無後生時代咁樣有呢類精力.

其實LAX/ONT返香港,有一大堆選擇
唔計JL,NH,KE,OZ................呢堆,單講直航/中轉台灣
直航有CX,UA
轉機有CI,BR,JX

基本上呢堆有好有唔好
CX/UA直航,時間上係一程過,但搭CX更勝一籌,LAX-HKG單程十五個鐘,可以好快過下日神,個AVOD搵套劇睇全部十五集攪掂,畢竟香港為基地航空公司,比較適合我哋多啲.
而且即使空服態度麻麻,但係飛機餐質素都唔錯.
然而缺點始終LAX,屋企去LAX,揸車要一個鐘(去ONT大約15分鐘),然而近一兩年塞車嚴重咗,一出105Fwy開始塞,上到Departure果一層,要等幾次燈先變綠燈,入到停車場冇車位.
縱雖如此,CX仍有一定吸引力既.
UA硬件改善咗,但正如S3BL100兄所言,飛機餐質素都係差.

好嘞,講埋CI,JX
除咗LAX之外,ONT都有航班飛台北,台北轉機返香港.
先講ONT,CI用T2,而ONT係近屋企,加上較少人用,TSA職員態度上係好Nice.

未講JX條新線,講下華航
都係有好同唔好.....
舊年搭過一次CI23/24由ONT返香港,華航往往有Promotion,張機票包一程豪經艙去,一程經濟艙返,其實平過國泰,華航收差唔多千七(以usd計),同樣價錢搭CX,來回只有經濟艙
而家CX好啲,特選經濟艙加經濟大約一千六.
因為華航A333再過幾年就退役,所以四程機之中係咁...
CI23-77W
CI909-A333
CI914-A321Neo
CI24-A359

不過因為CI909 TPE飛11:00am,而CI23到台北係朝早五點零.
中間有六個鐘時間.
其實美國機好處係去到台北,係免轉機安檢(相反香港去台北轉機要做安檢),CI23到TPE之後,分開兩邊,入境係一條隊,而轉機只係上去樓上,可以逛下成個機場,食嘢,等下班機.....咁樣,所以係一個優勢.
但缺點係好攰好攰,我搭CI23即使係豪經艙,佢個位係舒服,比國泰果隻PEY正得多,但可能前一晚瞓得唔好,攪到半條命咁,不過最後都撐到返香港,去到搭A41入沙田廠隔離間酒店(果陣已經係下晝三點幾).
若然第日搭JX由ONT咁返香港,真係要好好休息.


然而JX,佢班JX9由ONT-TPE係11:50pm起飛,第三日4:15分到台北,但往往有時順風,可以三點幾到台北.
星宇一日得兩班機飛TPE-HKG,最早果班飛8:00am(JX233),同埋4:30pm(JX235);而回程只可以撰十點幾飛果班.
但果段時間只可以逗留機場(除非撰JX235),如果出去行可能時間都唔夠.

有機會會試既,但並非近年內.

睇下第日星宇入到One World會變成點.